果然騙子只會呃傻子！半年前在百佳買咗張3 sosim電話卡，打開後原來電話號碼已被whatsapp封鎖。昨夜經過百佳見sosim卡$33，諗上次可能係意外，咁大個集團無理由咁樣做生意，於是買了1張，回家後發覺可以用WhatsApp,上次怪錯人。但十多小時後，收到whatsapp通知個號碼已被禁用，頂！人哋咁大個法律團隊，我損失$33都要息事寧人，唯有認自己係傻子。
①失效號碼係會回收重用，所以你係有機會攞到之前出過事嘅號碼。
②WhatsApp 問題同電訊商無關，電訊商係冇責任幫你處理，更遑論淨係負責賣張卡俾你嘅百佳。所以你嗰句「咁大個集團無理由咁樣做生意」係唔成立。
③如果你真係咁唔鍾意個 number，SoSIM app 入面有選項俾你換過個，只需要俾二十八蚊就得，既方便又快捷。