📌 求救。同同學關係唔好
共 39 條紀錄
求救。同同學關係唔好點算😇 本人 中一唔係鍾意搞人際關係 比較鍾意同老師傾偈 搞到from 2先知道 原來我哋有班group 比其他人拉咗入去之後 又俾人踢咗出去 仲唔知點解唔俾我坐佢哋嘅位 🙂↕️同埋成日好似好嫌棄我嘅樣😭⁉️ 仲話我二五仔同埋擦鞋仔😭
有啲人IG仲block咗我 同班剩係得一兩個friend 但其實我同佢哋無怨無仇🥲
學校好似有無限個小圈子咁，或者好似黑社會，一個大佬一睇人唔順眼就連同其他人睇你唔順眼。
我以前都好care㗎呢啲不過而家諗讀書就得🤣🤣雖然唔care呢個過程好辛苦 不過而家都識咗新嘅人🫶🏻～起碼結果係好嘅
但係佢哋真係好煩 唔搞佢地又嚟搞我我都有friend 不過少 佢哋仲要成日串我
佢哋串你都係想睇你嬲個樣 我之前都係咁，佢哋成日都串我 不過之後因為我唔理佢哋，佢哋就覺得冇癮 自然就唔講 如果你實在好嬲，你都可以串返佢哋 因為我之前就係咁🤣🤣都幾好fun
其實主要問題係 我唔想再見到呢班核突嘢 全部人做朋友都係假嘅 覺得好核突 喺老師面前好似扮到同我冇事咁
就嚟中二 你睇吓可唔可以唔同佢哋同班～同埋唔好太關注呢啲啦雖然可能一時間好難去唔理佢哋講咩 不過你要做到依樣嘢！！除非你有能力可以令佢哋收皮🤣🤣！
過來人同你講，做好自己，無視惡意，有啲人冇緣分就唔好夾硬埋堆
不過好明白你依家心情，都經歷過，但真係唔好擺係心度，唔鍾意你嘅人，理佢哋做乜🌚🌚
你最矜貴，其他等畢業就bye
好 有時我都想扮睇佢哋唔到 但係有啲真係好明顯 喺後面講我 仲要講得勁大聲🙂↕️ 同埋好近學號🥲
佢哋咁得意，講壞話都當面講，sorry 都要講句，真係好幼稚🌚🌚
有版你睇，呢啲唔好學，唔好埋堆，你會成長得好快，當佢哋笑話睇就得
咁你要保護好自己，私人嘢唔好講，防人之心不可無❗️
如果事態嚴重，要同屋企人講清楚，要家長老師介入，唔可以俾惡意得逞
喺其他地方搵友誼
友誼係重要，
但都要係值得嘅友誼先至重要
如果嗰班同學已經對你有戒心，而且佢哋唔明白同老師保持良好關係係幾有用，反而排擠你嘅話，咁你同佢哋唔係同一個Level，你屈就自己同佢地做朋友，你唔會開心 。
你既然已經係中二啦，圈子不用只限自己間學校，可以去教會啦，青少年中心啦，或者啲興趣班啦。走出去，識唔同嘅朋友，識啲唔會同 你喺學校裏面有利益衝突嘅朋友。
我唔係幾同意其他大人留言話友誼唔重要。友誼好重要。重點係同咩人一齊。
另，為保障自己，如果你的同學對你講咗啲唔禮貌嘅說話，甚至做出唔禮貌嘅行為，你記得將時地人事寫低佢 我唔係教你日日報串， 我係覺得，呢啲條理清楚嘅記錄，喺日後或者發生唔知咩事嘅時候，會對你有利 。
其實已經中三😭🙂↕️ 我大部份friend都係以前小學同埋補習社 或者隔籬班 同埋佢哋自己都會同老師傾傾偈 不過我唔明點解會話我二五 同埋擦鞋囉
em 如果佢哋無做明顯傷害你既行為就直接無視佢哋 你都孤立佢哋全班 之後自己讀書就繼續讀書反正下年唔一定同班 中學都好快會成為過去 no need to give a fxxx
但係佢哋周圍都好多friend 有時好明顯咁唔鍾意我🤡 Btw 多謝你嘅意見🙂↕️
我同你一樣
屌今日有個同frd同咗我講
自己班好多人唔鍾意我
我好多謝同我講
之後我爆咗好万多佢粗口
我真係好撚嬲
我以後面都唔會畀
佢哋全部雙面人
老師就係一個班嘅權力核心，你黐埋老師度畀人話二五仔同擦鞋仔好正常吧，好似我哋出去做嘢成日裙住老細阿諛奉承嗰啲一樣叫做擦鞋仔，一樣會畀人杯葛
即係我唔係阿諛奉承 我係純粹同老師傾吓偈嗰種😇前提係我又冇講過佢哋壞話，爆佢哋出去 冇證冇據 就話我二五仔 同埋佢哋自己都有同老師玩😇
呢啲情況就要自己做黑社會，自己食自己。睇佢哋唔順眼就揼佢哋，呢啲友誼其實冇咁重要
其實都唔係唔關友誼，主要係好核突 佢哋背後做呢啲陰濕嘢好煩
我學校喺Band two尾？我成績唔算好 轉校，真係唔知轉去邊 而且其實我學校啲老師幾好😇
你聽我講啦，讀好書就得。太注重同人哋關係冇乜用你第時考試都唔會靠人哋係咪先。我夾埋全級得嗰五個friend又唔見咩問題😂😂。你知道自己做得足夠好，其實就會有一啲好嘅人嚟靠近你哋唔需要去靠近嗰啲二五仔囉。
我完全冇讀書天賦。ADHD完全專心唔到。🙂↕️ 佢哋仲要表面同背面都有鬧
我會選擇扮聽唔到囉，即係我覺得佢鍾意點講係佢嘅事我做好我自己就夠。我低form都係咁俾人玩過啦，我都係覺得你做好自己算我冇可能控制到人哋想點😂
講真你出到去都可以識到其他frd唔一定要起學校識 與其話佢地杯你 仲不如話你杯佢地
我而家大部份friend都係其他學校！ 認真講 Band one 嘅人嘅人品 真心好過Band two (大部份 冇話全部) 因為我識啲friend全部都Band one 🙂↕️
同你有類似經歷🥹 係佢哋幼稚 但係我哋係改變唔到人哋 我哋可以做嘅係喺出面或者其他from識frd 千祈唔好因為想融入人哋而委屈自己！🔥
如果你係低from 真係好辛苦嘅話不如轉校啦🫥唔好好似我咁都就嚟畢業冇得轉🥲
加油！👥🔥
只要冇做錯野 做番自己就可以
比心機讀書 你世界唔一定要有佢地
同埋邊個嫌棄邊個都未知 任何人無資格
咁你淨係 老師傾計佢真係好擦鞋
啲人睇唔順眼就係睇唔順眼， 唔使理佢哋skip
專心讀書用成績同埋eq壓佢哋
暫時打心底咁睇唔起佢哋係一個好好嘅解決方法，但都唔好投入太多感情／注意力入去😂，將重心擺返喺自己鍾意做嘅嘢上，漸漸就做到唔care佢哋，咁就算佢哋做乜，都影響唔到你充實嘅生活
如果咁容易離開你
那些不叫朋友
你又無做咩錯野
你就當一次照妖鏡，邊個係人邊個係鬼你順便知道
Form1嘅時候通常都會有呢啲狀況，不過以過來人嘅身份同你講 最好就係Focus返自己身上 加上應該係可能係因為你鍾意同老師傾偈 俾人哋嘅感覺係成日會報串或者係擦鞋嘅感覺啩…，同埋Form1,2通常都會有啲人特別受歡迎喺班上面 佢哋通常都係帶風向嗰啲人 總括嚟講就唔好理佢哋啦 Focus返係自己身上 ，有啲人係會冇原因睇你唔順眼 就算造謠都好
清者自清 自己冇做過就OK啦‼️‼️
其他人想法唔重要，就好自己本份就可以啦，你唔係為其他人而活㗎嘛，你係為自己而活，只要自己生活得舒適就可以了🐷👍🏻✨️
小事啦 唔俾你坐你就照坐 話你二五仔你咪話屌你地連班group都唔俾我入我點25你地啫 總之你喺學校串77就得 佢地欺善怕惡