求處理方法
巴士上有大大聲睇電話！
Even 我帶住耳機都聽到，邊友仲要係坐係我旁邊，而且上層係滿座，佢都將佢個袋放喺佢隔籬張凳上！而且擘大腳咁坐！
忍咗好多個站終於開口同佢講
我：唔該個電話可唔可以校細聲啲？
佢：你聽到啊(眼神極致凶狠）
我：係呀，我聽到啊！
佢：你帶住耳機都聽到啊！
我：我聽唔到就唔會，叫你校細聲啲啦！
佢：（冇出聲，露出極之凶狠雙眼通紅嘅眼神)
我：（我都冇出聲，用一種莫名其妙嘅眼神望住佢，對視咗大約有10秒）
我完全係覺得佢係會想開拖咁款
佢：（完全係漠視囉，都係照樣咁大聲睇片當冇事發生咁）
我：其實你咁樣好騷擾人囉
佢：(完全唔理囉）

成件事情嘅發生冇其他人出聲，淨係我前面嗰個阿伯望咗個男人一陣就算，其實唔係香港人想出聲，係出咗聲都冇用！有陣時係好無奈！

附上冇生命危險影嘅相

呢d人講道理無用嘅， 都係要用魔法對付魔法：
你要唔怕醜唉個頭埋去佢電話到睇，然後佢一定粗口問候你/媽差你：關你x事呀？
你： 喂，你開到咁大聲，以為你想同我開心share咋....（笑笑口）
佢可能會一直口upup鬧你，但大可能會收細音量

你要內心夠強大！

你會出聲已經好好啦，盡做吧！

唯一我唔會出聲嘅係小朋友，我會啤住佢哋嘅老竇老母！
另外我發覺最難搞都係上咗年紀嘅！一啲就係ignore你，一啲就好似今次咁笑返你轉頭🙂‍↕️

既然全架巴士啲人都唔出聲！咪一齊開喇叭囉！
容忍到佢冇理由容忍唔到我吓話🤣

大聲開大悲咒放近佢耳邊，鬥嘈。

我試過出聲之後，呢啲19會玩小動作，喐身喐勢，搞呢搞路，為求令你唔舒服報仇。

我唯有大聲祝福佢成世人都會遇到同你一樣騷擾人嘅乘客，永遠唔會坐得安落。

不過講完我都驚比人搞，所以離開咗。

小人難防

I know your feeling! 真係魔法打敗魔法！大聲到頭暈嘔，你同佢都『控制唔到』

呢啲要用魔法對付，你可以伸個頭埋去同佢睇埋一份，或者播大悲咒超渡佢（切記，唔好播AV，犯法嘅）

最緊要你面皮夠厚，對呢啲人好聲好氣係冇用嘅

我未到呢個境界🤣

慢慢你就會

今晚收工兩程車已經寸左四個大聲婆。第一個播片，就扮講電話大嗌你講大聲啲啦，有人播片播到我聽唔到你講乜。第2+3係要坐斜角大聲傾計嘅呀嬋，都係果招扮講電話大嗌你講大聲啲啦，有人傾計大聲到抗燥都嗌爆埋。遇到第四個就冇心情暗寸啦，直線抽擊話邊個講電話咁大聲呀，仲要咁大聲播埋出嚟比大家聽。

好好彩全部都收聲，係2+3見我行去落車門即刻又大聲返，臨落車都仲要我啤多嘢

雞籠理論下衍生出的這等事情在全香港湧現，你唔係唯一一個呀，每日有上千宗公共交通上相類事件

我會用手指撩喉嚨椗嘔落隔籬

暫時嚟講，未逢敵手

我有時都想發癲咁嗌出嚟釋放我嘅憤怒！真係嘈到癲架！

其實基本上我每次都會叫啲人閂細啲聲，但係第一次遇到咁無賴嘅人

我都會睇人，叫佢細聲啲，不過我係女人有時又會帶住細路仔，有時連阿仔都嘈到佢想出聲，但有啲人你係知叫佢都無用，嗰時我就好想大嗌發癲🤪🤪

好無奈囉！

我以前試過,隔離條友請電話,非常大聲,我叫條仆街細聲D啲,條仆街完全聲不到,我即時除低耳機,用手機播條坦克發炮加戰機轟炸,炸彈爆炸,手機聲開到最大,係條仆街耳邊轟佢

如果當時我在場睇到一定好爽，但我自己話唔敢做🙂‍↕️

可以通知車長,等長車長搞

叫車長處理

即刻急性精神病發作，咆哮：我真係聽到呀！X3。我都想我係幻聽呀！DLLM。

咁你坐的士或自己渣車罹無人騷擾到你？

我會YouTube搵九巴請保持車廂安靜嗰個錄音，然後最大聲量播出嚟😂

喺佢隔離咳就得㗎啦

我驚佢一陣間到返轉頭喺我隔籬狂咳咁我就驚到雞飛狗走

又或者講 算啦你都唔擺得耐 由你啦

我會咳 咳到噴口水
然後講唔好意思🙏🙏

個肚腩都幾大喔！😂