港鐵而家嘅扶手電梯係要「左右兩邊企定定」
我細個嗰陣就係學「左行右企」
改咗規矩，但都仲有好多人係未習慣，有時都會遇到有啲大人會行
我就緊係明點解會有人會行，但小朋友就係學緊要守規矩
新一代嘅家長，你會點教你嘅小朋友？
左右企穩 仲離地過關愛座
不如教d人離開電梯果陣唔好行去中間仲實際
前幾日阿婆+拉喼行中間，後面差d仆死
出電梯行中間真係好癲，好多大人都會，所以前面嗰個人拉嘢盡量都要企開兩格
不過我都試過企開兩格上緊途中，左邊有人會企入去我哋嘅中間嗰格，到出嗰下都係好kick🫠
如果我係家長，我都會繼續講左行右棋，因為要留返左邊俾趕時間，你知香港人有幾趕㗎啦
有時人擁情況下都會去咗左邊，特別小朋友行先，唔係次次都埋到右線，有時都迫住企咗左，咁如果你做家長，會唔會身教小朋友守規矩，堅持企定？
我每次遇到呢個題目
我都係回
叫港鐵換晒啲電梯做單人梯
然後係空出嚟嘅空間起返條樓梯
先好叫我唔好行電梯啦
即係你會同小朋友講呢個係港鐵嘅問題？跟住叫佢照行？
佢問我點解嗰個姨姨推+鬧婆婆😂我就係話佢好趕時間，好心急，心情唔好
跟住佢就問我點解寫住企定定，佢都仲要行，仲要推人仲要鬧人…無限loop（佢7歲）
冇㗎，等佢自己判斷
佢知道推人鬧人唔啱就夠
要俾佢知道呢個世界唔係個個人都聽人講
但呢個真係唔算係規則嚟
唔好見到寫住就100%要跟
之前都有幾單新聞係左右企有意外
有問題時無位走
我自己覺得左行右企最好
要5行就右企
對，我聽完大家意見都係叫佢第時一個人，無論點都企右算
我會教：一日無寫入法例附例校規、一日都唔算係規矩、其他野自己決定、遇到困難（俾人鬧）自己諗下點解決
我尋日問佢知唔知未落實呢條法例，佢話佢知，但係佢話學校都有教、又有聽歌、都係學校俾佢聽、就係唱唔好行左右企定定🤣（你如果有小朋友，就知學校同老師嘅威力係勁過父母😆）
所以佢應該心裡認為就算未立法，佢都屬於潛規則
佢3歲幾時有次去公園，有個大個佢嘅小朋友打佔，踩住佢手上去，嗰下佢無喊，但唔肯縮手又唔讓開，我即刻有埋去請個小朋友鬆開隻腳，問佢知唔知踩到人，佢一嘢走咗啦，然後我就問返我女咩事俾人踩住都唔縮開，佢就話因為佢打佔😅
其實公園都冇明文規定話一定要排隊，但係喺佢心目中佢覺得正常就係應該要跟次序咁樣做
何況佢喺港鐵嗰度見到寫咗，學校又教咗，咁就更加好難逆轉到佢心目中認為咁樣做先啱嘅諗法
我係一個大人，又有經歷過以前左行右企唔嘅教育，當然係會明白有好多事情唔係非黑即白
但係想請教大家呢件事，就係建基於小朋友學校教佢、同埋港鐵寫住、而佢有目睹或者經歷過喺佢心目中會教到佢嘅大人（長輩）都會選擇唔跟佢學過認為正確嘅嘢 ，呢件事充滿着矛盾，所以先想請教吓新一代嘅父母，會點樣教？
當然每個小朋友性格都唔同教法都唔一定完全一樣，上來傾下只係想吸取吓人哋嘅經驗同埋意見，又再自己諗吓+同小朋友傾吓，希望搵到一個最好嘅教法
有時覺得好反智，繁忙時間，啲人勁多，單邊排隊等上電梯，但另一邊無人敢行，因為驚俾人話，好多人都唔係趕時間，只要有一個人企喺左邊，月台啲人好快就清晒，但單邊排，條隊就勁長，未散晒啲人，下一架車又埋站😪
睇返之前見到第二個post有人話，兩邊企其實係快啲，有啲人又話唔係，所以都唔知究竟邊樣先係真，同埋就算有人做咗數據，都唔等於全部人都會信
全世界好多地方都推行左右企定，唔好行嘅低能建議，同時全世界都冇人理
我自己知，但點教小朋友去明當中嘅原因都係一個學問。
不過同大家傾完，有啲想試下問下佢有冇諗到咩方法改善呢個「有啲人想行，有啲人想企」嘅問題😄
規矩都係人定~
佢大個就唔會守規矩㗎啦，港鐵影相粗口都唔講得我就真係唔信你個女成世都唔講粗口🤣
做人可以彈性少少嘅
左邊塞實晒果陣咪企晒左右
有空位果陣盡量靠右
我哋已經係咁，不過有時人多擠擁會有機會去咗左邊，當然會盡量靠右