男朋友屋企係極慳家既，有一日，我買左幾塊和牛去男朋友屋企，諗住煎黎食，食剩左2塊諗住之後個晚再煎埋黎食。
點知到左第2日，佢爸爸拎左我塊牛扒炒飯，隔離仲有三色豆、白菜粒、午餐肉，電櫃食剩既野都倒哂落去，個下完全食唔落，我男朋友仲要好開心咁食，我心諗兩塊野加埋成2000蚊就咁比你拎左去炒飯。
對佢屋企0好感，同男朋友講完，佢叫我下次買多幾塊。
我同男朋友收入差一大截，佢平時剩係會食頹飯，幾十蚊一塊既牛扒。
已變ex🙂
其實嗰度係人哋爸爸屋企 佢用佢嘅煮法都好正常🤔借人哋個雪櫃嗰個係你
反而係你Ex冇同佢老竇預先講清楚kam啲
會唔會佢老竇都唔知自己有冇買？ 同埋係粗嘢定靚嘢。
其實你大約知佢屋企咩style都會買和牛去都有啲格格不入，不過好有心。但都係感建分…
佢爸爸喺自己屋企個雪櫃攞嘢出嚟煮
好正常
畢竟嗰度係人哋屋企
自己搬出嚟先玩煮飯仔啦
事業/收入相距太大
感情會受到好多考驗
咪吹大d , $2000 2 塊，1 塊咪成千蚊。
City super $1xx/100g d 牛都唔錯，
$2xx/100g 既和牛通常唔厚， 一件扒通常 300-400g. 件扒成千蚊 一係比人呃 一係老吹
網絡內容現在很多是假膠操作引動流量，比例高得很，我已經不知道是真人五毛定AI出文了
唔關塊扒事，見到三色豆炒飯已經知同呢個家庭相處唔到
佢老豆其實都專登，無啦啦出現冇可能出現的食材，點都估到係你買，呢樣唔洗你男朋友提都一定會知，而佢選擇咗唔問聲就煮，因為屋企係佢的吹佢唔脹，但一定唔會係件合理的事。
你ex kam就唔洗講, 貪心厚面皮唔理你感受
門當戶對好重要
冇自立門戶的一律唔好上去對方屋企
選你正解，就算係人地屋企，都冇理由去煮唔係自己買既食材
你去人哋屋企食同訓，人哋煮埋俾你食，仲嫌三嫌四？ 你咁巴閉叫條仔上嚟屋企煮俾佢食呀嘛，去人地屋企把鬼？ 又要買貴嘢，又要嫌人哋窮唔識食，你想抬高自己咋嘛！ 唔覺得收入差咁遠，又覺得人哋襯你唔起，又嫌人哋老竇攞和🐮炒飯，嘥晒食材，咁快啲分手啦！ 留返嚟過年咩？ 
By the way, 你上去人哋屋企瞓都好cheap。你咁有錢點解唔hotel staycation呢？
咁係你窮問題
我以前睇過啲節目唔知邊個有錢人
真係想既就雪櫃切啲和牛炒飯
唔好又要去人哋屋企又要嫌，你應該帶你男朋友去你屋企，咁咪大家都開心囉。
聽落都幾好食
1000蚊塊和牛，即係咩和牛，想見識下
有冇用marker寫住 「Alice買上黎的和牛，勿私自食用」
唔同階層或者唔同消費觀念嘅人，最好唔好交往，無論係伴侶之間又或者朋友同事之間都好，如果唔係盞自己攞嚟煩。你哋冇話邊個啱邊個錯，分手對雙方都係好事，妳唔需要再為類似嘅事而唔開心，佢亦都算係解脫，可以去搵合適自己嘅另一半。不過妳將件事post上嚟遊街示眾呢種行為我個人就認為好值得斟酌，畢竟大家只係唔同世界嘅人，唔見得妳嘅境界同修為高得人哋幾多囉。
公主就番去皇宮同王子一齊啦，去攪平民做乜？有病...🙂↕️
既然你都知你男朋友全家都係窮人，收入低，你仲黐埋佢做乜？
人地可能就係覺得2000兩塊既和牛太cheap，只適合炒飯😂
涼瓜炆燒鵝d fd... d 鵝夠肥唔拎來炆雷公鑿 反而浪費左
因為你覺得佢窮先至有意見啫
你試吓謝霆鋒用三色豆 白菜粒 午餐肉，加你塊和牛。你咪又係滴撚住水話好好食
任何畀你上去煎牛扒既你都要心懷感激
你知煎一次牛扒要洗一次廚房嗎
窮唔緊要，
共情能力最重要
溝通最重要
其實$2000一d都唔重要
如果人哋屋企中意，其實應該開心，，
20000$ 都值得。
有冇事先溝通，第二日再整都好緊要。
有錢人小朋友有可能有容易不滿的情緒習慣。不肯定，程度、有沒有，因人而異。
如果你同兩個門當户對，一樣可能發生。
相處都係交心。
唔肯定你講浪費、尊重、還是同佢兩個世界🙏