發覺當香港人講「外國」，實際大部分係講緊白人國家
或者係講緊香港以外最優秀既地方/人，即係其實，印度都係外國黎，感覺上大部分人攞「外國」黎講，只係攞個大範圍黎扮有理據，實質可能只係憑印象。

實例1: 「香港男人最大問題唔係矮，佢地最大問題係唔gentlemen，同外國果啲真係完全無得比。
高矮，外貌呢啲野無得選擇，就唔批評人地啦。」

實例2: 「其實d大學先過外國讀書嘅，可唔可以唔好再扮有abc口音嘅廣東話」

實例3: 「香港人就係完全唔識尊重其他人，覺得講野直接就係香港文化。所以點解成日話外國無咁大壓力，就係因為大家會有boundary ，唔會咁得閒理同事d私事。」

其實你想表達啲乜嘢呢？

其實本身外國就係一個好大範圍 (香港以外既國家) ，喺討論或表達時用外國去講，就幾乎其實係用緊全球去講，但實際上咁多國家，有優有劣，根本冇可能用黎一概而論。
而大部分人當佢哋用外國，你replace翻做lets says印度 泰國，基本上就已經唔valid 。

所以香港人講親外國，其實唔係講緊全部外國，只係講唔出實例，憑印象攞外國呢個統稱黎做理據

同啲人講歐美咁，歐洲同美洲咁多國家，點一樣