📌 第二次睇夜王、不過今
共 106 條紀錄
第二次睇夜王、不過今次係加長版
加左3個人既床戲、加左6條女少少劇情
加埋太子瘋個妹
我都真係第一次買M13號位、有人話買咗12同14….. 叫我調位🙄🙄🙄而家香港真係乜人都有、者係點？！明夾9我調位、我話可以之後、佢哋坐底左！個男人仲要大聲講：通常都會話可以、唔通要我地分開坐咩
唔知有冇人試過咁樣比人逼調位咁🥲!?
1.我買果時、M行係一個人都冇！
2.15 16有人、11有人、我係13、之後左右兩邊好多位都無人既、唔去買😑E對情侶為咗坐中間睇、特登買12 14要人調位😒
呢啲人呢，千祈吾好比佢地得寸盡尺，我買咗呢個位，呢個位就係屬於我嘅，唔好理佢，兩個人之後坐第啲位都唔緊要，總之，你越就人哋，人哋只會踩住你唔放。做人一定要行宗旨，覺得啱就唔好返轉頭。
係、下次唔會、諗住做下好人、調左位坐低先講風涼話😒
點解一開始就唔買連位？ 對情侶都戇X 的
我就唔會調
唔調絕對有理有據
讓係人情，唔讓係道理，俾個理由我點解一定要讓俾你？
所以咪屈機lor 🙄
如果唔讓就一定成埸西口西面、分分鐘講嘢隔住我大聲講、又係仆街😑
歡哥大戰V姐， 歡哥大戰MIMI，太子峰大戰COCO
唔讓，兩個一定會玩嘢
呢個時候一定要變白卡
惡人無賴一定欺負善良嘅人
只有白卡對付到佢哋
即刻去買大杯汽水，爆谷🍿
準備互掉互淋
哈哈🤣🤣🤣
不過我想安安樂樂睇戲、唔想搞到互淋 好似潑水節甘😂🙈
下次唔好調 ！
我喺迫人嘅連鎖食肆、巴士都試過
又係情侶任何時候必須連座 覺得老奉咁 唔讓就係你錯
我以後唔會調 寧願繼續畀佢地串串貢、眼啤啤好過
明、一丁友、食市我都試過、戲院買晒飛…. 我真係第一次🙄😒
啱啱過咗嘅星期日，我睇早場《我們不是什麼》，冇諗到都好爆，要買到第二行側邊B2，當時B1 同B3都冇人。入場後有對老夫婦入嚟坐我側邊，我主動同佢哋調位，佢哋兩位好有禮貌，唔該前唔該後。
你係就快爆加側邊、仲要有禮貌、等級好唔同、不過都好好人😌👍（我係仲有尋日個畫面🫠）
有時都係撞彩。我見對老夫婦即使唔係著得好光鮮，但都斯斯文文，所以咪讓囉
借轉貼此文
果對老鳳情侶 買飛果時只見到 11 13 15 16都有人 以為樓主13係後買 自製自私位
之後就買12 14 入黎情緒勒索樓主調位
呢d仆街欺善怕惡 換著坐13係白卡爛佬黑社會睇佢會唔會甘講😆實死狗去坐 9 10
如果係我。有禮貌=比你。老L鳳=你出200我就讓比你😈
岩、我覺得真係情緒勒索、佢哋撞正我正常人、又想安安樂樂睇戲、如果有心玩咪坐正中間、左右兩邊大擺連9 10又得17 18又得😒
世界巨嬰 自己買分開座 但老鳳要人地遷就佢地😂
甘邊個諗番人地感受
應該都係細個冇父母教😭可憐
如果有父母教 都甘款仲可憐🤧
我試過唔讓,結果佢哋將🍿互傳😵💫,咁唔讓都唔得😩
其實人情味呢樣嘢係好既，調位都係成人之美。
但呢個男人把口就衰，變左你既好心反而受到傷害。
呢啲情況我會無視嗰男人，自己繼續做認為對呢個世界係好既嘢。
點解佢地唔買其他位😂 呢行冇中間 其他位都得姐 唔洗咁逼人換位咁款🤔
應該係好似其中既留言既甘講、佢哋一係想坐中間、一係個男想認叻
對情侶係 最後買飛入場果啲黎、者係10點開埸、佢哋09:5x分先買飛
其實差一個位，都唔大影響，不過你唔同佢地鬥係正確，一陣兩個夾住你傾計，你成場戲都唔好受
我睇又一城試過一樣嘅遭遇 係一對同志 我買咗正中間E6 佢地買E5 E7 明明個院唔full 你要一齊坐大把位揀 點解要逼我調位？ 我買E6時成行未有人買
劇情一樣🤦♂️😑
想知 之後點？同我一樣讓左？
但坐底有冇講埋啲仆街野先？
讓咗 我唔想睇戲做左夾心人 佢地動作好浮誇 謝票影相好大動作 不過冇比說話我聽嘅
我都係唔想做夾心人、不過係之後風涼話果下…. 者😒
答地鐵都俾人咁樣問過可唔可以轉位
又係諗住通常一問就會俾你嘅心態
有次條友問都唔問就推我去隔離位
推緊個下我就開口小佢🤲🏻
最後都係俾佢推左佢隔離位
小到佢收曬聲🗿
過咗一個站就開始係咁大聲傾計
下次發誓無論咩情況下點都好唔再應承換位🤡
你試下，真係好過瘾，男遞爆谷俾女，女遞汽水俾男，水不斷滴在你身上，爆谷你全身都係...
其實隔一個位並不影響中間位的感覺，同埋相信佢地唔係玩野，係真係15同11都俾人買左
的確佢要大聲講嘢、我都gg
但m行係由2至25號位….16至25係冇人、4至10 又係無人😑
試過，通常都係西人，開場就會傾計同玩手機，然後又要出聲小9佢，煩
咁佢講完之後我會話，因為你調得咁唔情願，費時你咁勉強都係唔好調🙄🙄香港人呢啲位真心把口係賤
點會咁講嘢嫁，學你講買個陣係冇人，係佢地自己唔簡有2人位焗人調
既然係咁直情唔好調啦
真係、仲要調完位大聲講、賤到尼、如果睇完戲、佢死埋一邊講又或者等我走咗先講、我話之佢啦、真係未試過咁樣調位、諗住做好人、而家都頂住頂住咁🫠
所以我唔會比自己內耗🤣自從睇透人性之後呢啲真係要出聲，重點錯不在你，真係條友賤格，唔好事後自己咁頂住辛苦，但都比返個抱抱你先🫂🫂
Thx ! 沒事了、抒發完、原來大家都好好、唔會有人衝出黎幫對情侶
樓主
送個 post 俾你睇下
小人親身經歷，
估唔到仲要都係夜王
🤣🤣🤣
試過兩次唔睇號碼就坐撚咗你個位覺得無問題果款。半數我都要出聲叫可否靜靜，好多kam 🤬。好撚多嘢講架，無分年紀不論男女 🙄😑
樓主太好人，咁樣同飛機讓窗口位俾細路無分別，一來中間位價值又高啲。
btw就算好人下次要講「平時補廿雞先讓」，幫人教仔唔係事事老奉🤣
都可以、今日我學到好多野😂
今日太突然、真係第一次撞到甘樣玩調位
如果我聽到，語氣又唔好。我會話Sorry ，呢個位冷氣太凍，唔換，佢唔換番搵職員 😗
你諗多左 佢應該係同條女認叻啫
即係個d "我都話得架啦"
唔洗咁勞氣
我都覺得….. 佢哋用慣E招、不過我真係第一次撞到😒
你冇所謂就當幫人 大家開心
你有所謂就直接拒絕 無需要委屈自己
本來我覺得做下好人無乜所謂、之後坐底左、個男講果兩句……. 我覺得我自己on9左、先po 出嚟抒發下、同睇吓有冇撞過甘既劇情
明 又冇話on9嘅 始終係成人之美
都算係做咗一件好事 積咗啲功德
而且你坐過少少都唔會太影響你嘅體驗
嗰對情侶的確係有啲cheap
不過呢個係佢哋嘅事 你唔需要太過介懷
相比之下你俾佢哋好得多👍🏻👍🏻
換係你好人，
唔換你都冇錯。
見到12同14隔開左都買，
然後要人讓，件事根本CLS
係cls 、就係甘cls…….
所以先上黎問吓、原來都唔少！這種人！
開頭諗住由佢、當做下好人
打就應該唔會、不過做夾心人好辛苦
係估唔到調左之後、坐低先講風涼話者🙄
沒換飛、唔會換飛
如果換咗、等陣我連上黎抒發下既資格都冇🙈
如果好聲好氣同我講想掉位ok，但咁撚臭寸老奉咁就不了！
！！我又真係無諗過、變咗我同佢條女睇戲😂仲正過夜王劇情🙈
當場屌佢老母啦😂 如果有買嘢飲直接倒瀉落去 同你嘈嘅話直接報警