考車肥咗(´･_･`) 覺得自己係垃圾，可摸以安慰下我
覺得自己已經好幸運，抽到石蔭算簡單，之後考官係幾好嘅，佢仲要揀1號路線俾我算係容易個條
自己衰一開始泊車已經緊張泊衰咗，之後就更加冇信心，有一個彎轉得唔靚，乙丙都肥晒
真係好唔開心 覺得自己嘥晒啲錢，考一次車淨係入場費都要$3000 ，都未計學車
我真係好冇用

好多謝大家嘅留言，你地真係好善良😭😭 我睇咗大家嘅鼓勵真係有feel better！希望肥佬咗嘅都可以係到搵返堅持落去嘅勇氣同埋信心啦！

下下都1take pass 人生咪好無挑戰

知自己肥咩，覺得自己錯已經贏咗好多人㗎啦。出面大把人肥咗都瀨3瀨4。加油下次一定pass！

多謝你🙏🏻

其實好多人都冇1 take pass。運輸署都講1 take pass得25-30%。
我自己考牌都考咗3次，第一次考培正道死咗，最後一次考培正道又合格返😂
肥咗質疑自己係好正常，覺得浪費錢都好正常。我學車都使咗就黎3萬，身邊好多人考兩次合格，我考到第三次我都覺得自己好廢。
好多時都係運氣，路面順唔順，然後又加埋緊張，個考官一上車我就好緊張，心跳好快，又手震腳震咁。我諗都好多人有經歷過。不過我最後一次合格，我係含住eclipse提神，邊做動作邊自言自語，提醒自己啲動作有冇做足。
冇咩大不了，肥咗就繼續考，唔需要覺得自己冇用💪🏻💪🏻休息下先，再針對練習下弱點應該可以合格🙂‍↕️🙂‍↕️

我同你一樣 個官一上車就震晒出晒冷汗😖😖 我下次都試下食eclipse先～多謝你嘅建議同埋鼓勵！！我師傅話培正道係最難嘅考試路徑！你好叻呀

其實叫你唔好緊張係冇用嘅，你身體控制唔到，好似你發燒，你冇得就咁叫自己唔好發燒。個官好似自帶氣場咁，我好明白你嘅感受。我師傅問我要唔要食粒糖先去考，我先諗到可以試下食eclipse去考，等自己身體上對抗緊張。
講起培正道真係一殼眼淚，好多辛酸🥲好彩自己練咗好多，日日煲片，考嗰時條路又冇奇怪嘢出現。
啱啱肥咗一定懷疑人生，休息下先，4日後再抽期，到時睇下抽到咩場再算🫂🫂

好！！多謝師姐！

4take路過🫂加油
放鬆啲就好
唔好當考試
你當俾錢去玩車揸出街就可以

好！！希望下次會pass！

我都考左2次至攞到個P牌～ 我已經覺得好叻咖啦 我觀駕 第一次考學車果陣個個啊sir都話我唔得，搞到我對自己都無信心…..但第二次我12月31考，12月至再學車，我同自己講其實無理由我搞唔掂… 結果我堂堂表現得都幾好，最後得左！ 除左操車，仲要對自己有信心！加油！

你講得好啱，心態真係好重要！希望下次自己冇咁緊張，可以平常心考試啦

同埋我都有睇翻第一次衰啲咩 ，再學既時候都會特別留意，唔好再衰！

明白！之後一定會繼續努力！

加油呀，我都就嚟考，都怕失敗，但盡哂自己能力去準備，最後結果點都好，問心無愧❤️💪🏻我好欣賞你嘅分享㗎，不用怕，唔好氣餒，堅定咁克服佢💪🏻

多謝你呀，祝你考試順利！

安慰

3rd take pass

第一次 掉頭上膊 / 望鏡唔夠多
第二次 切完兩條線 停燈位 過白線

比錢continue 就得

好嘅，希望下次就合格啦！

支持你，加油👏🏻

多謝你🙏🏻

3 take路過
跟出面師傅學車
頭兩次油塘，第三次葵涌
第一次同你一樣，衰咗泊車冇晒信心，乙丙都炒晒
第二次返緊考場，衰太有自信準備出螺旋處死火
第三次瘋狂睇片，因為葵涌有條路24小時學禁
但可能因為已經第三次，知道咩位要留意
出奇地順利，心入面同自己講
：「死車要睇位，搵食車要留心」
上幾次3波比呀sir睇
最後順利合格
所以3 take pass

唔係想話咩，而係我自己覺得
好多野要經歷過，你先知有咩要留意同小心
唔洗灰，大把機會啦
又唔係肥一次就終身禁考

哈哈 我都係今日考，都係一泊車已經拍衰左，所以放飛自我，第二次得架啦！

最緊要知點解肥,係咪未練熟？師傅唔好?我初初第一次考棍van肥咗,師傅教啲唔搞教啲,根本到考試前嗰日泊位都未係100%泊到、轉波都未轉好、望鏡擰頭都係背公式做戲。之後轉咗個師傅先pass。加油

我覺得係自己緊張好多位個腦都好亂😔 諗太多所以先會咁

我都考2次
個師傅仲要扔低我話要去教其他學生，然後我自己行去地鐵站

3 take pass 叔叔路過。加油呀，我三次先考到所以我珍惜而家可以揸車的子，so far 揸到第四年啦，好注意安全。下take 會ok ga, 加油💪， 睇睇fai sir youtube 片啦，好幫到手💪

難聽講句 我師兄考7次先得
肥系攞經驗
最後都會打贏😃

兩部份都衰，代表妳比唔夠錢操車。

我練習咗好多次㗎啦！每次都泊得好，今次真係衰自己緊張

就係唔夠熟練到唔易緊張，泊車唔計時間，可以慢慢做，正常唔會緊張過路試。再操操。

好嘅，我係退後個陣踩煞車太緊張之後後得濟，上咗搏(´･_･`)

其實退後可以慢慢後，輕輕踩住煞車，到差不多先停定，冇規定踩一次煞車就要停中個搏位前。

調整心態重新黎過
你得架！❤️

thank you！

真係好睇天時地利人和💆🏻‍♀️💆🏻‍♀️

好正常，我都考咗三次

今日考中考官153😭😭🤮

鼎鼎大名嘅153，佢有冇唱歌同90度鞠躬？🫢🫂

你fail過你知自己有咩唔好 呢樣野1鋪過嘅係做唔到 pass完分分鐘你仲安全過佢地 加油！

btw唔好跟關sir學就ok

多謝你～

可以試一下第二次總共要幾錢呢?啱啱我同你同我講肥咗叫我畀兩皮嘢佢補考…....我超過十年太唔記得幾錢…...要兩皮嘢咁多咩？

可以講一下第二次幾錢？

加油啦師姐，又唔係dse

唔緊要，我今日都衰丙
我師傅話運氣佔七成
同埋通常兩take pass先係正常

好好記住今次經驗，下次有經驗就會冇咁緊張

多謝！

你睇吓姜濤
順利考到個p牌，而家又衰喺自己手又重新考過啦要
你呢啲好濕碎㗎咋，

唔緊要 我嚟緊第4take🤡⋯⋯

我考左4次⋯ 洗左42k 最後係油塘四山街pass左 矛事的慢慢黎

香港學車真係好貴TT 恭喜你終於pass！

我琴日考都肥左，成條路都好暢通就係衰自己brake落重左，下次一齊加油🫡

好！一齊及格！

下次考邊度，我幫你開路😂

咁好！我記住你㗎啦～一派快期即刻搵你㗎啦😝

我都5月考 我覺得唔係1 take pass都好正常 因為我覺得真係好難 既然你都洗濕咗個頭 就再試多幾次啦 俾多啲信心自己 一齊努力加油 盡咗力就得 以上嘅都係順便同埋自己講🤣

好多人都考幾次，加油👏

再接再厲囉～我第一次考都係肥晒兩part。然之後考第二次先至合格不過係合格泊車🥲；最後總共考咗四次先考到(棍van)

我就係兩個月前既你！ 🫂🫂🫂千祈唔好放棄 石蔭考場微微斜所以泊位要印一印油門 我就係果下印深左😂🥲之後個人就好緊張 路試出門口嗰下都好近個閘 比考官踩左brake 兩份都肥左 後尾諗返其實係太緊張 第二次考反而冇咩特別去諗太多嘢放鬆心情考就兩份都pass！！

好！！你第二次都係石蔭嗎？

Yes😂抽返同一個時間同一個場同一條路線

好有緣份！希望我都抽到！

我今日考四山街都衰左，我都諗緊仲考唔考好，我未報

加油唔好放棄！我睇咗好多comments之後心情好咗好多～你都碌下增強自己自信心啦！

一齊加油！我前幾日考石蔭 肥咗丙部 都係衰轉彎 2nd take 會pass到！

我幾日前 1 Take Pass，但其實考果日朝早上最後2堂，係迴旋處出車都有比師傅話太遲出車，考果陣最緊要心理質素夠強

同埋都要運氣，例如遇到車硬cut線，令自己停黃格，已經即肥

加油💪🏻

其實都唔係咁多人 1 take pass…
Pass到路面經驗都未必足夠。
最緊要知道差啲乜嘢啫。
上多10幾個鐘，攞多啲路面經驗，好事嚟嘅。
加油！

緊張好正常，但一諗起又要排半年，學牌路票學車費租車費🤦🏻‍♂️即刻火都黎

真...香港學車真係好貴！

唔緊要，我都好無用，來緊第六次考源安街。你先第一次考，下次再來過，實合格的。

你都要加油！今次一定得！我地一齊pass

🥹辛苦你啦 

我一月石蔭轉彎位置不正確（壓線），fail，上個禮拜何文田陪正道pass

你好叻！我師傅話培正道係最難嘅，我真係好驚自己快期抽到呢到😭

香港都係八股文咁僵化考試，好靠狂背路線，所以都係要睇YouTube 路線片

明白🙇🏻‍♀️ 派咗新考場之後一定會再睇熟d，受教了 thanks！

我都考三次
頭兩次棍仔衰咗，最後自VAN成功

個彎轉得唔靚嘅意思係過咗隔離線？

唔係呀 只係個車頭一開始歪咗少少

我都考咗兩次😬亦慶幸自己考兩次🤣
第一次沙駕 就算比我pass到 出到嚟都係馬路炸彈
因為考試個陣唔使驚前後左右啲車會唔會攝埋嚟
前後左右都係沙駕學車嘅人咁滯😂😂
因為肥佬之後覺得沙駕麻麻，所以去咗報街師傅
第二次考天光道 pass咗！
我覺得出面師傅好過沙駕好多
學嘅嘢雖然都係一樣 都係揸車姐😂
但我覺得有種學嘅知識多啲咁