而家要人「準時」其實係咪一個好過分嘅要求？

我細個小學嗰陣就手機開始出現。以前約朋友基本上都係一早約定時間、地點。到當日約定時間過10分鐘唔見就可能要過附近舖頭借電話，打去人哋屋企問人哋家人情況，問下個朋友出咗街未。（係真係會關心佢有無出咗咩事）

而家啲人即使有電話可以WhatsApp，明知自己會遲到，唔到你問佢佢都唔會主動同你講喺邊去到邊。到咗時間你問嘅時候先答「哎吔～我頭先miss咗班車啊～」「我而家落街」
然後你就戇𨳊𨳊咁企喺度等15/30/45/60分鐘等。企到你覺得自己啲時間係完全唔值錢。

都係時候要問下啲人，攞返佢阿媽阿爸啲電話號碼。得閒問候一下，約下飲茶🫖。

算啦。。。而家唔同啦，遲到15-30分鐘係基本，唔好再講以前啦

我真係好唔鍾意啲唔當人哋時間係時間嘅人。

唔準時嘅朋友，基本上我唔會再約；
遲到亦唔會最後一刻先知，更加應該主動話俾等緊嘅朋友知。

通常睇下係約邊班人 如果係遲到慣犯，我會遲30-45min岀門口 一般情況下係岩岩好大家差唔多時間到步