行行下睇中咗層樓 舊樓有電梯
個Agent話以我目前情況入息同層樓好似唔知爭咩契定咩 總之就話9成上唔到會
樓價288萬 agent話落票50萬幫手傾
銀行又上唔到 好想買樓唔想再幫人交租
想知借錢買樓有無得諗？
Agent又講到業主單名 簽到就得 係爭上會
因為都係自己住到老 當有個竇唔駛交租幫人供
爭契都夠膽買～ 之後法律爭議好煩。
你計清楚條數先，買左樓要利息、差餉、管理費、維修、裝修。 計一計睇下呢層樓係唔係值。
唔係話買樓唔岩，但買呢層欠契、舊樓係要小心再小心。
288萬樓要落50萬票？我勸你唔好買，好有伏味。利伸地產佬
你有全數樓價係手？
仲有好多其他費用喎，舊樓維修裝修又一筆
諗清楚先
建議做多啲research，問吓律師意見🙏🏻
唔好俾人令到你好心急而做錯決定
花幾千蚊俾律師查清楚份契先，可能欠管理費、維修夾錢之類
睇多啲東張西望啦，早幾個月先播完呢d 🐒冇時間睇電視睇唔到，睇YouTube都得
如果真係小問題，我諗agent唔會出聲
如果agent出聲，我諗佢已經淡化左件事
等多幾年先買。香港人又唔怕無樓養老嘅，大陸樓多過人
買樓一定唔好用地產既律師，比舊錢幫你查清查楚攞法律意見
呢種樓一定上唔到會，然後你第日買都唔會有人肯買，香港樓咁多，慢慢睇啦
仲要50幾年樓，一定好多細小問題出現，你到時整又唔平，賣出去又賣唔到，除非你錢多，如果唔係搵嚟攪
契有問題就next啦
想買樓同不惜一切買層有問題嘅樓係兩回事
樓契有問題，除非你full pay,如果唔係，上唔到會啫係買唔到，咁最後就會殺訂，白白冇左50萬，其次就係契有問題就冇機會賣出去，因為下家都上唔到會
契有問題千祈唔好買，講就好好聽，住到老冇所謂，但萬一遇到乜嘢狀況，急需周轉嘅話，層樓甩唔到，又或者將來想換過層樓，又賣唔出！
買樓唔好急，除非真係超筍，但明顯唔係呢個盤！
買樓唔好急，去銀行問下借到幾多錢同層樓估價先。唔夠錢當然唔好買住，借錢買諗唔過