📌 記得當年，我中文默書
共 48 條紀錄
記得當年，我中文默書85分。你嬲到撕爛曬我成本中文書，搣到我手臂瘀曬
流血。返到學校同學問我點解本書爛曬，我乜都唔敢講。
當時我只係讀緊二年級。
多謝大家關心，大家嘅留言我全部都有睇，但工作繁忙未必可以一一回覆。
由於我主要係寫俾自己睇，將來嘅post未必按時序出，而係我諗到乜就寫乜。畢竟日常生活幾乎所有野都可以勾起我嘅童年陰影，現時工作上無論有冇遇到困難，阿媽曾經對我講過嘅說話都經常喺我腦海中浮現。
Same!當年細個，只要啲分數係90分以下，我已經知道返去會俾人打，放學返屋企嗰段路充滿恐懼，而家諗起都覺得嗰陣時自己好慘🫂
一年級唔合格比老母扯住頭髮一下一下甘撞我個頭落飯枱，而家三十幾歲都仲記憶猶新
事實真係好多呢類家長，我地盡量唔好變成呢type大人🫂
讀幼稚園時因為左撇子，被老母逼我用右手寫字，結果寫出嚟啲字好肉酸，老母又全版用擦膠擦曬重寫，功課簿滿滿眼淚水漬。細個做功課常做到深夜。
老母算早死，我無嬲佢，佢性格太執着容易生癌無辦法。
其實家人都係緊張你，出發點是好，不過用錯方法，原諒吧
開心細個讀村校，有個好快樂我童年，以及父母學歷低，我地咩都係自己搞掂，低分最多叫你勤力d。大個左都一樣可以master 畢業，只可以講讀書真係睇能力，打罵係無用，就算比小朋友讀到（識人由細比人打到大，95分都被人打）大左有份唔錯職業，但佢都唔會開心。
所以我唔使小朋友補習，亦唔使佢超前學習（因從來唔明超前有咩用）。好多野人大左就會識或好多野學黎真係無用，我只想佢中英文打好個底（比錢讀私buy 語境慳時間玩），用d時間玩同睇書
你老豆定阿媽？我細嗰時好多頭髮，我阿媽係會雙手由高處扯我頭髮，將我個頭360度轉，而家咪又冇乜嘢，我成年後同佢講翻，佢輕描淡寫話乜有啲咁嘅事咩？我唔記得咗喇。我73年出世
睇到好多朋友喺小朋友時比人過度緊張留下陰影，我就走另一個極端，我記得懂事以來，我所有家長簽名都係我自己，請假信係我，成績表係我，家長日冇人出席。由小學一二年級左右開始，日日躝街到10-11點（社區中心閂門），中一班主任問我有冇同家長傾偈五分鐘？我話一年都冇五句。唔知點解，見到你哋有個人關心我內心有啲羨慕。好在我冇穿冇爛生活到四十幾，仲有個好老婆，我一定會好好珍惜。
😂我仔有八十五分，我請佢開 party 啦，二年班中文我仔得幾分十幾分，唔係默書係考試小測😅佢見我嬲仲好得戚話我都唔係最後一名已經好好啦，一打開倒數第三🫠佢仲安慰我……真是仆街啦，不過都好在佢够癲折磨到我心態躺平曬
樓主：感同身受！我記得幼稚園時第一次考試，阿媽之前同我溫晒書！英文字母A －Z！背到熟！
但原來題目叫fill in the Blanks
A B _ D E F _ H….
结果係我死背書，條題目咁出就唔識答！最终全班考18！
返屋企俾老母藤條纹身！打到PK!
死咁滯！
利申：70後，前塵往事，俱往矣！
剛看到你的童年學習不愉快經歷真的畢生難忘, 倒有興趣知道在如此壓迫下對你真的有幫助嗎?
咩料，甘變態架🤯，已經算家暴級la，小朋友7,8歲好易有心理陰影。就算而家我如果比人撕書同搣手又瘀又流血，我都會有心理陰影☠️
我當年攞99分，我媽係咁問我點解咁唔小心，扣左1分？？？
⋯⋯不過，佢都係一個好媽媽嚟嘅⋯⋯😅❣️
曾經聽過一句話：
成世人流流長 父母總有啲時候對你好 總有時候對你差
唔好只係focus 係對你唔好嘅地方
供書教學 養到大家咁大個 其實唔容易
我聽完釋懷咗少少
希望都幫到大家
好好咁起度寫晒你所有既痛苦
然後結束呢個acc
當垃圾桶咁掉左佢
放過自己
去搵番自己既人生
細個日日都比阿媽敲我個頭，仲問我幾時開竅⋯大個左就諗⋯頂你個肺比你咁敲發怪唔之得我腦囟閂唔埋啦🙈
最記得有一次，阿媽又如常教我做功課教到又打又鬧，老豆就走出嚟話，教女唔係咁教嘅，要比d耐性⋯半個鐘後我喺枱底⋯因為老豆已經開始拳打腳踢到我要呢埋喺枱底⋯
講起就嬲，我當年k3，因為妹妹出世，媽媽很忙沒有和我溫書，我由上次40人考第2跌落12，被爸爸用滕條打了12下掌心。我要一直到長大成年，先發覺跟本唔係我問題。
嘩我小學果陣係一分一滕，99分都打🤣 一個標點符號一滕😅 最後唯有長期出貓。試過俾老師當住全班表揚：「大家要向XXX同學學習下，全年默書一百分。」果下勁想搵窿捐……
自己精神健康重要d，可以疏遠d距離，淨係比$佢， 唔好再因為佢而留下更多心理陰影。 你要加油，因為童年對人生嚟講好重要。
有啲人用一生治癒童年，而有啲人用童年治癒一生。🥶
我識嘅或者聽返嚟「有d人童年比人家暴，有d人父母唔當佢係人， 然後青春期佢哋都變得心理扭曲，最後有啲墮入黑暗，甘就冇左成世」🤯
但係，好多人童年唔美好甚至算得上係黑暗🥲， 佢哋長大後都仍然喺人生中發光發亮，好多以前d明星都係咁， 擺脫原生家庭對佢哋嘅陰影同控制☠️， 創造出自己嘅人生。包括我父同佢d舊同學，雖然冇你ma咁變態，但仍努力上進，而家有好嘅成就。
我相信你一定得架， 唔好畀童年陰影困住自己，努力向前看👍🏻
睇完呢度啲留言，都真係估唔到原來有咁多恐怖既家長
我自己作為家長都真係要引以為鑑
好在我唔會逼得阿女咁緊要
明，我哥哥讀寫障礙，長期因為學業問題俾人打，有一次佢打完針之後比藤條打中個傷口，成隻手袖都係血，都繼續打。
讀緊幼稚園嘅我，立刻打俾嫲嫲求救😭😭
班50-60後好多都癲，嗰個年代稍為正常少少都係人中龍鳳。
我都係，細個要打疫苗，左右手各打一支，咁岩打完果日默書，隻手痛到默得33分，我老豆死都唔簽名，我比老師鬧足成個禮拜。唔緊要，宜家做咩檢查咩手術要家屬陪同既我一定唔會去😄
看晒你經歴，她應該不會看到，既然想放棄，就將全部內容都給她看吧！這樣可以解開你心結，然後放下，向前過能令你快樂的人生吧！
數學測驗點解只有90分，唔係100分
跟住整個學期都係0分
吹咩
小學二年班的經歷 😎
諗返起細個阿媽都係衣架，掃把棍，飛拖鞋，打到咩咁。不過好你地少少啦，80分以上都唔打既，7字頭就郁手喇。最傷果次應該係比佢扯耳仔，扯到隻耳仔裂左2mm。難聽說話就無數啦都唔講，而家唔提就算。
唉，而家我仔次次默書都零分，我都未打過佢，不過我會鬧佢唔溫書，一溫書佢就逃避。覺得教仔唔容易。
二十六年前，考試78分（滿分100），整份卷被撕成碎片
「不幸的童年要用一生治癒」
我都記得小六個陣，英默有次無溫書，零分，阿sir叫我行出去俾佢鬧，當眾第一次被人鬧，佢仲要我自己執返地下本默書簿。😒
我仔默書有8字頭，我讚到佢上天喇！
依家part time 教小朋友做功課，默書合格我也會讚下他們！
姨姨給你🫂🫂🫂
我覺得讀書應該是培養小朋友的興趣和投入學習方面著手, 不是打罵便可改善.
我是從小學直至預料都在傳統著名女校唸書, 直到今天這學校還有很多家長吹捧的, 回想當年每天要做7-8樣功課, 每星期默書和測驗不少於3次, 每個學生還要學1種樂器~我要花不少時間練琴. 慶幸雙親能夠循序漸進鼓勵和教導令我投入有壓力的學習生涯.