話說
我估大約3-4個月前
我屋企有放地氈係門口既習慣...
係某一日開始
屋企既地氈會無啦啦拉開左
即係離開左個門口好遠(正常係貼住)
噤我每次都移返原位就算
持續左1-2個月左右
我一直覺得係清潔姐姐要清潔
之後噤O岩有通告叫我地唔好放地氈
噤我就收左佢啦
另外我門口鐵閘係會掛左個鉤用黎掛遮
無左地氈之後發現個鉤成日跌左落地下...
我又以為D人唔小心整跌
好多時我送完小朋友返學我會返一返屋企
噤入一入屋企再出去返工, 我就會放鞋係出面
點知有好幾次發現我對鞋係會放開左(即係離開門口)
???
之後我就開始有懷疑...

留言續……
噤我就當然懷疑自己d鄰屋先啦！
最近我地既只係住左一對正常既年輕夫婦
之後有一家四口既家庭
對面都係一般有小朋友既家庭
其中一戶我係比較懷疑……
個家人 暫叫”陳生”一家四口有個工人
兩個小朋友都係男仔
大仔係有SEN 細仔正常 讀d出名既學校
噤我就直接當左小朋友貪玩
大仔過黎玩我d野……
差不多每一日我一早專登掛好個鉤
放好對鞋
我一開門就見到個鉤係地下
對鞋放得好整齊😶‍🌫️😶‍🌫️😶‍🌫️

留言續2……
噤我其實估係大仔做
都無咩野，我仲每次都幫佢放好個鉤比佢扔落地😂好似玩game 噤
因為我覺得小朋友玩下姐
點知前個幾日連個鉤都唔見埋……

好啦！到尋日……
我上返返去屋企
噤啱大仔同工人姐姐出門返學……
我仲同佢say hi（但佢唔彩我）
之後我心諗……大仔走左
放鞋無野啦……

。
。
。

點知我返屋企再出門

一開門

我對鞋都係一樣比人放開左😑😑😑🫥

係咪隔離鄰居有白卡？

無呀😨

係一個暗示，你所做嘅行為已受關注

🥶

首先，放鞋/傘出走廊本身件事就唔啱既，阻到人地返屋企，人地比晒提示你，仲要放出黎，下次如果倒瀉可樂落你對鞋真係唔好問點解

我會踢曬去升降機叫人掃垃圾

先裝個CCTV！看看有何發現 ？？？？

假若完全沒有的話，就要找師傅check check！

驚😨😨

驚不來！靜觀其變！

不要貪便宜買雜嘜及水貨，要買大牌子(百老滙及豐澤)！

哈，ok既……我在觀察下😂🙏🏾🙏🏾

小米cctv

驚😨

走廊咁窄，你仲放嘢出走廊好難唔忟

鞋放10-20分鐘左右……諗住入一入屋😅

咩時間發生？如果鄰居正常有返工返學，冇理由搞到你啲嘢喎，有冇聽到腳步聲嗰啲？

其實係有聽到小朋友既跑步聲既😅😂😂

裝老閉？

有d驚裝左咩都見唔到😨😂