📌 認真問未成年讀緊書
共 55 條紀錄
認真問未成年讀緊書
老母學費唔交（佢要求我學嘅興趣班）
生活費唔俾（真係一蚊都冇要我自己幫人補習搵錢食飯）
搞到啲老師要同我追學費
要點處理先迫鳩到佢俾錢？
而家已經唔係住同食屋企嘅
但係賺返嚟嘅真係唔夠正常生活
淨係要求$5000一個月衣食住行會自己搞掂💀
少少background 讀緊傳統名校 屋企有兄弟姊妹有物業有公司 一定唔係冇錢先唔俾T^T 佢有啲控制狂 做啲唔啱佢心水嘅嘢eg學自己鍾意嘅嘢、唔幫手教細佬妹、甚至約friend （佢覺得社交係無謂 讀到書就得） 就會金錢上打壓，日積月累就變到而家咁一蚊都唔俾。
你問哂你所有識同唔識嘅親戚長輩借錢 搞大件事
你要楚楚可憐咁話呀媽虐待你 唔俾你食飯 唔交學費 你就嚟無書讀 要日日打工成日病 uncle auntie可唔可以借啲錢俾我
總之令到你啊媽係佢哋面前柒 俾人唱
如果真係借到錢 你叫佢哋問你啊媽攞錢還 你唔好還
如果借唔到 都達到唱通街嘅目的 希望逼到你媽還錢
不過都唔係長遠之計 你都係努力讀書早日脫離吧
傳統名校一定有駐校社工 要搵
佢話你欠佢養育之恩 首先佢都無養無育 無俾錢就收皮吧
同埋你照話 你都無要求要出世 佢要賠返非自願出生精神損失賠償金添 on9
佢咁係真係犯法的 繼續報警起碼有個record先
呢啲一定要18歲前做 18歲前要諗辦法多利用身邊長輩同情 周圍撲水揸多啲錢係手 18歲一到會無得咁大條道理周圍搵人幫 又無機會逼到你媽俾錢
我睇左一輪
1.你講過有工人即係回家會有飯吃？
2.無生活費？睇你可以正常上學，不然學校應該報左警（我覺得你唔去兼職你媽無可能唔比錢你番學）
經過你一切嘅描述，我覺得事情發生係咁！
你報你父母唔同意嘅興趣班及進行父母唔認同嘅社交，所以你出去開始搵兼職想繞過父母嘅同意繼續進行你有興趣做嘅嘢。你父母見你有錢翻學就唔俾多餘嘅錢你，因為佢對你嘅人身限制，你就直情唔返屋企。
身為一個未成年人父母出錢養才是正常的，但是如果你係為咗你自己所謂嘅自由而放棄這些又好似唔怪得你父母，你問得佢哋摞錢就要遵守佢哋嘅規矩不是很正常嗎？
我都年青過明白冇自由無寧死的感覺
老實說我啲仔女問我摞錢去做一些他們想做但我唔認同嘅事。我都一樣唔會俾錢囉。
我想學嘅興趣班係自己俾錢（所以先有我幫人補習一事，再加上佢時不時就cut ），中學生要社交約人出街我諗正常？我又唔係殺人放火或者「學壞」又冇傷害到人，做自己鍾意嘅嘢都唔得，咁就要cut生活費？請問生我出嚟係要我坐監定做機械人？要我讀書ok入名校全級top10%，要我學唔擅長嘅音樂ok考咗八級，要我教細佬妹如果唔係就係冇盡家姐責任，咁請問我七點後返到屋企，要學其他嘢，要做功課要prep DSE ，邊度嚟嘅時間去教佢哋？更何況佢生出嚟嘅，教嘅責任都係佢到，點解反而要我去教？冇錯，係有飯食，不過遲過7點就冇。我而家唔係拎錢去做啲佢唔認同嘅嘢係拎錢生存。
唔知咁做會唔會激起更大嘅打壓但係我只會屌撚柒佢。
你試下問下佢如果唔係佢生你出嚟呢啲錢債會唔會產生呀？
唔係佢生你出嚟點解要畀呢啲錢呀？😅😅😅
唔係我爭你16年養育之恩
係你爭我20年甚至終生嘅債呀柒頭婆。
好地地生我出嚟無撚啦啦要我又讀書又返工乜柒盛盛 又唔係有能力畀我做我自己鍾意嘅嘢
而家係邊個欠邊個呀傻閪
XX歲人啦😅咁撚大個人咪撚再坐撚住自己個腦得唔撚得呀
XX歲就坐撚住自己個腦XX年
學下邏輯啦傻閪
淨係識食飯屙屎排出廢物嘅廢物
對人類對社會對家庭對子女完全無貢獻
你唔撚係只欠我成世嘅債呀
你自己都對唔撚住自己對唔撚住子女對唔撚住父母對唔撚住家庭對唔撚住社會呀😅😅😅
佢生得你，点會吾錫你，只係大人好多時都好囉嗦，佢地要返工，現在經濟真吾係咁好，有時返到屋企，你身為大哥你，都要幫吓父母手，例如教吓細佬妹，無謂課外活動，就停佐去先，你地幾個費用加加埋埋就好多。你眼覺得佢地又樓又公司，事實，問吓做工人就知，揾生意艱難。你好快dse, 這幾年有內地生，競爭真係好大，大學收分也年年增高，你都想入到想大學，收拾心情，博盡無悔，媽吾知用什麽方法，佢每天時間吾多，你又吾起身邊，照溝通？悔氣說話大家都吾好講。返屋企同媽說聲對不起，應該冇事。
咁咪從媽媽嘅角度出發嚟達到你嘅目的囉
媽覺得讀到書就得 係咪讀到書即日後搵到錢 搵到錢即日後生活有保障？ 你最好曲線地問下佢fact check一下 先確立佢係咪真係咁諗喎 。如果係 佢都係錢字行頭啫。
社交： 人際網絡大過天 識定啲明日之星好鋪路呀 你都想我日後搵多啲啫
自己鍾意學嘅嘢：識人都要有圈子㗎 有個明日之星我想識下佢呀 你最好幫下手喺媽媽群都努力下啦
幫細佬妹：教幾多教到幾透徹 隨你個人喜好 但都係要教嘅 因為你唔教即係要阿媽教 媽擺明唔想啦？！ 佢應該都唔想俾錢補習？！你硬食
咁你而家住邊？其實你自己搵到錢，咁真係你本事，同佢傾交返名校嘅學費，興趣班就自己搵錢學，但你想學乜，屋企人想你學乜，重有未出嚟做嘢，真係讀多啲書，張學歷證明好緊要，最好有大學，我四十幾歲，出嚟見工乜都先講學歷，無學歷搵啲舒服啲工都難，講真讀書緊要，社交朋友，真朋友一兩個就夠，出到社會做嘢啲朋友就會自然無，不過而家享受讀書生活，將來往事只能回味
我以為哩d事只會發生喺二三十年，我老母都係咁，我讀中學嗰陣一日有$20，放假無錢，哩$20係everything，中六學費唔肯比，學校話唔比就無書讀，因為第一個月點都要比左先，之後再搵社工申請資助，我最後係問人借，不過以前好d，16歲就有人請，去d小食店返part time，掛住返工，成績唔太好，但都捱到大學畢業
我細佬讀唔到書，但要乜有乜，老母對佢唯一要求係唔好學壞
每次見到呢啲人喺度講養育之恩，我都覺得好撚嘔心
細個唔知道覺得自己要報答父母
覺得自己要還債
但人大咗開始自己有自己愛嘅事物
你就會知道一個人愛唔愛你其實好撚簡單
例如我養隻貓 就算乜嘢都唔做陪住我，我都會無條件咁愛佢
就算佢打爛我第10隻杯，我都唔捨得鬧佢
因為你老母咁樣先叫做愛
遠離啲有害嘅所謂屋企人
至憎呢啲垃圾想自己仔女養返轉頭
明明係佢自己廢..大我十幾20年都唔識做人
你養得我好我一定報答返你！
你養到我成日捱餓..要返學出去搵工返賺錢比自己溫飽我係絕對唔會養返你半分半亳！
我學費都係自己暑假返酒店炒散自己賺..
根本幫唔上忙..我自己都感激親戚同朋友幫過我..但絕對唔會感激屋企條垃圾生我！
如果你係有能力自己賺錢出嚟住，咁你直接自己交學費，興趣班可以唔返，呢啲唔係必要嘅嘢，賺到錢自己處理好學費同生活費先，到自己真正出嚟社會工作，就唔好再聯絡，趁早斷絕來往，否則後患無窮，呢個係我親身經歷，我嗰個所謂嘅老豆老母都係諗住唔付出任何嘢比我，我都要欠佢哋一世，簡直係惡夢
其實呢啲toxic 家庭關係都係睇你想去到幾盡，正路就建議搵社工睇睇有冇合適資源幫到手。唔正路嘅方法一大堆，包括但不限於其他留言入面講嘅打父母、去貸款唔還等人地黎搞佢、quit 曬所有讀緊嘅野啃老etc..，當中利弊就自己衡量啦
但無一例外，有能力嘅盡早斷聯好啲，無謂俾佢地影響你自己人生
我亞媽生我出來唔想比書我讀
淨係灌輸我，快啲出嚟賺錢俾晒啲錢佢
同養佢一世唔好嫁人
由細到大不斷精神虐待又打又鬧 ...
我之後自己發讀書搵錢自立
俾咗好多年家用 而家同佢冇拖冇欠
我想講係 你快啲自立
認清楚你阿媽係一個咩人
就唔好對佢有咩留戀
要好好愛惜你自己 就夠了 😊 加油
一日未到18歲父母都係有責任同義務撫養子女長大
當初係邊個話要生而當初又係邊個射左
生出嚟嗰個又冇得say no話「啊 我唔想嚟到呢個世界」
呢樣嘢係完全冇得逆轉
所以，唔該，父母係絕對要對自己嘅行為（生仔）負責
咩養育之恩唔該真係收撚皮
特別係根本冇咩點養育嘅情況之下
哩一刻你仲需要讀書，同學校講阿媽唔肯比學費。
其實係好難由你去迫，佢若唔回應，閙都唔閙，當你透明，就係唔比學費你又可以點。
之後到你有辦法養得掂自己既年紀，直接離開屋企，唔好諗住佢會良心發現。
嗰時我係好彩問到親友借學費，亦係一大左即時離開屋企。
16歲就唔養你，應該好撚憎你。
唯有當黑仔，出去做野養自己lo。咪讀住書啦，大個儲翻舊錢，都真係仲想讀先自己俾學費讀啦。
（利申:我都係中學畢業，屋企唔想俾錢我讀，出左去做野仲要俾小小家用。
雖然你好似仲慘d，住都冇得一齊住。我宜家先自資讀翻PTdegree）
佢係咪搞錯咗啲咩
養育之恩意思係你對佢養育嘅感激、感謝
唔係佢話「恩」就「恩」㗎喎 😂
你覺得佢對你有恩典、關懷
盡晒「父母」應該要盡嘅責任
aka 即係供書教學、俾返你食 blablabla
咁先係「養育之恩」
而唔係單方面父母話係「恩」就「恩」
你老母呢啲叫自大
同你老豆傾吓
你激到你媽好㷫？
有些媽吾知用咩方法好，封鎖錢係其一，以前我高中，出去同朋友bbq 大約到12点，之後一個月無睬我。
你好好地，坐低同阿媽傾，似乎佢非常着緊你學業，佢都係擔心你，問吓自己，有冇起這方面好離谱，凡事必有因。有得傾嘅
仲有，你16? 点解出去住同食？係媽都嬲，真係好驚你學壞，中間好多嘢吾知，讀得傳統名校應該吾太差，好好讀上去。吾好硬踫硬，學費先同人傾吓，遲些比返，吾好上住。同阿媽搞好先。
利申：阿姨都係一名媽媽
我都覺得你媽咪講嘢有D過份，因為你當時真心沒有選擇權出不出世，但基本作為一位媽咪起基本供養到 21歲，因為
阿姨都係，其實每位父母都係願望自己
的子囡平安健康快康，有幾多個父母真係諗住付出了要有收穫，🙄
其他唔講，淨係想講我完全唔同意佢嗰句「你還欠我 16 年的養育之恩」
你冇權選擇出唔出世，但佢選擇生你出嚟，就有責任養到你成年，佢對你好嘅話，你應該感恩，但係冇責任「還」返俾佢
利申：我係媽媽
點解唔係屋企住同食？
佢唔俾你住定你自己想搬出去？
如果佢唔俾你住又唔俾錢，點解你仲要學佢要求既興趣班？ 定你自己都想學？
會唔會係同屋企人爭吵，唔番屋企，又發覺自己搵唔夠錢養自己同做想做既野？
有冇搵學校社工？如果個學校社工肯做野嘅係幫到下手，而家你同呀媽都已經甘嘅關係，真係唔怕用任何方法了！
我女個同學同社工傾計時話呀媽唔俾早餐佢食都已經搞到少少大鑊，詳情唔知，無再同班。
佢生左妳
有責任盡自己最大努力去養妳
俾妳去做自己
學自己想學既野
無憂無慮
而唔係情緒勒索妳
請好好同爸爸，親戚，或者係一個妳信任亦幫到妳手既人
講一講呢個情況
講妳既唔開心
加油
睇你背景， 加上佢控制狂， 應該好要面？ 做人最緊要知佢忌咩， 佢驚唔驚邊個親戚？ 緊唔緊張佢啲朋友點睇？ 你第一步要知佢最緊張乜嘢。 什至佢最緊張你聽唔聽佢話， 都可以利用
你問佢生你之前有冇問過你想唔想出世，你生得出就要養，唔想養唔好生，你都冇問過我就生我出嚟，唔提供我需要既野比我仲要話有養育之恩？咁樣自己搵錢養自己叫做你有養？
同我阿媽一模一樣
儘早讀好書 離開屋企
自己一個人出去住
有毒家庭 無論你點犧牲點為佢地唸 你媽媽都會覺得你吾夠好
辛苦你了！
$5000 好基本
佢吾比足
你都唔洗將來對返佢好
咁鍾意控制人嘅人，可能係NPD嚟，你直接去社署啦。
呢種人，今時今日當你同佢過得到，但喺你大個咗之後，你都會同佢關係破裂……不過，我懷疑佢經濟有問題。
話返佢欠你16年人生 你冇得揀唔岀世 但佢可以揀落左你 生得你岀就有責任養育 要報恩都睇下值唔值得 如果有返教會直接同牧者講 你老母嚴重失見證
利申 做左人呀媽就11年
叫佢去社署放棄你既監護權 將你交比政府養
向你18歲前佢有義務養你 生你亦都係佢既決定 所以佢要負返責任
仔女冇欠父母
除非係成年後佢比錢買樓寫你名 呢d 先叫恩
睇到好多留言都有用
咁我講個無咁有用架啦：
幫我搵 3個 online 學生
限星期六／日
補咩：HKDSE／包入8大
方法：合理準備，唔使似個傻仔買學位
就夠錢交完學費架喇
呢啲老母唔要得 有frd類似你咁嘅情況 結婚嗰時簽埋衰仔紙 你加油捱多兩年 未成年都靠自己 成年之後拜拜佢條尾 母親節建議送個花園俾佢 題外話報東張有冇用？
認真，你可以搵社工或者自行舉報佢虐待兒童，因為呢條法例入面當中嘅疏忽照顧兒童，係有包括照顧者冇合理地為兒童提供基本需要（包括食物）
搵完剩係會送你去兒童之家，入面書都冇得讀，唔卑你返學就唔洗返，食D嘢仲係酸嘅不如直接返工
小儿未工作前也是父母責任 除非是一些因素導致無法交學費 但作為父母的也是会盡力去給儿女 如果是這樣的話妳可以先顧好自己才去理他們
佢又冇錯，冇人對另一個人有絕對責任，有的算是恩惠，恩惠是可俾可唔俾。如果魚產卵完就離開也沒有被遣責，為何人類這物種卻要？🤔
要喺呢個世界上生存，夠唔係仔女自己揀🤷
到成年之後就走得有幾遠得幾遠，呢種情緒勒索式家長，到年紀大咗冇仔女理佢都係自己攞嚟
有無同爸爸傾過？有無4大長老可以幫手勸下你媽咪，你得16歲，佢點可以叫你自己養自己？可唔可以搵埋學校班主任／社工幫手勸下佢？
我成日都想問, 如果我要生仔, 個仔想唔想出世, 因為我問唔到, 所以唔生, 我點知佢想唔想出世.
你夾硬生左人出來就要照顧基本責任.
養乜嘢育之恩？我係阿媽嘅話我點都負責到佢出身 ，先至同佢計養育之恩呀。
屋企如果唔係冇能力，佢應該係嬲你同埋鬥氣。
佢生得你出嚟係有責任要養囉，乜嘢養育之恩，係真係有養育過先係囉，生出嚟唔死就叫做有養過有育過？😵💫😵💫😵💫
你不如搵社工問下點處理。
我唔知你屋企狀況有冇涉及虐待兒童 (包括疏忽照顧)，同埋你可以問下有冇社會資源協助你呢種狀況。
真係冇辦法呀，又未夠大個出去自力更生，只可靠父母時，就做個乖乖聽話豬，一畢業找到工你先再玩叛逆啦，而家未係時候。
又係呢啲垃圾老母，「恩」乜L野恩，講到人地求佢生出黎咁，根本如果有得選擇既話，冇人會想做呢啲垃圾人既仔女囉！
你生我落嚟 係你嘅「選擇」
點解要將你「選擇」後嘅責任/結果 推返比我
要我感恩你個「選擇」
我有得揀唔出世咩？
其實養育之恩呢四隻字真係難聽過粗口
你生得出，就要養得起，養仔女當投資嘅人真係垃圾嚟
窮人生仔真仆街.GIF
有錢都可以唔供你讀書，所以大家都唔好生小朋友，免惡性循環
你打父母 你學壞 父母只有一個要求就是求你不要打他們 不要學壞
你不學壞 不打父母 父母就會有無數的要求
我係認為老竇老母係應份養自己仔女去到至少18歲，何況而家其實好多都係20或者22歲先開始出嚟做嘢