請問點樣提朋友還錢又唔會傷感情🥹我已經追過一次，佢話過兩個月還，而家三個月喇，都冇乜聲氣。
真心朋友唔多，佢係其中一個，本身唔會借錢比朋友，因為怕咁既情況，但係心軟借左，都比佢兩年後還。筆錢唔細，又係血汗錢，好難說服倒自己當比左佢。我覺得我追多佢一次，佢應該會比番，但以後應該就好難再約。
掙扎左好耐，但係每次ig見倒佢story，我都諗起筆錢。點開聲好。

點解覺得自己錯，唔還$既人，你還要低聲下氣嗎？由佢唔自動自覺還$開始，要你追，而且唔知還唔還，你已冇左呢個朋友

經一事長一智
每個人對於錢銀既觀念都唔同
你覺得佢有錢做XXX 點解唔還錢比你
佢覺得我未有錢到可以XXX 冇空間還錢

甚至有人會覺得
自己憑實力借既錢 點解要還

下次醒目啲
一係唔好借 一係就有證有據寫返張借據
有咩都可以用法律保障自己
(雖然都唔一定追得返）

我覺得你個朋友都有責任。
應該要傾好點樣還，都唔應該變成你責任。
我朋友當年借咗6位數字俾我…而我整理咗一份表講佢知我會點還俾佢，幾時開始幾時完。都寫好哂俾佢知。

唔知你借咗幾多錢俾佢，不過你話數目唔細，如果要佢一次過還俾你，我諗好難。
你試吓叫佢每個月過數俾你，1000定幾百由你哋協商。咁樣佢覺得每個月俾返少少你，嗰個感覺就會輕鬆好多。最後就會還返晒俾你。

我咁講，係因為我之前真係有咁嘅經驗，我借過錢俾兩個朋友，都係五位數。最後我係叫佢哋一個月還二、三百，或者500。等佢哋慢慢逐少逐少還返俾我，我冇收佢哋利息，咁佢哋都覺得應該還到嘅。最後兩個都還清。

一個仲係朋友，一個就已經唔係啦！我唔覺得係因為叫佢哋還錢，所以就冇朋友做！我係覺得呢個係佢哋人品嘅考驗，如果還返錢俾我就冇朋友做，其實我都未必想佢哋繼續做我朋友囉！😉

自己錢緊係要追！你咪直接問佢唔還晒都還住部份！當初都係當佢朋友先借俾佢、有借有還，天公地道！如果佢咁會嬲你，呢啲朋友要唔要都算！

數額大吾大？如果系3／4千度，就話自己想換電話／電腦啊，數額過萬既野，之後系甘唉佢，話真系要換了，但是吾够錢，唉多幾日，提多幾日，就借意叫佢還。甘就要睇下佢醒吾醒水啦，如果佢吾醒水，就直接同佢講一定要換

所以千祈唔好借錢俾朋友！我之前借過2萬蚊俾人，差唔多成年先追返曬！自始之後唔再借錢俾人！

你借得比佢，就唔會唔傷感情架啦，仲要佢都冇自覺要還錢，你日日追啦⋯⋯

好多年 前借咗幾千蚊畀朋友佢話情緒低落 需要錢嚟散心 。都過咗好一段時間見佢冇還錢，又畀我知道佢買咗電單車又去旅行 ，跟住我打電話畀佢 問佢可唔可以還錢畀我，因為我要交學費， 咁佢都好醒目即刻還錢，但係就真係永遠冇咗呢個朋友