📌 講真，玩 Datin
共 47 條紀錄
講真，玩 Dating App 根本係一場地獄輪迴。🤡
每日收工喺地鐵機械式咁 Swipe，Match 到就開始嗰套「你住邊、做邊行、平時去邊玩」嘅罐頭對話。扮到好幽默好有修養，其實大家心入面都有一張加減分 Checklist。
好不容易約出嚟見面，食餐飯好似 Job Interview 咁互片。你嫌佢真人同相差太遠、講嘢太悶；佢又覺得你份人太 chur、高攀唔起佢。最慘係大家心入面永遠覺得「下一個會更好」，就算眼前嗰個幾 OK，只要個 App 仲有得 Swipe，你就覺得自己值得一個更優質嘅。
最後大家默契地互相 Ghost 咗對方。返到屋企攤喺床，望住個 Screen 叮一聲 "It's a Match!"，你又好似中毒咁重新開始過。
香港人嘅愛情，就係喺呢啲「覺得自己好好」同「嫌人唔夠好」之間不斷 Loop，真係好撚攰😅
有啲相反 我成日都遇到好多好好好有趣嘅人（聰明好、搞笑好、見識廣、整嘅Art真係我好鍾意、背景好相似、黐線佬、行業超新奇 咩都有）
次次都慨嘆世界上的確有好多勁人，不過我就要係呢啲大家都好des好叫春從降低交友門檻嘅情況先識到大家 好多時候都feel到大家幾respect大家 但大家都好似好多trauma/ communication 問題 最後就算尷尬收尾都時不時會text下
好多時候都希望係真人普通場合識到佢地 可以做好朋友instead of 呢啲situationship
i agree so much there shld be more dating app but frd version (that’s free)
其實我做matching最特別之處，係投稿人請我食飯就幾乎逢請必到
就係想知道單身男女面對嘅問題，實際有乜想法，到底有乜野唔開心
樓主真係篤中左無數人嘅心聲
無數人都同我講呢個過程好攰
而我作為旁聽嘅人
我觀察到最最最最大嘅問題係
大家覺得果個match「唔係人」
無錯，只係一個數字咁
之所以我完全反潮流咁
會要求我個page使用者真係唔啱傾/唔啱眼緣的話
一定唔好ghost
感情談唔成，希望大家都好好咁做返個人
亦俾對待一個人應有嘅尊重同禮貌俾對方，派張好人卡先完左佢
其實「覺得自己好好」同「嫌人唔夠好」都無問題
最傷嘅係，往往係app度
呢個認識過程並沒有獲得過對方的認真同尊重，呢個時間先真係浪費左
覺得真正去識一個人以至有幸去到愛情，從來唔系好有目的性甘以目標為大前題，識一個有血有肉的人唔系考試求分數、翻工追KPI.
即使dating apps 的設定本質系甘，唔代表自己唔可以自行調節，eg 自己match 到又好約出黎又好，都系本着去識一個人/ 被人認識自己的心態，而唔系將前面的人甚至見到未見過的人，馬上拼落心入面的checklist 去打剔。甘樣只會跌入一個揀貨物的輪迴，同去百佳無分別。相反真系降低少少對於呢個虛擬世界的期望，平常心甘睇呢個swipe / match , 只系當佢開下盲盒會開心好多🫡 祝轉角遇到愛～
可能我做sales 有職業病，要追conversion 😭😂
😂😂唔怪得，以前有BD 同事好想某個歲數結婚生仔，真系有開gsheet 入佢apps 見過的人，當sales funnel / 開lead 甘run , 我哋就成日追佢幾時closed won 🚬
都有人識到就del app嘅 不過已經俾人mark實左
有時覺得可能玩dating app比較有目的性，所以導致呢個結果。好多年前我都因為想識男友而玩app，玩左幾次覺得不斷loop好厭倦而放棄。後來幾年前，我因為工作而感到好攰，想搵個樹窿可以傾下偈，之後我就download左一個台灣人開發的樹窿app，就咁樣識左我而家的男朋友。我地兩個都係抱住好攰、想搵樹窿的心態，所以一開始傾的野都係天南地北，冇一來就問返咩工個D，係圍繞共同興趣去傾先。
我都係咁諗，以前會吹吓水，但網騙太多，都無心機講。
1. 出來見，最少知是否真人
2.都要食飯，啱就可以繼續，唔啱，就當自己食飯
3. 網上吹水，吹得多，都搵Ai幫我😀😀
同之前吹唔吹過水無關
本來就係唔啱嘅機率多過啱
咁快出黎都係浪費時間
AI 時代應該有agent 代表你同對方嘅agent 傾下先，覺得值得進一步傾先真人對話，AI 會預先整個report 畀你agent 間傾咗乜嘢，AI 對合適度嘅評估等等。🤣🤣
係全世界都係咁，唔止香港😂 有部手機就可以下個更好，所以搞到越來越唔珍惜感情，大家都在不斷選擇，就算結咗婚之後仲可以繼續選擇🤧
其實依家好多人對愛情哩方面係唔會想維系，一覺得有問題或者要時間磨合就放棄，寧願重新嚟過，又將愛情幻想得太完美。
唔知係咪男女角度唔一樣。
我之前確實係match過一堆，然後at the end 係傾到計，又maintain 到同岩傾嘅得2-3個。
確實見過好多，但覺得岩嘅話，想keep住date呢個人嘅話，就基本上就無下個會更好呢個心態。
不過就算覺得岩，最後都係有可能，有默契地互相ghost 左/一方unfollow ig。
我諗玩app要心態好，有啲真係唔係嫌人唔好/太好 or 覺得自己唔夠好/太好，只係純粹地兩個唔合適。
P.S: 已經無玩😂不過本來dating app都係只係有一定概率會中到同自己岩嘅人，所以都係所謂緣份，更無必要因為禁消耗自己
我心態都幾好，唔啱feel就做朋友/網友冇問題，或者互相尊重🫡講一句”sorry唔想曬時間，祝你生活愉快😀，早日找到合適的。＂，然後退出，各自歸人海，咁係咪有品啲，但原來好多男人極度心理唔平衡，鍾意Ghost，unfollow，或者求關注不成俾面色俾說話你聽，唔知女人係咪都咁多垃圾，我自己係女我唔知。完全冇乜興趣再用app，偶爾開下，遇到啲騎尼嘅就當笑話調劑下算，亦都唔想再傾無聊嘢。
其實我又覺得大部分人係經歷過樓主嘅狀態which 我都曾經係😂
普遍一出黎見完，女方都唔係會特別積極，因為唔想諗太多，可能到最後都係自討沒趣。我只知見完無再好似以前texting 就係無興趣嘅意思。
但我自己亦都有啲，一見完就明確講聲話做朋友，但係人地心理就平衡唔到，del左自己。
交友app入面我遇到嘅年齡段較大男人，只要一confront 完唔順佢意，就發脾氣。有啲仲講好左，又反口覆舌。又有啲就ghosted。
但作為成年人，其實有時講清楚唔浪費時間係好，但亦有一部分，咪尊重下人地唔講出口，係成年人嘅禮儀囉。
其實啲經歷係幾好笑😂tbh，不過好似都match唔岩，就無謂消耗自己。
正正經經搵個老豆app 条件はどうですか？ 簡單直接 半桶水日前嘅我仲容易過同港女溝通 😂
我喺Bumble識男朋友. 但今次嘅做法同以前唔同嘅就係, 我直接好多, 講明要d乜, 非誠勿擾. 加上有意慾約出嚟的人都傾左電話先. 發覺咁樣好快西走唔啱嘅人, 我用左好短時間就遇啱人. 以前浪費太多時間small talk, 又唔夠直接
算啦，交友apps識人既嘢...我覺得就好似一首歌名 叫你瞞我瞞
又咁講 都好多人識左之後有好結果既
其實睇你點filter 走啲牛鬼蛇神
因為交友app 嘅設計就係要人不斷繼續玩，你真係match 到退app 佢就冇得再賺你錢。其實背後原理同手遊抽卡冇分別
當終於遇到個好健談主動開話題又唔會將個「忙」字做起手句既時候，9成住係KK園。
下一個會更好，變了人無止境去追，到老都係一場空，不如好好珍惜身邊隔離個個
你咁講其實人生所有嘢都係輪迴咁 就算唔係app識嘅人都係輪迴
每樣嘢都係體驗 反而我覺得係一個有趣嘅途徑識到好多自己現實中本身唔會識嘅人
有無目的性都係你自己define
可以第一句就講我就係嚟識朋友嘅
點用都係我地自己決定
但係身邊朋友甩拖最識人都係用app
唔玩app嗰堆都單身單到唔知中間有冇拍過…
以前玩膠友 app 領略到既係：大家揀既唔係人，祗係揀條件。
自從有咗交友apps，識異性既成本降低咗好多，大家都唔會珍惜對方，特別係女仔即使個樣唔多掂都大把狗公撩佢地傾計，個個以為自己係女神，呢個唔得就下一個，不斷咁輪迴
用過幾年，無用過罐頭對話亦都無畀人問過，其實係咩人吸返咩人(唔鳩swipe嘅話)。