香港人，去到外國唔好覺得冇人識聽廣東話🫩🙏🏻

話說早排我一家三口去咗首爾弘大某間好多YouTuber 介紹嘅燒鰻魚餐廳食晚飯。

去過嗰間舖頭嘅人，就知道佢4人枱通常貼住坐，隔離枱兩男兩女香港人，一坐低就嚟料。

佢哋一坐低講嘢已經好大聲，又粗口橫飛，成間舖頭一半都聽得明廣東話，大家都喺度望住佢哋。

我哋一家外貌打扮都似mix，兼且我自己本身識講韓文，所以好自然落單都喺全程用韓文，(唔小心) 俾咗一個錯覺佢哋我地唔識聽廣東話。

喺呢個moment, 忽然間其中一個女人講
👩🏼‍🦰: 「隔離嗰女人 (望向我呀媽) 睇落好高貴，但似係狗血韓劇喺屋企俾老公家暴嗰啲韓國女人」
👩🏻: 「係唔係俾人打到瘀晒，都唔敢報警嗰啲」
講完四條友自己喺度大笑…

我嘅情緒變化: 🫪—>❓—-> 😠
即刻望一望我呀媽，見佢完全冇反應就知佢聽唔到 (好彩，應該係冇認真聽班人講嘢)

竟然喺女人嘅口中講出呢番家暴言論，真係O晒嘴
心諗有冇人聽得明都好，都唔係咁樣講嘢啦

為免呢班人越講越癲，我專登好大聲用廣東話問呀哥我地食完飯去邊

嗰四個人即刻變咗做🫪樣，成餐飯都收哂聲冇人再講過嘢😗

Btw sorry間野啲鰻魚唔多好食,,,🥲🥲

我住喺韓國 上兩星期去final interview間公司喺景福宮附近 咁我因為要present所以拎住啲資料喺附近starbucks到睇 同個韓國frd一齊 佢幫我rehearsal 有班香港人坐低 一家四口 父母同兩個中學生兄妹 無啦啦個阿媽喺到「哇你望下佢 一定係韓國嘅保險傳銷 著哂西裝 咁大疊紙 一定係講緊韓劇嗰啲賣器官 KK園呃人嗰啲合約 你地唔讀書就會好似佢咁樣啦」
就只係因為我拎住一大疊紙同著西裝 對面有個人
Cls你想好似jayden mami咁gaslight你對仔女你嘅事 都受唔少呢種香港人做埋呢啲核突野 通常都唔理由得佢 但嗰日真嬲 就同佢講
「係啊 記得努力讀書 唔好好似我咁 讀咁少書 讀得個double degree 最高先得個master 記得讀上博士 日日頂住四方帽翻工 唔係都證明唔到你幾巴閉 事關呢個世界就係咁思想扭曲 咩國家都好 望到人著西裝就係保險狗傳銷狗KK園 最衰你拎住嘅野嗰班on9睇唔明 好似而家咁 都唔知點解釋呢啲韓文比班香港人聽 啲人咁蠢 祝你早日博士grad然後出嚟賣器官 業界需要你」 差啲開拖 但因為我即刻同我frd開始講韓文佢就收左皮

我上次係大阪一個人食飯
間舖嘅座位設計有啲似大快活
咁我一個人坐梳化位嘅

然後食食吓
有4個一睇就知係香港嚟嘅，
全部望落去5X幾歲嘅女士
個個一袋二袋似血拼完好攰

咁其中一位女士
一嘢飛咗個袋去我隔離梳化位
But佢個袋明顯掟準我大脾☹️☹️☹️

咁我望一望佢
佢又望一望我，sorry 都冇句

之後佢同佢班friend 講：隔離嗰個女人睥住我，好話我掟到佢呀，挑！
咁我都冇出聲
繼續食飯🍚🍤

然後人哋間舖好似壽司郎咁
係用部pad點嘢食嘅
果4位女士又bilibala 話唔識日文
係咁揮手 + 講excuse me,想叫店員嚟落order but人哋冇理佢哋（目測得一個樓面）

見班女士咁嘈吵
我終於話：部pad有得揀中文menu架

然後4位女士哦哦哦之後默默拎住部pad研究
終於可以靜落嚟啦

So sorry but真係唔該香港人係香港🇭🇰以外地方可唔可以唔好咁嘈！

其實即使喺香港，喺餐廳食嘢都唔應該咁大聲講嘢。
好多年前喺尖咀某food court自己一個人食晏。我當時坐4人枱，食食吓有2位OL坐落嚟搭枱。Food court 4人枱當然唔會大，所以佢兩位講咩我都聽得好清楚。其中一位OL可能嗰日受咗啲氣，一口流利廣東話、英語同日文無縫互換喺咁鬧，當中夾雜大量廣東話粗口。我盡量唔望佢哋，但我對呢位小姐留下「深刻印象」。😆

然後唔知幾耐之後，我放假喺屋企樓下快餐店食早餐，抬頭嗰吓呢位講流利粗口嘅小姐坐喺我前面再前面嗰張枱。佢望我嘅眼神話我知，佢認得我🤣，然後佢好尷尬咁低頭食佢嘅早餐，完全收起晒當日意氣風發嘅樣🤭

本身去日本都唔會去遊客人店，咁啱有次係福岡屋企人想食炸豬扒，所以去左大公司頂樓食。
食食下有一班廣州黎既自由行，一行8個，餐廳安排左佢地坐我地隔離，一坐底就勁大聲講野，坐我隔離個兩公婆個老公聽到我地傾計講廣東話佢就yo我阿哥“喂老兄”咁，問我地食緊邊個餐，我哥點佢最貴個個。
我媽話冇諗過佢會答，佢話比著係香港已經屌佢老母，但呢度係日本所以唔會咁做。個兩公婆即刻😳
我再補多句，講廣東話唔一定想比你騷擾，又無禮貌又嘈，個兩公婆聽完由頭到尾直到我地食完飯佢地都冇講過一句野。

好耐之前我有個 assistant 女仔斯斯文文，有日佢同其它同事講佢同男友去東京，戇鳩鳩學人扮壞女孩，一路行一路爆粗屌哂老母咁，以為東京冇人聽得明佢講乜，之後佢話去到間 shop 買完野行出店外等男友出黎時，見到隔離有個男人望佢，之後佢問望乜撚野呀，個男人聽到就更加望住佢，跟著佢男友行出黎時佢話有人望佢，佢男友笑住話死架仔你望乜撚野呀，點知個位男子用廣東話答佢地其實佢唔知你女友屌乜。

詭異既係呢件乖乖女竟然可以將呢件以為好 funny 黎同人分享。

我有一次喺悉尼
一個好少華人居住嘅住宅區
自己一個喺附近一個好細嘅商場，坐喺個Cafe度叫咗杯白酒
諗住唞吓氣
隔籬枱坐咗一家4口香港人
應該係個女嚟呢度讀書，父母由香港嚟探佢
個女應該想返香港
全程我相信佢以為冇人聽得明廣東話
我聽足佢阿媽用粗口鬧足個女半個鐘
仲爛口過地盤佬
直頭係「我小你個臭x你唔讀書返香港做雞呀？」果類
但係對住侍應講英文又突然之間變返人模人樣

喺日本揸luup
天黑晒好靜嘅民居嚟
比堆阿嬸封住咗條路
咁正路咪叮兩聲
唔明點解一堆阿嬸裏面有幾個可以秒着咗，講咩準確字眼已經記唔住，但大概內容都係腌尖腥悶嗰啲啦。重點係，仍然唔讓我！

我再叮幾嘢就迫前啦。

過咗佢哋之後，我回頭講：我識廣東話㗎，唔好以為日本就冇人聽得明啦。

然後阿嬸就話你識廣東話又點&$@$xgl……

梗係繼續向前，冇再聽佢講乜啦。

之前同朋友去明洞食飯，因為太攰腳痛想搭𨋢，等𨋢個陣有一家幾口，有大有細行埋嚟，跟著因為前面計埋我哋就塞爆咗架𨋢，佢哋上唔到，個啊媽就用廣東話講咗句：有手有腳搭咩𨋢。
哈你哋夠有手有腳啦，咁你行樓梯囉，你搭咩𨋢，無位咪等下一架囉😀
去咗韓國咁耐，都無聽過啲韓國啊婆啊伯咁樣講出口，香港人係第一個。

其實唔係語言問題，而係在外面言行舉止都要經過深思熟慮，要好小心！ 我在美國的華人區就見過，坐電梯時有個說西班牙語的人取笑中國人，他以為沒有人懂西班牙語，結果就有一個中國人用西班牙語在罵他，我只聽到最後一句叫他「shut up」！ 他後來用廣東話說： 那個人說中國人又蠢又笨，他在南美住了20年所以懂西班牙語！

So true
我同朋友去首爾旅行 佢咁啱有朋友都係喺首爾 於是搵埋我同佢啲朋友一齊食燒肉
本身覺得多啲人可以嗌多啲嘢食share冇所謂啦
點知佢哋全程討論啲18禁話題 講到好撚大聲
餐廳入面都多香港人 仲有啲有小朋友喺度 係咁望住我哋枱
成件事我覺得好撚尷尬 當下都係專心食飯算🙏🏻😭

失禮到🫠我都有次自己一個人行到攰係漢南洞嘆緊咖啡，對面枱坐住兩個香港女仔突然講「啲泡菜仔真係勁識扮野，一個人平日唔返工下午自己係Cafe影相，佢地真係好識包裝人設」我直接冇忍就拎起電話扮講電話講廣東話「我坐咗係XXX飲緊啡，轉頭我過嚟揾你啊」😂都係佢地之後冇再講嘢默默飲完就走咗去

你靚仔

試過有次係韓國機場搞啲退稅既野，全程都用韓文同職員對答
之後我同老母講 搞掂啦，可以退到幾多錢咁
後面隊有幾個香港師奶捉住我，直接叫我幫佢翻譯同櫃檯講下乜乜乜
仲要唔該都冇聲，好似老撚奉咁
我眼尾都冇望到佢地直接走左 之後隱約聽到乜野 有冇搞錯咁都唔幫之類既野🤣🤣

某啲香港人不嬲都好失禮，已經試過幾次係首爾遇到講嘢好大聲嘅香港人，好似果刻冇人聽得明佢講咩，亦試過係明洞搭地鐵聽到有個女人大大聲爆晒粗咁同個fd傾計討論人，亦遇過狎鷗亭聽到大大聲講買咩好，其實要講嘢唔係問題，但係應該要適量嘅音量，而唔係勁大聲講嘢囉。

我都試過住新宿APA落去樓下浴場浸下，我只不過係怕尷尬、唔習慣喺人前剝衫褲裸露，所以入去廁所除衫換浴袍毛巾，咁都要比兩個香港女仔話我咁怕比人望就唔好嚟浸呀嘛，跟住喺到大笑.... 其實我又唔係除衫落水，又唔係唔乾淨，咩事連喺邊到換衫都要比人笑？

試過同老婆係東京一間餐廳食飯
個到每枱都係一個private area
隔籬房係香港人大大聲講野大大聲笑
但佢地淨係聽到我地用英文溝通
聽到佢地話”隔籬鬼佬唔識聽我地講野”
我回應佢地一句”我識聽廣東話”
之後佢地就完全靜哂
要有人識聽先至肯收細音量 有啲失禮

頂，非常有畫面感！👍

唔好講韓國，早幾年我同朋友去緬甸玩（快運仲有仰光線既時候），我地去到d廟出面啦，有個女仔 香港人黎，唔知笑人地影婚紗相唔靚定點樣 一定係唔好既野黎，但又未置於攻擊人，咁岩佢地又講到好大聲啦，我回頭一望，佢地大叫左句 呢度有香港人向度

有一次由成田落機出上野
我坐慢車諗住慢慢搭
然後有班後生仔成世人未見過女
又唔知唔可以大聲講野
聽到佢哋係咁講點解呢度啲學生哥咁。7，啲女又好。靚
阿大佬，成田出機場會一個香港人都唔會同車嗎？🤔🤔🤔🤔🤔

系芭提雅夜市坐低食野
買左袋Naraya擺系格尼
有班港女黎買外賣
其中一個大大聲話：點解人地買到甘大袋蝴蝶袋既
聽到我好老尷 佢系米以為我唔識聽粵語
如果唔系個口咬緊野我會同佢講
［間鋪頭米系後面囉屌］

其實呢…
廣東話呢…
好多你睇唔出嘅人都識嘅
話說我去馬來西亞
咁真係睇唔出華人血統個種
但操流利廣東話，人地答，佢係廣東人
莫講去日韓台泰旅遊區...
依啲位遇香港人嘅機率係...100%
遇唔到先係奇蹟好無

純粹好奇既然識韓文，點解唔去啲淨係韓國人先至識幫襯嘅舖頭度食嘢？因為 我喺外面旅遊，都唔鍾意幫襯嗰啲週圍都係香港人尤其大6人嘅地方。香港冇得避就冇辦法，去到外地；避得我都盡量避。

住喺韓國幾年冇食過鰻魚，見橫掂都冇食開邊間，又有幾位youtuber介紹，就諗住試試佢🤣~ 平時都係食比較local嘅餐廳多!!

我都好似樓主一樣奉勸大家, 到外國唔好覺得冇人識聽廣東話.
我晌加州一間華超等緊俾錢時, 收銀員用英文問我前面個亞婆嘢, 亞婆用廣東話問佢隔離個墨西哥樣小朋友, "細佬, 佢講咩呀"

不清楚你遇到的是不是香港人，但我喺機場排隊過關時，遇到幾個人講廣東話好Q大聲，我都以為係香港人，但佢哋拎住本紅色護照😂 全世界應該唔係淨係香港人講廣東話嘅

我上次喺博多運河城食晚飯，又係有四個香港人三男一女啲粗口難聽到不得了，仲要勁大聲，普通傾偈都可以夾雜勁多粗口，成間餐廳得我同佢哋係香港人，黐線！

果日去飲神仙雪濃湯，一肥一瘦女人係到傾計 。個瘦既女人講野大聲過啲阿叔，成間餐廳都聽到果種 。香港都未見識過咁大聲講嘢既人 。影衰香港人 。

我係日本都遇唔少呢啲香港人 大聲講嘢 當人面話人哋個樣點點點笑人 以為人哋唔識聽 望住佢真係想同佢講好心篤尿照吓自己個樣先講啦 真係柒

哦架仔都係用日文笑柒遊客

所以到我喺日本聽到有香港人話韓國人講嘢好大聲，所以唔鍾意去韓國，簡直係笑話。講野大聲，香港人敢認第二，應該只有中國人敢認第一。

上個月同嗰韓國女仔FRD喺弘大食飯，隔離有一對香港年輕情侶，嗰女仔無啦啦係度話我嗰FRD勁似收兵嘅女仔，嗰刻真係好想講返句「你仲似」

見唔少，尤其日本，專係環境好靜既地方大聲講嘢，係咪等日本人直覺覺得你地來自大陸呢？先感覺巴閉🤣🤣🤣 成班豬西第一日出城咁

上年暑假同同爹哋媽咪同埋表姐一家一齊去嘅時候 其實成個首爾好多香港人 就算講都唔使咁大聲講…
btw你呢間鰻魚我都食過 唔好食

풍천장어👀以前次次去都咁啱冇乜人，啲職員成日都話好多香港人去，上個月終於見識到成間8成都係廣東話😂😂😂呢間真係世一

我覺得唔係以為無人識廣東話既問題 而係性格惡劣
我就算去到南極都唔會講呢d 野
好難理解做乜有d 人要成日品評人地外貌身材etc

似Mix？你自己覺得似實際一望個樣都知唔係啦🤡Mix乜9野姐，特別高貴咩，屌你啦🤡我係外國住10年好多mix個樣其實好柒架🤡

🫪❓
成件事係想講對方誤會我哋一家人唔識聽廣東話👀
唔好誤會，我絕對冇任何意圖想講自己高貴/好樣啲🙏🏻

咁鬼口賤
比我會小佢地： 我屋企無家暴，唔該你地積下口德。 出去外國仲咁大聲講粗口、講人壞話，唔好影衰香港人啦。

香港人喺外地成日都好肉酸...尋日喺紐西蘭一個公園,明明好靜好舒服,一班阿叔阿嬸係咁照相又笑又叫,離遠一遠都聽到...

我係日本超級市場買咗幾盒和菓子，有個香港人好大聲講好平咩洗唔洗買咁多，我即刻X字型睥過佢，佢柒到同我say sorry

嗰次同台灣女仔系韓國食燒鰻魚
聽到後面兩個香港女仔以為我哋係中國人 幾想大聲咁用廣東話同台妹溝通啊⋯⋯🤬

其實一向都唔建議把口亂咁講嘢，尤其係評頭品足。

好多時都會因為衰多口招惹到負能量，

我自己都學習緊👀

其實呢 作為一個優雅嘅人類 無論周圍啲人聽唔聽得明你講咩 都唔應該大聲講嘢
當然我都明有部分人係唔多優雅😌

曾經見過story 講去旅行最爽就係可以係條街大大聲講粗口都無問題，背景仲要係365日都會有香港人出現嘅日本韓國

80年代已經好討厭行入淺草寺一帶街道，成條街大大聲聲講粗口的港人團；每次同日本的同事一齊，醜到想狷窿。