香港咁多人鍾意賭，以前就話賭下六合彩同賭馬。而家有賭波，足球又有，仲話賭籃球。
搞搞吓，賭馬都分唔同國家嘅馬。
遲早蒙古都跑馬。
足球又係，乜波都有得賭。
其實害到人哋家破人亡嘅，就係呢個政府同埋馬會。
阿明三十幾歲，喺觀塘一間工廠做文員，每個月人工兩萬幾，夠養老婆同個八歲仔女。佢屋企唔算有錢，但都算安樂，星期六日一家三口去公園玩下，飲下茶，生活平淡但開心…….
債務越滾越大，債主上門淋紅油，打電話恐嚇全家。
阿明驚到周鳩圍匿埋。連工都冇心機返，比公司炒魷魚。屋企冇收入，老婆逼住去做清潔工養仔女，成日喊住問阿明：「你仲要賭到幾時？屋企人都比你害死！」
阿明輸到負債過百萬，仲借咗大耳窿。有一晚，佢輸晒最後一筆錢，返到屋企見到老婆同仔女執緊行李。老婆眼紅紅咁講：「我哋唔可以再陪你死。你自己搞返掂佢啦！」個仔女抱住媽媽喊：「阿爸唔好再賭，我好驚吖……」
阿明跪低求佢哋留低，但老婆搖頭：「我已經頂唔住，你害晒全家。債主話再唔還就搞掂我哋，我唔想個仔女有事。」
老婆帶住對仔女搬咗出去，申請咗庇護，同律師搞分居。阿明一個人留喺空屋，債主繼續追，屋企淋晒紅油，日日有人搞佢。佢唔敢返去。追數公司連佢親戚都搞埋。
佢最後露宿街頭。佢成日喺公園長櫈瞓，肚餓就執垃圾食，仲偷偷用最後啲錢去非法外圍賭波，諗住「最後一次翻身」。
幾個月後，阿明聽到消息：老婆帶住對仔女返咗外家，但因為壓力太大，老婆精神崩潰，入咗醫院。個仔女成績直線下跌，成日驚驚青青，問媽媽「阿爸會唔會死」。
阿明終於明白，呢個就係家破人亡。佢自己害死自己，害死老婆同仔女。以前平淡開心嘅一家人，而家散晒，仔女冇完整家庭，老婆一世人擔驚受怕，佢自己變成街頭一件垃圾，一件廢物。
阿明有時坐喺維港海邊，望住海，諗起以前星期六日帶住仔女去公園。老婆煮飯等佢返嚟嘅日子，眼淚就流晒出嚟。
佢低聲講：「政府同馬會開咗咁多投注，方便咗好多人，但害死咗更多家庭……我係其中一個戇鳩仔。」
但係，故事到呢度，阿明已經遲咗。佢冇勇氣打戒賭熱線，就算打郁冇用。呢頭叫你賭，果頭幫你戒，其實又係玩鳩你。
冇力翻身。全家人都比佢累死，呢個賭博人生，最後只剩下一片空蕩蕩同無盡後悔。
死都冇撚用！
呢種心態叫做「理性化 + 認知失調」
英文係（Rationalization + Cognitive Dissonance），係賭博心理學入面好常見嘅防衛機制。
簡單講：
佢哋明明知道賭錢有禍害，但又想繼續賭。
於是個腦就會自動「自我創造」一個理由嚟減輕內疚同不安：
「我係節制嘅，我唔係爛賭，我同嗰啲輸到仆街嘅人唔同。」
呢種心態有幾個特徵：
低估風險：覺得「只要我控制好就冇事」，但實際上大部分「小賭怡情」最終都會慢慢升級。
自我豁免：把責任推畀「唔節制」嘅人，暗示自己係「聰明賭徒」。
另外，有一種叫「安慰劑效應」：用「節制」兩個字嚟麻醉自己，令自己可以「安心」繼續落注。
心理學上，呢種「幻覺控制」（Illusion of Control），好多病態賭徒早期都係用呢個方法欺騙自己。
結果往往係……越「節制」就越想證明自己控制到，最後越陷越深。
收個靚尾先：
呢種心態其實係一種自欺欺人，表面上好理性，實際上係為自己繼續賭錢搵藉口。
從心理學上
如果一個人唔鍾意賭錢，佢會有以下嘅反應：
「強烈反對、全面否定、覺得完全冇好處、用「千祈唔好」「害死人」「我從來唔賭」……
如果一個人係小賭怡情：
會承認有禍害，但強調「節制」「娛樂」「輸得起」「小注消遣」
如果一個人本身沉迷賭博，即係爛賭：
佢會為賭錢激烈辯護、否認禍害、用「運氣」「技術」「我控制到」等自欺欺人嘅字眼，或分享「好多」嘅故事
🤡
睇自己控制能力
18 歲一到即開 ac
小賭下波 10,20 到
最多50
不過發現賭完之後，場波已經唔好睇
之後就冇再賭過波
寧願睇場好波 都唔要專注喺啲賠率上面
講真 呢個世界乜都係賭
波馬又係賭 炒股又係賭
連人生都係賭，番工你有係賭緊會唔會比人炒
出街又會賭會唔會出意外，識節制咪得
其實自己控制唔到； 玩乜都可以傾家蕩產。 玩車 / 玩股票 / 玩音響。
其實最重要自己玩乜嘢都要有節制。
香港地樣樣野講錢
如果唔係含住金鎖匙出世基本上打一份兩萬幾嘅工真係唔夠生活，能夠自控嘅多數都係一啲本身有錢，只當賭博係娛樂嘅人
但有更多人係想脫離貧窮的魔掌
咁都有得賴政府同馬會😂
佢唔去馬會賭 咪過大海去澳門賭
賭外圍囉 個結果咪又係家破人亡
死賭仔冇自制力 搵野賴真係冇野講
抵佢窮到仆街的
情願用錢去旅行,買嘢食,睇戲,入球場睇港超/港隊,都唔會再賭錢
提升自己認知能力，增值自己。
依個世界好多誘惑，睇你自己控制能力。 生命中都係算賭博，健康一樣係
唔賴自己賴政府同馬會，出色
馬會做左幾多公益？
仲有，自己廢唔認，其實真係無敵