香港某D問題同矛盾
就好似你去唔同嘅地方叫一杯「凍齋啡」！
我：點解有糖嘅？
🧑🦱：咁你叫淨啡阿麻！
我：凍齋啡走甜，唔該！
👩🦱：係咪唔要奶呀？
我：凍啡走甜走奶，唔該！
👨：即係凍齋啡啦！
我：凍淨啡呀，唔該！
👩🦱：走甜呀？
我只係想飲杯凍齋啡啫，唔想講咁多野喎！😵💫
希望香港所有飲食業統一齋啡 無論凍熱都係冇糖架！🥹
每間茶記都有獨立對凍齋啡嘅解讀，為保障個人意願，我都會籠統叫「凍齋啡走甜」
小喇叭 都唔知邊條豬西沖凍齋啡會有糖水 好撚難飲呀
好多時問題唔喺杯齋啡係咩標準，而係有啲侍應嘅態度，做客人嘅鬼知你餐廳點整杯齋啡咩，如果客人講錯或講唔清楚咪禮貌同佢確認一下囉，唔洗駁咀咁講埋啲 "凍齋啡緊係冇糖㗎啦！" 之類嘅說話，洗唔洗啲客同你道歉呀痴線
其實齋啡幾時變咗「齋」(無葷食，即走奶)嘅咖啡?
以前都Get到嘅「齋」係「剩係要」咖啡(走糖走奶)
我：唔該凍齋啡走甜
阿姐：齋啡無甜架
我：咁好啦
然後上左杯有甜既比我
尋日喺大快活叫杯凍齋啡
飲落去 頂加咗糖
咩叫齋啡佢老闆識唔識？
我果日係茶記叫啡走走奶，個伙計好串咁同我講 ‘啡走即係就咁煉奶，唔會有淡奶架！你就咁講啡走就得架啦！’
我就答佢話因為好多都係有奶，所以我講明要走奶。於是伙計再重覆話啡走係無奶架，你唔使咁講啦。
最後我話咁你肯定無奶，咁你俾杯啡走我啦！
點知..佢同事就送咗一杯有奶嘅啡走嚟俾我！！！ 我即刻捉返果條阿叔返嚟睇清楚佢地水吧嘅啡走係咩出品！！！ 佢之後仲要死撐話係水吧出錯第二杯俾我。😑😑😑
我仲煩，我飲齋茶，永遠係好複雜，被人歧視🤣 齋茶走甜，通常侍應都呆咗，我話即係凍檸茶無檸檬就咁茶，有啲就答我即係清茶啦，我下次同一間講清茶，有啲就聽錯咗我講冰茶。因為胃差，奶同檸都唔係好受得
係架，但唔明點解佢地係搞到咁複雜架，永遠係聽唔明架，一定要講凍檸茶走檸，我成日覺得咁講好似玩嘢咁，凍檸茶走檸仲點樣係凍檸茶呢，叫齋茶最好，但佢地永遠係呆咗
有次都試過同樣遭遇，而事後發現茶記文化普遍默認凍飲係必加糖，包括齋啡，所以我以後醒目了，要叫凍齋啡走甜or凍啡全走