📌 有冇人記得 以前
共 41 條紀錄
有冇人記得
以前紅Van係唔係落車先俾錢㗎？
印象中好細個（廿年前）嘅時候有人教過
紅Van同綠Van其中一個分別就係
一個落車俾錢 一個上車俾錢
但從我識自己搭紅Van以來
一直都係上車就俾錢
究竟係幾時改成上車就俾錢
定係我一路以嚟都記錯咗？
睇條線，都仲有落車先俾現金而且有得找。裝咗八達通多數上車俾錢。
紅van係司機決定幾時收錢
一向搭開落車俾，突然間佢等等吓客會話收咗錢先，大家就出去俾囉
又會如果係打算俾大紙，就上車時好謙卑咁同司機講唔好意思，要俾大紙，可以收咗先嘛
係呀
以前紅van落車比
搭得近平d
綠van係上車入落個收銀箱
True👍因為以前試過搭長途，巴士的話就係上車嗰一下計你同終點站嘅距離，唔會計你邊一個站落車。
但如果搭紅Van嘅話，就算係長途車，你兩個站落車司機就會收平好多。呢個係以前搭紅Van嘅好處。
不過而家廣泛用八達通之後就唔係咁計啦應該（好耐冇坐過紅Van，以前係夜晚去飲酒之後冇車返屋企會搭，佢哋好似賽車咁，仲有隊型🤣）之後有同學經歷過一次小的交通意外，留咗一條好長嘅疤，之後我就唔再咁搭紅Van，寧願蒲少啲。
以前只收現金，其實可以揀上車俾定落車俾，你上車俾司機唔會屌7你
但多數會落車俾，因為有唔少都會分段收費
但咁會阻落車時間（因為現金找續）
但而家多左車有埋八達通就統一變左上車俾
其實真係見過人上車俾，俾司機屌。本人都試過無被屌，不過司機黑臉。
見過有人上車俾錢俾個紅van司機屌
條友嬲到落撚左車
但佢本身排左半個鐘隊先有得上車😂
N年代早上由秀茂坪到觀塘碼頭嘅小巴，由車尾到車頭乘客逐個逐個交車費一直傳俾最近司機位嗰個然後落車時交俾司機。我冇深究係咪因為返學返工趕時間而乘客自發嘅慳時間方法？
其實紅van簡單咁講就係冇規矩
上車俾又有，落車俾又有
去到中途叫你俾咗先都有
主因係營運模式嘅變化
以前紅van係單頭做為主
而且冇特定路線
例如堅尼地城出發果陣
車頭可能寫去大丸（銅鑼灣）
去到灣仔果陣就可能已經轉咗寫去筲箕灣
咁就有機會中途叫人俾咗錢先
另外落車先俾就好可能因為有分段收費
而近年多咗紅van 集團式走特定路線
呢類就通常上車俾
不過我搭邊種都係習慣上車俾咗先
我細個搭果區係落車俾錢，司機好勁記得每個人邊度上車因為分段唔同價錢
紅van有啲有分段收費，好似元朗落屯門嗰啲未過洪水橋就平啲過咗就貴啲，落車先俾易啲處理唔駛記住邊個客俾5蚊邊個客俾8蚊 。
兩款都有，睇司機
特別如果係大紙，一定要上車同司機講
你冇記錯
以前真係落車俾錢
但係依家多咗八達通
同埋睇司機 & 嗰程車有冇分段
兩樣都有
我搭開啲線多數上車俾
因為好多站都唔係正式站頭
落車先收錢會頂住其他車😆
以前係落車比
而家有啲車隊線就上車比,因為有時八達通無錢比唔到又話無散纸,咁落車就阻住哂,同埋方便分斷收費,中途上車平啲,中途落車嘅要叫司機較八達通費用
而單頭車就睇司機習慣
總站上車好多時會比咗先喺邊度？
現在因為收八達通會俾咗先
俾現金嘅都仲係落車，
因為唔同路線唔同規矩
但係而家有裝八達通 就越嚟越多路線玩上車畀錢
以前都係俾現金，咪落車俾，不過俾100蚊果啲都係上車果陣俾司機找左先😂
依家收八達通就變左上車俾
好似睇司機同本生條線點收
旺角黃大仙果架係 落車比
但九龍城荃灣果架係 上車比
睇咩線
有裝八達通機通常上車俾錢
無就落車先俾現金
紅van總站上，比錢先。
中途站上，就落車比。
只不過而家有八達通，變左中途上車比多
通常總站上車就俾咗先
但係總站上車都試過落車先俾
中途上車就落車先比
結論 司機大佬決定
睇嗰條線
我搭開嗰架
屋企去程出去係落車俾錢
搭回程返去係上車俾
以前有樣嘢叫後數，幾個用朋友搭車，前後落就最後落車嘅一次過俾錢，但有啲古惑仔就只俾一個，之後費事咬數上車畀咗先