細個有個諗法：
喺自己屋苑入邊做保安
好似都幾爽
一路喺自己個單位裏面算唔算已經開緊工？
只要佢有準時簽簿🫣
如果係通過物業管理公司聘請一定唔會俾，會好多古惑嘢。除非有D屋苑係直接請座頭，而你又識法團D人靠關係可能會有D機會（見過）
有個別公屋盤都有本邨住戶做保安，私樓基本上冇
俾自己都費事啦😅瓜田李下嘅嘢
做ic就仲大鑊，屋企變咗Conteol，D伙記直頭嚟摷你
真人真事
我之前有個單幢樓主席諗住好人就寫低自己電話喺座頭，仲話有事要幫手打俾佢，嗰度冇夜班的
有晚半夜十二點有人打俾佢話壞lift...佢叫人自己行樓梯上去(最高15樓)
有一次就有人打俾佢話喺樓梯發現袋垃圾，要告佢亂拋垃圾🤣🤣🤣 後尾佢頂唔順搣返走個電話號碼
幾廿歲人重咁天真，尤其單幢式，壞燈膽又搵你白鴿飛過又搵你，做得好唔會讚，加管理費大維修一定俾人問候全家，重要成日俾人唱過河濕腳好多著數咁。相信「性本善」嘅人一率推介佢哋做半年主席先好講。
唔係講笑，我都有呢個諗法，瞓醒就落樓下返工，仲可以返屋企食飯 😂
住呢度有個業主間中會客串下做樓下看更，但佢應該係搵唔到替更先自己上陣，總之農曆年佢唔會做替更。不過我覺得係會幾尷尬，因為唔係個個住客都咁好相處，有牙齒印就好麻煩，就算放左工，人地都會當你開工無著制服投訴你。
吓？唔係好正常啫咩 我樓下早更同夜更保安都係住我哋屋苑
其實現實之中，並唔係好爽
你真係諗住係搭正開工59分就落去打卡咩？遇着有啲公司係要briefing
咁就hi hi啦
已經有人做緊
我屋苑保安係咁
佢放假又見到佢知住呢度
一個保安一個清潔工真的有本邨居民做，不過依家都少咗，始終都有D衝突