19歲女大學生懸賞30,000HKD尋公仔背後故事‼️聽到眼濕濕😢

事主M有隻貼身跟咗佢10年嘅水獺公仔叫做糰糰
由小學陪伴佢到大學，去到邊就帶到邊
可以話無論係返學 兼職 行山 旅行 甚至學校宿營，一直都帶喺身邊冇分離過
係佢最親密、最重要嘅家人、朋友
遇到開心嘅事第一時間就想分享俾糰糰
遇到低潮、好驚 好緊張嘅時候會攬住糰糰，同糰糰傾計，希望糰糰帶到力量俾佢，同佢講聲加油
無論幾無助 幾孤單 幾絕望都好，只要諗到有糰糰喺身邊，佢就會知道自己並唔係一個人
佢嘅人生無論高低起伏、哪怕係屋企人不在場嘅重要時刻，身邊總有糰糰陪喺身邊
糰糰係佢生命入面不可或缺嘅一部份
佢對糰糰有他人不能理解、無條件嘅愛
糰糰亦都會以相同嘅方式回應佢嘅愛

只係冇諗過呢種美滿會以咁嘅形式戛然而止

事主M喺3月26日（星期四）下午六點左右同媽媽仲有糰糰喺葵廣上咗一架302小巴往荃灣方向行駛
因為太攰，事主揸住糰糰瞓着咗
到達目的地荃灣麗城薈外落車時，媽媽見到事主不斷摷手袋，就知出事，即刻記低車牌（FT4407）
經過三個幾鐘嘅分頭尋找，事主終於喺21:40左右上返出事小巴搜尋糰糰
（p2有惡劣司機影片）

然而個躁狂司機（六點搭嗰程已經有同客鬧交）發晒癲咁趕事主落車（有俾車錢）（有片）
發晒神經咁係咁重複話要上高速唔上得嚟
明明接落嚟嘅路線係行下路
當時冇任何理由可以趕客落車
事主好瘦弱，一睇就係個弱女子，實在諗唔明點解可以對住一個弱女子咁惡
（事後我哋知道條友確實係癲癲哋，成日俾人投訴，想炒好耐但唔夠人。一撻就焫着，欺善怕惡，見事主係女人好恰就恰）
直至事主父母趕到同值班站長溝通，先趕走咗個癲佬司機
然後個站長比事主同佢屋企人上車慢慢搵
已知已經搵完成架車所有角落+小巴上冇垃圾桶
推測唔會係個躁狂司機掉咗（小巴條例suppose司機每次行程結束查視全車執到失物唔可以私自處理，而且斷估呢個狂躁司機唔會咁勤check車+特登掉垃圾出車外垃圾桶）
好大機會係有好心人執到

事主全程強忍住淚水，當刻唔單止忍受住失去最重要嘅家人嘅煎熬，同時仲要孤身面對個咁惡嘅司機
搵勻成架小巴都冇嘅時候，個心已經死咗一半
糰糰唔係喺屋企唔見而係街外、
有明確嘅搜索範圍（上車仲揸住落車唔見咗）
結果帶來嘅唔係對未知嘅無助
而係殘酷嘅事實同更深嘅絕望…

佢後悔
佢後悔當日出門太急冇帶到平時出街用、有airtag嘅糰糰專用袋
佢後悔當日帶糰糰出街
佢後悔喺車度瞓着咗
佢後悔用手揸住而唔係放喺袋度
佢後悔搵咗3個幾鐘先搵到架小巴
佢後悔因為自己嘅疏忽而失去左最重要嘅好朋友

一切都係佢嘅錯，因為糰糰唔識走 唔識跳 唔識講嘢
有佢喺度，糰糰先識郁 識講嘢 識安慰人
有佢喺度，糰糰先係一個相伴10年嘅家人
有佢喺度，糰糰先係一個擁有靈魂嘅生命體
冇咗佢，糰糰之於他人只係一隻有啲破舊嘅公仔
只係平時喺街上隨處可見有chiikawa公仔喺地下踩到一腳都唔會執起嘅無用布料
冇人知道腳下呢隻公仔可能已經預定咗某人大學畢業花束嘅c位

佢喊
人生中第一次見識到真正嘅以淚洗面
凌晨返到屋企鎖自己喺房入面
望住床上、書枱上十幾隻同款公仔
但冇一隻係佢
冇一隻識講嘢 識郁 識安慰人
佢哋有名字，但冇靈魂

佢叫做糰糰
有名字 有靈魂 有在乎佢嘅家人
但失去左肉體
佢嘅離去同時帶走左一位少女嘅半個靈魂
過去十年
黃色 藍色 紅色 綠色 紫色嘅記憶球
喺呢一日通通變晒做藍色

如果後悔有顏色
一定係我妹妹臉上嘅灰色

如果你睇到呢度，希望你可以幫一幫手
push一push比身邊住喺葵芳 葵興 大窩口 荃灣 深井 青龍頭嘅親朋戚友
再拜託佢哋問吓佢哋嘅家人兩個禮拜前有冇喺302小巴見過/執到呢隻公仔（圖一）
我哋已經貼滿晒街招但係咁俾人撕🥲
但凡搵得返糰糰，收留糰糰嘅人同push比佢嘅中間人（中間人限一唔好意思🙏🏻）
我作為哥哥私人加碼20,000HKD，連同我妹妹嘅10,000HKD
分比
1. 尋獲糰糰嘅人
2. 同push比佢嘅中間人
各15,000HKD
麻煩大家幫幫手多做一步
住喺葵芳 葵興 大窩口 荃灣 深井 青龍頭嘅人
就算唔搭302小巴都幫忙問聲屋企人🙏🏻
唔係住喺附近嘅人幫手推post比住喺嗰度嘅人🙏🏻
如有任何消息請聯絡電話/whatsapp：61030343
感激不盡🙏🏻
希望可以為呢個故事寫上happy ending
一家糰聚

過了一段時間，我覺得可能要開始慢慢接受失去嘅呢件事了🥹🥹就好似寵物/家人離開咗咁係好心痛好殘忍，但同時又係人生嘅一大課題。以後都keep住呢件事嘅高度關注對自己嘅生活都係好影響的。希望當事人可以早日走出呢個痛苦

雖然已經push咗好多次，但繼續push啦

Thx🥹好希望有好消息通知大家

加到10萬都搵唔到,我覺得一早已經去左堆填區

推一下😭🙏🏻
我明白嗰種無助同傷心
曾經有一隻公仔陪咗我好多年
我都係成日自己一個人周圍去，佢就變咗唯一一個陪我周圍去嘅夥伴
然後佢一直都裝住喺一個透明袋上邊，然後掛住喺我個袋度陪我周圍走。
有一次去澳洲旅行，到達餐廳食飯嘅時候發覺隻公仔成個透明袋唔見咗⋯
當時我都發晒癲咁樣喺條街搵咗好耐
接下來嘅幾日行程都不停返條街度搵
直程係入埋店舖問人，然後連嗰啲掃地啲哥哥姐姐見到都會問佢哋有冇見過有冇掃走過
我成個旅程喺度喊，不停喺度諗一直好內疚，點解我咁遲先發現佢跌咗
去到搭飛機離開澳洲嗰一刻我喊到崩潰
因為佢係澳洲唔見
注定我呢一世都搵唔返佢
返到香港身邊有朋友幫我買返隻一模一樣
但係其實鍾意公仔嘅人都知道就算一模一樣都唔係嗰一隻
當時我嘅男朋友好好，佢有一晚將隻新嘅公仔放咗喺張床度，然後叫我望實
之後佢就(施展魔法)，然後就喺度話佢要靈魂交換大法，佢將本身我嗰隻公仔嘅靈魂話喺澳洲召喚返嚟，放返喺呢隻新嘅公仔度
因為我平時都會攞住隻公仔扮隻公仔講嘢同佢相處過，所以當佢做完呢一個(儀式)之後，我真係感覺到嗰隻公仔好似返返嚟咁


希望早日搵返糰糰
另外要小心騙子，最近太多

放心 呃唔到！

大家放心佢唔會畀騙子呃到嘅!!

我記得就喺佢唔見咗嘅當日定頭幾日，仲未四圍貼街招，已經有人回覆物主喺同一個時間地點執到 ，好似仲有po相，但係佢話嗰隻唔係佢嗰隻， 話人哋做乜要呃佢等等

物主話對隻公仔咁耐所有細節都認得

冇錯！10年朝夕相處嘅公仔主人係冇可能認唔出🥹

希望揾到！我自問從來無試過好似佢咁珍惜一樣嘢，咁惜物的人希望會有好報，糰糰快啲返屋企🙏

集氣😭🙏🏻

你地有方法可以知道係咪原本果一隻嗎 出咁高價會引來唔少別有用心人 有啲令人擔心

司機咁樣既態度趕佢落車？
BTW...不如你地俾定心理輔導俾阿妹，都隔左咁耐就算你加到10萬，有d野掉左就掉左，就算執到果個人見到你地咁緊張應該都會掉架啦🫣

係 個司機癲佬一個嚟 我願意為我講嘅嘢負責

至於心理輔導當然有
不過10萬搵唔搵得返係一回事 有冇嘗試全力挽回係另一回事

@mysisntuentuen
你地出到30k, 你地小心有人混水摸魚。 隻公仔好似唔係絕版，小心人地買黎扮。

Push🥺🥺
我都有隻攬左25年嘅公仔，有時會帶埋佢去旅行（一定唔會寄艙）。夜晚冇得攬住佢嘅話會瞓得好差，朝早返工之前都一定會幫佢冚被！
完全明個種只要有隻公仔喺度就唔係自己一個嘅感覺🥺🥺🥺

希望快啲搵返糰糰🥹🥹🥹

明！希望你一世都唔需要體驗失去公仔嘅痛苦😭（btw小心飛機老鼠

Push! 🌹
我昨天在羽田機場掉了娃，幸好被機組人員找到了，剛剛去了接娃！每個娃娃都獨一無二，值得溫柔以待！💕
希望樓主與愛娃早日重逢🫶🏻 Good Luck 🍀

你好好彩呀！沾一沾你嘅運氣希望可以搵到糰糰😭💪🏻

Good luck 💙🫶🏻

哥哥你好，我係《親子王》編輯，想請問可以借圖、尋物文字分享嗎？會標明出處，謝謝你，並祝早日尋回糰糰

可以 麻煩了

落車點附近有冇失物認領處？
或者打電話俾車廠問有關失物？
營辦商棉記汽車有限公司：2493 2635
營運商路榮實業有限公司：2474 5815

希望你地可以早日尋回糰糰🙏🏻

冇 小巴屬於私人營運
冇好似巴士咁標準化嘅失物認領處

可以打路榮個電話問下，佢係專營302線小巴嘅公司，睇下有冇機會搵得返

試過係站嘅清潔姐姐執到，幫我收好… 試下逐個哥哥姐姐問下？

如果係巴士可能得
但小巴屬於私人服務未必有專門嘅清潔姐姐
而且我妹妹當日服務結束前已經上咗車位

希望可以幫到手🙏🏻🙏🏻🙏🏻
星島申訴王｜小巴失公仔案 尋獲酬金加至3萬 女大生哭求助：我視它為屋企人！
https://www.stheadline.com/voice-topics/3561988

To呢個女仔：

我自己都有隻好愛，對我好最要嘅公仔，我好明白你嘅感受🙏🏻

可惜我離荃灣太遠有啲難幫到你，如果我咁好彩見到佢嘅話，我會唔收任何錢比返你 🙏🏻 希望你早日搵返佢

多謝你 你嘅理解同有呢份心意已經好好🥹
如果真係搵到唔需要對報酬有心理負擔
錢可以再賺 但糰糰只有一個🥹

幫你再推～ 不過都要小心假糰糰🍇
記得你妹妹有講過比人白撞仲wts鬧返佢轉頭🥲

係🥲

已轉發
希望會幫到一點忙 報酬甚麼的就不需要了
失去重要東西一定好難受

希望你同妹妹都可以樂觀點
一定會搵得返既 good luck

照顧好你好妹妹情緒
佢一定好唔開心

感謝🥹我哋會

報酬係心意
唔需要道德綁架自己
你有呢份心已經好感激😭🙏🏻

會同會有小朋友執左？

咁希望佢家長/哥哥姐姐見到呢個post😭話佢知三萬蚊可以買好多零食同玩具 

希望你搵得返啦
如果搵得返嘅話最好擺佢係屋企啦
如果唔係特別日子千祈唔好帶佢出街
我都有隻陪左我就30年嘅比卡超
我成日都幻想如果有朝一日佢唔見左嘅話我點算
所以我出街都係帶另外啲公仔出去
陪我最耐嗰隻我永遠都擺係屋企

30年omg
如果搵得返我一定會勒令我妹妹唔准再帶出街🥹

Push
希望早日搵返 要小心有人會白撞

https://www.ebay.co.uk/itm/363654147998

push，因為有過相同經歷，希望你可以搵得翻隻公仔

我都有一個家族的公仔陪住我大，我同佢哋都一起祝福你哋揾番團團，你哋可以重聚！！

🙏🏼🙏🏼🙏🏼❤️

我妹妹都有佢嘅糰族族人🥲每一隻都有名

俾東張一萬，問佢地願唔願意幫下你個妹

乜東張接受自費訪問㗎咩

唔係，只係你想曝光嘅話，咩方法都可以試下，一個Whatsapp 熱線問下試下應該唔算難事

我妹妹有接受某個媒體嘅親身訪問
應該好快就會有報導出嚟

等出片，到時幫你share

一定好難過，嗰種自責真係會成世都記得。
幫你集氣一下

如果自責有顏色一定係____🥲

可惜

阿妹，我只能勸佢放手，
公仔好似是死物，但其實是有壽命，
好似養動物甘，終有分開的一日，
分開的果日已經發生左，
要學習接受同成長。

如果真係搵唔返咁希望佢可以接受同成長

佢一定可以的過到呢關，糰糰會俾力量佢！

搵番好了 👏🏻

push

如最後找不到也要釋懷 我也經歷過 有時候一樣物件無預兆離開代表它已完成歷史任務 陪我們走過一段路 剩下的路要自己走

有一絲絲嘅希望都唔想放棄 我妹妹當佢係親人🥲站喺非當事人嘅立場我同意你嘅

如果加到10萬應該一次過可以搵返10幾隻

人地相處禁耐，點會認吾到，人地本身都有相似嘅幾隻

記得先前在facebook見過她出帖，希望她可以早日尋回寶寶🙏🤝💪

確定到，上車前係一直拎住？

上咗車確定都係攞手揸住 瞓醒落車先發現唔見

第一日發生已經見到依個POST...祝搵到啦..

希望搵到🥹
或者會否去站頭問下做清潔個d姐姐？

喺當日服務結束前我哋已經上車搵咗
唔關清潔姐姐事