Download左Be My Eyes好耐，一直都無收到過電話。
（Be My Eyes係個app，透過FaceTime充當視障人士嘅眼睛。）
琴日朝早係美孚站聽到身邊經過嘅婆婆，細細聲：有無哥哥姐姐可以比我扶？ 第一次帶路好緊張，腦袋入面有好多念頭：會唔會唔識扶令佢跌親，洗唔洗講啲咩提醒佢方向，諸如此類。
婆婆識讀心咁笑住話：「放鬆得啲啦，你隻手硬晒啦，照你平時步伐速度得架啦。」
笑咗：「好啦我放鬆啲，不過我平時行路都係咁慢。」
婆婆好幽默：「咁你行得好慢喎，熟路嘅地方我行得仲快過你哈哈！」
婆婆重度弱視，只剩光感。
我哋講起引路磚，婆婆話：「引路徑係有用，但踩上去會驚。」
我話：「我好似明，凹凹凸凸無咩安全感。」
婆婆：「係啊 你又知嘅？」
我：「我成日著鞋底好厚嘅鞋，有時會唔係好感受到地面觸感，行左上去就會覺得唔穩陣。」
婆婆驚訝：「係啊，所以我平時就掃住係側面行，你好了解喎，以前都有帶過盲人路？」
我話：「無啊，係第一次。」
一路上，婆婆教我點樣幫佢：落電梯提佢踩嘅位置、上車跨大步。
（Be My Eyes係個app，透過FaceTime充當視障人士嘅眼睛。）
琴日朝早係美孚站聽到身邊經過嘅婆婆，細細聲：有無哥哥姐姐可以比我扶？ 第一次帶路好緊張，腦袋入面有好多念頭：會唔會唔識扶令佢跌親，洗唔洗講啲咩提醒佢方向，諸如此類。
婆婆識讀心咁笑住話：「放鬆得啲啦，你隻手硬晒啦，照你平時步伐速度得架啦。」
笑咗：「好啦我放鬆啲，不過我平時行路都係咁慢。」
婆婆好幽默：「咁你行得好慢喎，熟路嘅地方我行得仲快過你哈哈！」
婆婆重度弱視，只剩光感。
我哋講起引路磚，婆婆話：「引路徑係有用，但踩上去會驚。」
我話：「我好似明，凹凹凸凸無咩安全感。」
婆婆：「係啊 你又知嘅？」
我：「我成日著鞋底好厚嘅鞋，有時會唔係好感受到地面觸感，行左上去就會覺得唔穩陣。」
婆婆驚訝：「係啊，所以我平時就掃住係側面行，你好了解喎，以前都有帶過盲人路？」
我話：「無啊，係第一次。」
一路上，婆婆教我點樣幫佢：落電梯提佢踩嘅位置、上車跨大步。