📌 UO超賣仲咁理直氣壯
共 78 條紀錄
UO超賣仲咁理直氣壯
地勤：我哋航空公司係咁㗎啦，你唔滿意下次搭第二間
-
我復活節假前兩日飛
係uo counter check in個時，個地勤叫我哋等陣，要打去control問吓有冇位先
等咗陣之後，佢話有位
佢：下次記得加錢買位，咁先確保有位坐
我：（好驚訝但語氣正常）買咗機票唔代表有位坐？
佢：我哋航空公司係咁㗎啦，你唔滿意下次搭第二間
？？？？？我聽咗啲乜
超賣仲咁理直氣壯？明明你哋公司有問題，我都冇態度差，你反而仲惡過我😰唔通我買咗機票只係入咗呢班機嘅waiting list????
@hk_express
建議唔好將 超賣 呢樣野講到好平常
根本唔應該超賣！
見有人留言話佢地唔會咁講，樓主我撐你啊。
我都試過比UO地勤串，checkin 嗰時話而家個位響中間要唔要坐路口或者窗口位，廉航咪咩都要加錢，我問多句要唔要加錢？
佢勁差語氣咁串我：我問得你就唔駛加喇🙂↔️ 我嗰下真係呆左冇諗過有人做服務業可以講一句都咁西，但因為去程出發我唔想同人嘈搞到成程唔開心冇出聲。
但之後我發誓冇咩野我係一定唔會坐UO🙂↔️
我信地勤真係會咁講啊。次次喺hk 上機，啲地勤好似當啲客係狗咁撚😂 見到有個外地客企左喺佢個位隻門度，佢係呼喝咁「唔該！」係一啲笑容/禮貌都係。反而次次喺外地飛返香港啲地勤就好好。
以前啲fsc超賣係因為驚人臨時取消減少損失 依家啲lcc都冇得取消 noshow都係收足你錢 都唔知憑乜嘢超賣
只需要唔願意三隻字,無需多言,到最後都冇人讓就由佢哋自己解決
UO真係超on9 地勤閪係常態
之前去checkin 佢用普通話招呼我(??? 我話我係香港人喎 佢跟住唔忿氣 大大聲同佢同事講 哇佢係香港人喎要用廣東話架！
真係 唔明佢哋做乜鳩
香港最大問題係超賣仲要無補償，外國都有超賣，但超賣人地分分鐘賠貴過張機票，香港毛都無條令到航空公司更加有持無恐
變咗常態啲航空公司仲要理所當然咁先係令個行業唔正常，完全唔明點解無人做嘢，政府同立法局都視而不見，所以先會令航空公司咁樣
超賣係間公司問題！唔好合理化超賣！
比錢買咗個機位，你同我講比錢都唔一定有得搭？係咩玩法？
你超賣係你錯，係你放咁多位比代理出售，最後overbook，但你要比咗錢嘅客讓？咁不如買之前你係平台大大隻字寫晒出黎「比咗錢未必有機位上」🙄橫掂你都預咗班機超賣，亦都冇諗住安撫個客🙄on9
地勤明知間公司仆街，你西個客，係咪仲火上加油呀？個客好聲好氣問，你就好聲好氣答啦！
比錢買難受，唔會再搭UO!
而家香港服務業越嚟越多無品，覺得全世界都係閪客個個都欠左佢，仇視顧客既閪員工
「大律師陸偉雄：超賣屬營銷手法無違法做法並不理想」
如果犯法，啲航空公司俾人告晒了🙂↔️
啱啱復活節假飛完，我陀住bb，佢地唔比我用self service / online check in ，一定要我去櫃台排隊。條隊勁長，咁我都死死氣照排啦。排左好耐終於排到第一行隊尾，啲staff 叫哂我後面啲乘客（exactly係我後面）去另一邊新開既counter，仲話嗰度快好多！因為我都企左喺度等左好耐，而且都陀到30周，開始攰。我就向地勤出示返我張fit to fly 醫生紙，問佢可唔可以比我用返自助機，唔得！個地勤仲要好無禮貌「其實就快到你架啦喎，等多陣啦！」，我前面仲有十幾個人，到我拎到機票，得返20分鐘時間過關同去gate，個gate 仲要好L遠。我嬲到即刻draft email 投訴，佢地琴晚覆我話調查左，但個version of account 完全係老作，佢話我排隊時條隊好少人，另外我地check in 完仲有成75分鐘先close gate，所以時間好充足。無諗到咁大間航空公司會咁樣擘大口講大話，早知我就錄埋音拍埋片！PS 回程啲地勤反而好好，所以我覺得真係得香港啲地勤係咁衰格🙂↔️🙂↔️🙂↔️
投訴完全冇用🫠佢地惡哂
下次check in真係拍片保障自己
我就唔信佢會講呢句嘢……有曬名牌著曬制服兜口兜面咁講？唔驚畀人仲影大上網？
咁又唔好集中話UO超賣，其實好多傳統航空公司都會，只不過無咁多人遇到啫，外國都唔知幾多，都係嗰句，加少少錢買埋個位囉
我都遇過d態度好差嘅地勤 不過樹大有枯枝 每一個行業都有d唔好嘅員工🥲 當然我亦遇過好多有禮貌嘅地勤 所以千祈唔好合理化超賣同埋態度唔好。。。即使超賣都可以以禮相待😂加油👍🏻💪🏻
超賣係一般航空公司做法，間間都係咁，唔係合理化，係理解事實。不過一般有補償吸引啲客接受。
遲到或太接近 gate close 另計。
先唔評論超賣嘅情況嚴重與否 會唔會已經同當初超賣嘅原因有出入 而今次講嘅係航空公司超賣嘅同時 地勤員工態度惡劣 出言不遜
地勤態度差唔應該助長，同超賣無關，兩件事嚟！
近年我都用自助，好少接觸地勤，唔知係唔係差咗，根據原 post 講法，咁嘅態度幾難接受。
其實全世界嘅航空公司都超賣
正常worst case 俾錢d客，一定有人會唔介意遲一班
唔超賣都可以態度差，我好彩，未遇過態度差嘅香港地勤，歐洲就好常見
唔肯定係唔係呢間
上網睇過有一間
就算您買左位
都會賣走您個位
但我想講UO係冇地勤職員嘅😂😂唔理佢係咪真係咁講都好 係咪應該考證左咩公司嘅staff先而唔係一野射個波比uo話人態度差😅
Er……好難相信一個前線同事會咁樣講野喎，你唔滿意下次搭第二間，都唔make sense既，不過超賣呢單野，係合情合理合法的，呢個真係全世界航空界問題
個人建議你買機票前先細閱相關機票銷售條款
唔同意絕對可以唔買，謝謝
想問如果佢開online check in 時已經check in 並已經𠕇boarding pass ，位亦已配好，係咪唔會突然話無位？
hkexpress比狗搭，直航有其他選擇的話，一定不會考慮hkexpress
香港機場啲外判質素真係不敢恭維，呢啲外判公司真係要大整頓🙄
我當你讚我係gen z 👍🏻
冇「互相態度唔好」，係佢單方面態度唔好啫，有問題喎
依家係咁㗎嘛，佢係提供服務者唔係狗，講嘢直白啲又無鬧你，話唔定你返工老細叫你，你都唔係好應佢、好好禮貌啦。你當同friend 咁溝通囉
我冇一句話過佢係狗😂😂😂
你份人好多assumption😂同埋我啲friend先唔會咁冇禮貌😂😂
你仲開post教精人哋
個個都預先揀位，你到時肯俾錢都未必有得俾你搭
你呢啲口舌之爭算好 有朋友搭大灣區俾地勤掟凹個名牌行李箱 追討無門仲谷氣
地勤十個有九個都係咁求其㗎啦🫠
呼籲大家以後check in要拍片，有晒證據冇得抵賴🫠
我直覺覺得佢心裡面講:有本事物唔好搭hkexpress囉!
其實佢又唔係特別平，加埋行李同其他航空公司差唔多，有得揀真係唔好搭UO，d staff 仲要串過馬撚
要同人鬥早check in
如果有得online check in 既就check 咗先
無既最少要早3個鍾到機場
條友擺明懶得同你解釋就拋句”我哋公司係咁”出嚟屈機 明明佢係外判就唔係UO嘅staff 咩我哋公司喎 UO今次真係食死貓🫠
呢啲先夠true UO真係咁 所以情願加錢搭其他好過
國泰都成日超賣兼delay. UO 地勤,空中服務員好不像樣,男的衣衫不整,件衫又好似染左灰色咁..睇住啲航空公司服務質素每況愈下,點解會咁退步嘅😑
人哋只係唔修飾有話直說，好難得㗎。
唔係耍你一鑊，跟住都冇位仲死
有名你叫 HKDepress.. 國泰take over 咗後完全唔坐得！亂咁嚟
佢網站寫超賣係for如果有人冇登機，可以更加善用機位。但我覺得係少啲客會買差時間嘅航班，咁佢哋靚時間嘅航班超賣多咗出嚟嘅客咪可以廷遲去差時間嘅航班
好似將自己想既野合理化咁，人地真係比左錢買機位，點善用機位，姐係次次都預有人臨時唔飛所以再超賣比人，咁如果唔好彩真係坐滿哂又迫人硬食其他機？咁真係搭得好唔穩陣。無錢都唔想搭
online check in 甚至買位都唔一定係guarantee
唔好話廉航 even for FSC 佢都一樣可以為咗更高級嘅客踢你走
之前搭過一次中午機去台灣
地勤問我之後急唔急/趕唔趕時間之類
我答佢夜晚有野做
佢就叫我等一陣 睇個樣都超賣 不過好彩有位上機
佢老母都成日超賣架，不過多數坐下班加升倉去解決，講到底都係睇利益
我每次都有做Online check-in又未試過你咁嘅情況喎，不過個地勤咁樣講又真係勁冇禮貌囉。
每次也會先online -in,但試過被搞1次，理由係話我冇比錢買位，其他人有優先順序，有機會會比唔到位我，之後我都費鳩事理佢，只講句唔會接受搭第班(遲幾個鐘飛，地點又唔同台中改台北，又冇話補錢比我，台北搭車返台中唔洗車錢時間呀)