[準備離婚系列]
呢加差不多夜晚9點
平時5點半放工既老公係一個電話一個line都冇send 黎
成日都係咁✌️
有時2點幾問佢幾點收工，佢都唔會覆
直到佢返到屋企
而99%佢係一路打機一路入屋
有時會坐係車站到打夠機先返
（因為我試過好多次見佢坐係月台打機，不過佢冇見到我）
呢種不回覆不報備既行為係令到我次次都好炆
因為我都唔知煮唔煮佢飯

可能有啲人覺得你唔理佢味得，其實結左婚係可以點唔理另一半，你想自己一個人應該唔好結婚。
不過呢加已經冇所謂，因為我唔會再煮佢飯。

直頭唔洗理佢
既然佢唔報備你唔洗預佢食飯
對自己好先係最重要

最緊要自己開心

我唔知你哋呢代點忍受呢啲男人

睇黎你地本身都好大仇口

係，覆句幾點返屋企都唔得

點解會結婚 🤣

如果結婚前係咁邊個會結婚
結婚前係正常人黎，
呢啲問題真係好痴線
好似我專登簡個問題人既人黎結婚咁

但做得咁嘅地步都唔會返到轉頭 想呢種人變返正常態度係冇可能 一唔係你佢又會正常返嫁啦 所以唔好浪費時間

唔好介意 照你咁講 佢只係唔中意管住同埋想做就做唔太想理人感受 自己感受排第一咁解 。只係毒毒地未去到好差

唔報備真係唔得。可能你老公番工大壓力？有時我老公做完野無打俾我，佢一番到屋企我會輕輕同佢講：咦做乜唔打俾我呀？好忙咩？你個女好掛住你wor. 佢就會解䆁點點點。咁第二日做完嘢都會call我。有時你自己炆佢唔知你炆咩，我而家prefer有咩唔對路，我即刻講出嚟，好過我日諗夜諗。有時女人都係要有d手段去控制個男人(in a good way)😆.

已經過左個友好理解時期
冇女人係一開頭就係潑婦
我都要返工我都大壓力😂
我已經有咩都唔收埋，唔洗佢估估下
佢聽完好1-2次又打回原形～

真係明既 唔太知你老公性格係點 但如果講到咁白都唔識做 佢打回原形都幾無恆心 咁你試下離家出走幾日 自己嘆下幾日睇佢點

試左就係好嘆，唔想返屋企(?) 😂😂

同他說以後回來食飯要通知，冇通知就不用煮他飯！還要指定什麼時間前通知！太晚通知也沒有的！

我個point 係問左佢都唔覆

忍受唔到咪離囉！離婚，唔鍾意就夠㗎喇！

味準備離
離婚真係唔係簽張紙就完

唔知你老公點，但你而家欠兩個簽名之嘛！仲爭啲乜？

佢唔想離

咁佢想點。結咗婚，對方要跟晒佢意願做人，唔諗住大家互相遷就。

如果接受唔到個生活態度，唔及早處理（傾又好，離婚又好），只會損失更多。

離婚之前，或者試下過自己的人生—放工想做乜就去做，不是報復，一來預習自己過日子，二來心不再牽掛住佢就是雙方真正的自由，三來，試左咁多方法都唔得，咪試下唔理佢到盡頭囉

冇報復，只係唔煮佢飯😟