📌 【意見調查】BB到
共 50 條紀錄
我自己認為三歲後
正式讀幼稚園就盡量唔應該再坐
因為都要開始比小朋友知道佢開始長大
唔可以再倚賴以前BB用嘅工具
包括奶嘴，尿片，呢啲都要慢慢開始戒
父母應該安排行程嘅時候諗埋小朋友可以玩幾耐
中途搵地方休息
冇晒電就返屋企休息
唔好勉強小朋友一直喺街
對佢哋嚟講都唔係好事
但係小童父母如果戒唔到倚賴BB車呢個習慣，都盡可能唔好喺人哋返工時間坐交通工具，
影響唔到人，自然就唔會受到批評咁多
我都明係辛苦嘅嘅
做人父母係好攰嘅
有時倚賴BB車嘅係父母唔係佢哋嘅小朋友
小朋友堅持好快就戒到
大人反而仲難戒
因為太方便自己
如果堅持覺得六歲半都仍然可以坐嘅家長
你哋要諗吓後果
一直都咁舒服嘅小朋友
好怕辛苦
到時仲難教
一定要喺生活裏面俾佢體驗感受
唔係淨係教佢哋讀書㗎
我自己都係咁樣訓練小朋友
如果你哋覺得唔啱聽就算啦，唔使鬧我
睇當日行程而定啦
無論你帶/唔帶bb車，都有啲口多嘅路人甲乙丙丁出聲
場面1 （帶bb車）
路人甲：嘩，小朋友識行仲坐bb車？比佢行吓好過啦
我：吓咁貴幾科銀買架車仔，緊喺趁仲坐得落坐多幾次啦，唔通留到個孫出世先再拎返出嚟用咩🤭
路人甲：敗走
場面2（無BB車）
路人乙：小朋友咁細都唔帶bb車，睇到你抱都覺辛苦呀！
我：吓，我落一落樓買嘢都要帶車？拎咁多嘢再拎架車，點上小巴/巴士呀？推住bb車好難由銅鑼灣行返上山㗎，我無錢吓吓搭的士啵🫠喺咪你幫手拎/請我搭的士？
路人乙：敗走
小朋友有需要，家長有需要咪坐到無需要同坐唔落為止囉，咩叫應唔應該姐，BB車又唔係你地D人比錢買，又唔係坐左人地坐緊既位，人地自由，小朋友瞓得舒服，家長又可以抖下，關外人咩事呀？唔通輪椅又要判定跛到咩情度先開始坐得呀？。。。係咪嫌個社會唔夠四分五裂姐，係要搞埋D咁既引戰調查圍爐去證明自己論點啱呀。。。。？關你地鬼事咩，咁唔滿意見到架BB車，下次咪幫個家長抱住個小朋友抱到落車為止囉你，唔係就收聲啦。。。
未生仔之前，見到啲小朋友（冇晒bb樣又高大，手長腳長果啲）仲坐緊bb車，真心覺得「有冇咁嘅必要」。
到我囡，歲半識行都冇帶bb車出街，因為都幾煩，佢又中意跑，所以bb車一直封塵。佢冇左瞓晏教習慣。到最近4歲帶佢出去玩，玩得攰要抱，我真係抱唔掂，手都斷。所以明有部車都好緊要，所以我唔理啦，黎緊出遠門/遠程，出得耐都會帶部車。
有時去街夜咗返屋企，我都會叫個7歲既大仔坐車，因為佢已經到咗瞓覺時間，寧願抱細仔（有瞓晏晝覺），架車畀大仔坐。
我知大仔唔鍾意，佢有時都話唔坐（應該覺得尷尬），但係我唔想佢捱眼瞓，所以我會攞件衫遮住佢。
其實大人坐地鐵、巴士都會瞓着覺，咁小朋友都會有攰既時候，佢哋坐喺BB車瞓覺又阻唔到人，有咩問題呢？
其實好多問題既答案都唔係咁單一或黑與白～有好多因素影響，例如我有3個小朋友，真係無辦法出街抱哂咁多個或者帶咁多架Bb 車；所以每到2歲就無再用bb車；出街前就講到明要自己行。
另外，我既小朋友energy level 唔太高，出街半日就返屋企訓晏覺，可以唔使bb車；但如果出全日街，小朋友會攰或者斷電要用Bb 車都好能夠理解
其實批評既人都係攞滿足感啫
人地有需要用咪用，覺得唔需要自然會戒
奶嘴、電子奶嘴又係，理撚得人？
唔講以為坐車d細路犯左咩大事添
社會上就係多得呢啲人咩都指指點點說三道四
推住架車亂撞就話抵屌啫，仆街人地好地地坐車又要多事
批評既人老左如果身體有事唔好坐輪椅唔好出街啦，日日係屋企等死咪算😅
都係果句，你試下抬20kg-25kg大米一個鐘企先好講，唔好講咩做咩唔搭的士，中途訓撚咗點轉場搭的士😀？
試過搭巴士落車先嚟瞓著，
左一袋右一袋仲要抱住袋米咁
叫醒佢就扭起床氣唔願行
果刻內心大叫點解唔拎車仔😀😀
到底係鍛鍊我條腰+手臀++EQ，定鍛鍊佢？
小朋友20kg, 媽仲要買嘢…. 小朋友一句累了，當媽全是鐵人…點抱？ 小朋友扭計喊眼瞓，成班厭童又望住哂！
你話bb車大部定電動輪椅大部塞車廂！
睇下d電動輪椅大大部，後面掛滿袋，仲左串又右插！開得又快，大哂咁！ 一入車廂就塞爆門口！
去得遠同出街耐就用下Bb車，落下街行一陣就唔會用，我諗話咁大個仲用bb車嘅人係因為見到現代父母有啲真係唔比小朋友落地下行，返學放學都坐bb車完全唔用腳仔，但係我覺得又唔洗批評人哋嘅🤓因為又唔係我嘅小朋友😂
點解狗仔用BB車又唔會比人話？佢哋都可以落地行吖！
BB用BB車要比人話？有需要就用㗎啦！佢哋成30kg或以上，訓著仲要放軟曬成個身，大人又要拎BB袋又手袋或者背囊，請問點抱？ 話人嗰啲托開幾包米定石油氣？
其實係視乎要行幾多路，搭車有冇位坐。識行識走，唔等於可以同大人一樣一日行萬幾步。大人可以揸私家車代步，小朋友都可以有bb車。小朋友2歲開始唔洗日日用車，去海洋公園/迪士尼之類就一定要。
我有得抱都抱，有時佢又可以比佢行下
我個仔鐘意搭巴士，方便上落轉車
如果太長時間出去要nap會帶bb車
但抱開佢又唔係咁鐘意坐，結果推半日只係用得個個幾鐘
所以盡量分上下午活動，返屋企瞓覺
Until質唔落架車，所以我買咗好巨架bb車
一打二出去玩完攰要抱真係比埋條命佢，尤其去廸士尼海洋公園呢啲，長時間作戰，仲要又水又替換衫，細啲時仲要袋埋奶樽同片，最好2隻塞晒入去一次過推
關你哋啲人咩事….
我上次自己一個帶住個仔翻香港又係有啲路人甲比意見。
我日日朝頭早10點出門口直到夜晚10點先翻酒店，你expect一個3歲幾既小朋友行足全日?
唔知咁多就咪咁多嗲啦🫰🏻
有需要咪坐囉，我小朋友5歲，出去玩預計玩成日既都一定拎車，唔瞓都坐下，唔使攰個時要搵地方比佢坐，大人又有得擺下野推住行，到有日帶架車出去小朋友都唔使坐個時就係佢真正大個啦
無討論嘅價值
香港係一個厭童地方，我女1個月大時去健康院，都俾個叔鬧我點解推咁大架bb車🙃🙃🙃其實只係一架stokke
我女4歲半仲有用bb車（按當日行程）
不接受任何反駁🧏🏻♀️
睇吓去邊同小朋友接受程度
今日一拖二北上，一架bb車俾2歲半坐，4歲半跟我行足全程（中間有休息食既時間）由12點半到11點半返到屋企
平時近近地幾個地鐵站距離就2個都冇用車
冇話應唔應該嘅，每個小朋友成長速度都唔一樣，有啲零歲一坐上去就喊，有啲天生懶坐到好大個，父母唔需要理人點諗。 （其實推來推去好攰㗎，又要成日等lift）
BB = 0-3
利申：我兩個小朋友冇坐過，去旅行，睇醫生，撘地鐵都唔坐，抱吓又自己行吓或者坐吓先再繼續行。我個仔仲要兩歲幾已經塞唔入個hip seat, 咁咪自己行吓
有需要米坐 冇特定應吾應該嫁喎
買得部車返黎 用到幾歲都唔關人地事拉 如果要講 咪就係坐到個小朋友唔想坐為止😃 因為呢樣野唔關其他人事 
我2個小朋友2歲就棄左車
諗返好後悔🤣架車又唔平
小朋友又攰 不過練得佢地好腳力…..(唔知係咪)
3.4歲去日本旅行全程行路 諗起都辛苦佢地 大人無乜所謂
幾多歲都可以，只要bb車承受到
因為攰嗰個係父母唔係bb🥲
話唔想孭不如唔好生嗰啲，咁買完餸又擺低喺巴士座位/地下，買得咁多咁重就自己拎住啦
我仔當年係高大肥B，5歲開始唔駛午覺先唔用，因為我冇信心可以抱個幾兩個鐘囉，如果我唔帶BB車係咪一定有人讓我坐？唔係既話d西人出少句聲唔該。
每個bb/ 小朋友成長過程都唔同
唔係個個都1歲半唔洗抱或者行好耐都唔攰
有啲肥b 20幾30磅手都跛呀
https://www.instagram.com/reel/DWSTufIiYl-/?igsh=ZGtjaTMwaXY0bGY5
只要小朋友有需要坐，父母又願意推，關路人甲咩事。bb眼訓要抱個個系父母又唔系路人甲，佢地當然口響啦，叫佢抱既話佢咪又系一樣情願推bb車
有需要咪坐，仲可以放手袋
特別係重10幾20公斤嘅兒童訓咗覺抱到手斷。
好多老人唔係跛都照坐輪椅啦
師奶都一人一架買餸車 ，唔明有咩好鬧
我個仔一歲已經11kg 孭到尾龍骨發炎要睇物理治療 就算5、6歲玩半日佢地都會攰 要訓教個陣仲難抱
去得遠既 唔坐個陣 用黎擺袋都輕鬆啲
CLS一樣嘢生產就係要嚟方便人類
我鐘意俾小朋友坐又得 當購物車又得 自己坐都得
我自己俾錢買嘅做咩要俾人介定一個年齡上限？
關人咩事
每個小朋友需要都唔一樣
我帶一個兩歲一個四歲出去玩一定帶車，玩到累四歲都要休息/瞓覺
無車係咪路人甲幫我抱？
香港人連人哋坐車坐到幾多歲都要關注真係好忙。 日本呢邊大把目測5-6歲都仲會坐下細佬妹架車仔休息，唔影響人有咩所謂呀
我嗰啲坐到歲半，你哋嗰啲鐘意坐到幾大就幾大，我淨係知建立大肌肉係兩歲打後，細個唔train 肌肉嘅話只會越來越難訓練
我三個都大約十個月至一歲，一識行就唔肯坐B B車，佢哋自己行我都好怕帶B B車，上上落落好麻煩，又要兜大圈先有lift。
冇規定㗎喎，有需要咪坐囉，唔阻人就得㗎啦，個情況唔同㗎嘛，我仔2歲甩到架BB車，但係有啲小朋友四歲都未得㗎喎
睇個人需要囉！
我嗰位一到3歲就唔肯坐同埋跟本就綁唔住佢！成日除安全帶喺架車度爬出嚟。坐BB車反而會重危險😂
有需要咪坐囉
你睇啲小朋友好似好大個 可能人地岩岩玩完 已經好攰好想訓
咁坐bb車 家長細路都舒服
又要外人批准咩
真係唔需要嘈 鍾意坐咪坐囉
坐到bb車坐唔落 又唔肯行 可以坐輪椅
法例話傷殘先坐得？
唔想行都可以坐 好似BB車咁
其實呢啲topic唔會有共識 😂只能說，多的是 你不知道的事。社會係唔同人共生 若唔傷害到你 不建議去討論人太多
其實人多既地方有bb車係更安全同埋無咁阻住人 拖住個仔行得慢少少🤏都俾人嘖 香港真係好厭童🤷🏻♀️
呢個問題唔需要回答你，無論答幾多歲都會有人鬧，需要坐就坐，有時係阿媽想用部車嚟掛餸同埋擺嘢
咁樣批評bb車，點解唔問下d人幾時唔推買餸車？
d呀婆大媽成日推住架放滿野嘅車仔轆過隻腳
關你撚事咩
又唔駛你買 又唔係你推 抱到腰痛手痛
你有冇讓位幫手抱呀？
咩都無就收嗲啦
到個小朋友好攰但係又冇BB車俾佢訓，發晒脾氣
跟住老竇老母又會俾人放上網話唔識教仔
有需要咪坐。
有啲小朋友2歲就唔駛nap；有啲返小學時間長都會nap，唔通大人抱呀？
呢個page 個版主一定係冇生細路，咁多意見，就係呢啲人搞到個社會一啲同理心都冇
你又係唔好生仔，最緊要住大屋唔洗行出街，出街坐私家車，包起成條街自己行