【足球女將2終極一戰 1.9萬 社交平台高峰直播代表左乜？】HK映視研
螢花今次《足球女將 2：終極一戰》對標準流浪女足，ViuTV Facebook 全場直播最高去到 1.9 萬人同時在線，呢個數字放返入香港網上足球直播史與及ViuTV嘅直播紀錄上，其實已經係好高位。雖然未去到各自的數據頂峰，但已經足夠證明，螢花呢類「娛樂＋足球」組合有其爆發力及可塑性。
【ViuTV 社交平台最高紀錄：COLLAR出道】
講到 ViuTV 社交平台直播頂峰，至今仍然係《全民造星 IV》COLLAR 出道記者會。2022 年 1 月 12 日，最高人數去到 7.6 萬，當時係官方特別直播，加上 COLLAR 出道本身已經有極強粉絲基礎，而且配上成員名單的懸念先可以一口氣衝到咁高。
【 足球網上直播最高紀錄：啟德首戰】
如果睇純足球網絡直播，最高峰就係 2025 年 6 月 10 日「香港代表隊 vs 印度」啟德首戰，RTHK YouTube 錄得約 4 萬同時在線。因為佢係啟德體育園首場正式比賽，歷史性同話題性都爆晒，加上免費高清直播，所以吸到大量觀眾一齊睇，成為香港足球網絡直播最高紀錄。
螢花的位置：介乎兩大頂峰之間
螢花今次1.9 萬，雖然未追到 COLLAR 出道嗰種娛樂級爆發，亦未到啟德首戰嗰種歷史級話題，但已經明顯高過一般港超直播。及得上港超煞科同步奪冠戰，大概 1.2 萬；理文對傑志約 9,000(上面兩者為付費Pay per View 約50HKD ，由On.cc主理)換句話講，螢花已經唔係普通女足直播，而係正式踩入高話題性直播層級。
螢花證明咗呢種模式有市場
COLLAR 出道係 ViuTV 社交平台直播頂峰，啟德首戰係香港足球網絡直播頂峰，而螢花今次就係兩者之間一個好亮眼嘅位置。數字未到頂，但已經好清楚反映出，「娛樂＋足球」呢種模式真係有觀眾、有流量、有話題。
唔係簡單嘅A加B收成，而係一個完整故事
需要留意嘅係，呢個唔係單純「藝人加足球」嘅經濟效益咁簡單，而係製作組用兩年時間、兩季內容，慢慢建立出成員同教練之間嗰種關係，再砌成一個好似日本動漫少年成長咁嘅熱血故事。節目同時又客觀切入香港足球現況、女子足球嘅弱勢，加上足球情懷，及真人騷育成元素，先整合出一個喺亞洲甚至世界都唔算常見、咁認真對待嘅綜藝 x 運動題材，係對製作組及成員付出的肯定。
【 未來發展：前所未見無從取經，要睇製作同 marketing 點行】
至於節目或團隊未來點發展，甚至可唔可以進一步整合出一個「足球偶像女團」、或變成一隊屬於香港自己嘅女足，而唔係廉價嘅"明星足球隊"就要睇製作組、成員本身點樣經營，同埋官方 marketing 策略是否可以行多一步，未來的路確實要看團隊與支持者的造化........
如果可以mark到長期商戶支持，要成立球隊唔係難事，但係要寫到個靚計劃書去pitch鍾生先。
我都有願景螢花會係正式體育會，會攪青訓，好似chill club 咁變成長壽節目
其實 至尊球會已經係好好合作單位，本身又有牌，搞手又係足球+娛樂事業人，仲要均宜Sir穿線，但Viu肯唔肯放手係最大關鍵
可能好多朋友因為流量密碼見到我地，我地係香港Podcast “美劇癮” 其中 HK映視研 嘅單元會討論 香港影視 項目。
去年足球女將1 第一周的綜藝討論，我地已經預言(9吹) 足球女將可以挑戰全民造星綜藝地位！有興趣可以聽翻我地節目🙏
撐 螢花 #足球女將:
其實睇返wingki個訪問，佢話接到開S2，都幾乎要推哂黎緊半年job，預哂比S2。
要參加者失去半年收入，如果成件事無贊助，無一個盈利模式，就好難長遠行落去。
我本來覺得足球女將係viutv想搵男觀眾客源，畢竟viutv而家肯定係以女性為主既電視台，再講當全民造星都玩爛既時候，足球女將係及時雨，而且我係入場睇既觀眾之一，我發覺其實女fans都唔少
賣嘅係新鮮感同熱度，如果成日都睇得到大家又會無晒興趣，香港人就係咁！
根本唔知會係fb直播。我相信好多人都唔知，如果唔係應該會再高啲。
賽會都係克制，怕喺大球場公開售票爆棚令到某方面嘅人顏面無存，其實大家都唔係太鍾意喺面書直播睇瑩花，只係門票太少，無得揀🥺
依家仲習慣睇fb嘅都少咗一大班人，Collar成團擺今日嘅fb直播應該1.9萬都冇
香港足球要球員水準追到世界頂尖水平很難，因為要香港球會/老闆俾出世界頂尖人工亦都微乎其微。
《足球女將》其實俾出另外一個可能，一個水準唔高，但每一個球員/教練/助教，俾出最大努力，用球隊中每一個人背後故事去吸引人去觀賞球隊/或者賽事。
我自己觀察，《螢花》出現之後，確實多咗人去關心港超/港隊賽事。
扣返22年疫情環境，同今次係長假期加清明正日，兩者差距更細
如果啟德場波冇電視直播，只係得網上直播肯定超過十萬人