一人一句你聽過婚禮司儀講得最離譜嘅說話
我先：我哋恭請一對先人進場😇
切蛋糕。蠟燭歪歪地。新娘想扶返正但係唔夠高。就唔岩手位。
呢個時候飲大左少少既司儀：呀新娘你快D比新郎插啦。
1. 我地而家一齊睇番一對新人生前嘅片段
2. 蛋糕代表團團圓圓、圓圓滿滿，我哋而家請新人過嚟將佢切開
祝酒儀式果陣
主持: 我地祝福一對新人永遠糾纏 飲杯~
: 各位親戚朋友可以出嚟同兩條獅合照留念（現場有舞醒獅表演環節）
新郎姓林
女司儀：我哋而家恭喜李生李太
男司儀：邊位李生李太？男家姓林
全場靜音
有年去婚展，其中一個參展商分享一個故仔：有個婚禮佢同一個姊妹做MC, 點知個姊妹口快快講錯「百年歸老」（想講百年好合），個姊妹之後當然好歉疚。
所以到我有次要響一個婚禮為新人講少少speech 時，去到最後要講「百年好合」時，我停一停，諗清楚先講。
大妗姐得唔得？
入門拜祖先嗰陣
一鞠躬 再鞠躬 三鞠躬……
有請新娘xx同新郎yy進場 (但xx係呀新娘呀妹個名。)
：我哋大家拎起酒杯同一對新人祝酒，呢杯酒唔係普通嘅酒，係有個特別嘅名叫做「陪住你酒」🥂
奶奶幫新袍帶龍鳳鈪時身邊通常都會講啲意頭嘢，例如”轉個龍鳳鈪吖，轉幾多個圈有幾多個孫”。
咁有次就聽到伴娘定係姊妹喺度講” 轉多幾個圈，就多個新袍喇 “ ，全場靜咗2秒…..😅
大家見唔見到新郎哥今日笑得幾開心。
大家知唔知點解呢？
因為佢笑埋今日，以後就笑唔出㗎啦😌
港普「新人」諗成「先人」真有可能，聽過機倉服務員廣播請乘客「戴上安全帶」港普諗成請乘客「戴上安全袋」呢！😅
唔知係咪你去嗰個婚禮都係我去嗰個，我都係聽到個司儀講呢句！🤣
(新人準備切Dummy cake)
司儀 : 大家估下新人既感情係真定假？ 好喇我地有請一對新人，用 真感情 切 假蛋糕！
司儀召集每檯大合照，新娘既中同有啲地中海，有啲肥肥地。 司儀：有請新娘xx中學上檯影相，司儀用咪同新娘講，嘩，你啲同學新娘你真係keep得好好呀。
我喺檯下：WTF?
最後臨落檯前幫自己賣廣告，叫大家搵佢做司儀。