一個時代的終結

曾經我是漫畫店常客，是整個初中年代每一天$30午飯錢硬是用其中$20來租漫畫那種（乖孩子別學，飯還是要吃的，否則像我用身高換漫畫閱歷不太好🫠），是放學會租漫畫後坐在老闆旁慢慢看到天黑才回家那種。

全港漫畫店大概只餘十數間，我那間童年回憶早被時代淹沒了，這間「漫畫世界」說不定是香港現存最大的漫畫店了吧。最新消息可能會租至彩虹邨拆卸，有興趣去看看吧。

「漫畫世界」結業清貨
地址:九龍彩虹邨金碧樓地下29號
Tel 23248018
WhatsApp 54079893

有心人整咗個地圖list咗香港僅存嘅漫畫店，有機會可以支持吓🫶🏼：
https://zbfghk.org/map/ 。

@zbfghk 可唔可以share下地圖本身條link啊？想喺手機Google Maps直接開，唔該晒🙏🏻🙏🏻

https://www.google.com/maps/d/viewer?mid=1TopKPes-GiKClCEMPZ8asiv_EAI

原本條link
不過好似無乜update了

Thx🙏🏻

諗起幾年前禮貌地咁請問過佢有套漫畫賣唔賣，佢答我你買唔起，估唔到而家求售，講真呢間漫畫舖對我嚟講係最貴嘅漫畫舖，我記得細個其他地方租緊3蚊本新書4蚊租5送3，佢就租緊5蚊新書7蚊當然無其他優惠啦，可能咁講好衰，但係俾我而家會幫襯其他重苦苦掙扎緊嘅二手漫畫買賣而且重好有心做嘅舖頭

wikipedia

2025年2月，漫畫世界官方表示獲續租至2028年，並會繼續把店內的漫畫出售。若全售出則提早結業。

問題係無人買得起
佢應該繼續等到夠鐘先摺埋

唉 好想買 都唔係貴 但係空間問題真係好kick...
上年有去租漫畫睇 好鍾意揸住本漫畫嘅感覺🥲

係呀！！可以聞到紙嘅氣味，一頁頁咁揭開本漫畫，先係完整嘅漫畫體驗😭😭😭雖然係無乜位擺，但係相信睇得動漫嘅人總有一兩套人生啟蒙作品陪過自己一d重要時期！動畫都仲可以上網重溫返個感動，但漫畫真係值得搵個位去「供奉」，有d舊漫畫真係會買唔返🥲

真係 如果而家再開返啲可以坐低睇漫畫嘅舖頭
我一定幫襯😞上年揸住漫畫排動漫展好有感覺

係呀，可惜香港無乜，好羨慕日本勁多漫畫cafe

（觀塘有間叫「紙本分格」可以坐低睇漫畫，有興趣可以search睇睇啱唔啱）

真！我去親日台都會去🥲紙本分有時都會去呀
不過感覺始終呢類入嘅嘢偏向以店主喜好行先
冇漫畫茶座/net cafe咁齊全 但去止下癮都唔錯
之前去追過下一之瀨家的大罪同埋極樂街🤣🤣

題外話彩虹邨我最唔捨得都係愛群，久唔久都會專登嚟食

今日都食咗😆😆

謝謝你的分享，讓我這個嬤嬤也認識另一些事物--漫畫世界👍👍👍

謝謝你的反饋呢😊看你主頁真是一位有活力又優雅的女士，祝願你生活繼續每天多姿多彩

多謝！誇獎了😊

中學時期嘅回憶殺，租金太貴好多都選擇唔做，以前開到成行成市最少商場最少有2至3間咁租嚟睇。

而家時代變身夾公仔機同彈珠機、抽卡舖、扭蛋個d多，個陣物價都算低，食餐飯都先$20至30到。個陣租書已經係半有錢的同學d嗜好，冇手機盛行的年代同新市鎮娛樂少基建起步遲的時期。

當年時代課金打機都係享受先，網絡再通行d多咗人有電腦同手機上網後轉戰睇資源網，反而實體書慢慢末落。（租書的時間限制都係問題，有罰款機制同怕遲還書）

再因版權問題更加迫住唔洗做，生存空間更低，至現在的年代睇付費app都一班捧場客同少左落街。時代在轉，記憶最美好的。

係，以前一間up dup細商場都幾間漫畫店，當手機上網仲未普及，又唔係人人都有錢買機打嘅時候，真係漫畫/小說最輝煌嘅年代。（不過如你所言租漫畫其實都唔平，最平都要$5一本金只可以租2日，過期又要罰😅）

同埋以前唔係咁講究版權，只係娛樂少興趣選擇都唔多的環境成就行業暢旺。同埋唔想買完本漫畫冇地方放就真，睇完就放係一邊又冇新選擇咁。雖然每本租費$5，好過你買返去1本$3x至6x 睇完放係角落一邊（好處冇時間限制）。

除咗最鐘意果幾套先會儲，好多漫畫都想睇所以租就啱晒！

懷念以前雲起$2本😭 佢開得好近學校，老師仲要早會警告大家放學唔好去漫畫店🤣

哇😳😳$2本咁平
好在我學校開明d無咁同我哋講，總之唔好上堂睇就得。細個好闊佬成日成棟書小息借俾同學一齊睇🤣🤣🤣

講緊$3串魚蛋嘅年代，學生都afford 到☺️☺️

30年後就會啲漫畫同黑膠唱片一樣，可能會復興

彩虹呢間個人好無禮貌嫁😂 入去預左比人串

我尋日第一次去呢間，又好彩無乜嘢。
一開始逐行慢慢搵漫畫都睇咗一段時間，佢哋係無乜表情不過亦冇干擾我，後來一話買書變寬容咗。成個體驗我覺得都ok

可能就執😂 向呢頭返左工好多年，以前就係岩岩向附近返工，見有漫畫店想入去睇下，每次入去好似當人想偷野定點咁係咁望到實，問佢一句就勁晦氣，我都有買過一兩次漫畫嫁😂 但每次都黑口黑面咁，之後咁多年都無再入過去了

我又係租漫畫睇。。成套租返去煲唔駛期期買吊引🤣

係呀，除咗最鐘意果幾套先會儲，我好多都想睇所以租就啱晒！

有1年屋企真係無地方。。我忍痛掉左11箱漫畫。。都幾痛。。有黑豹列傳第1期合訂本。。諗住第日搵到錢再買返晒😩最後都係放棄左

11箱🥲🥲🥲
我都試過搬屋咗勁多漫畫，真係超痛😭
而家陪住我嘅都係珍藏中嘅珍藏

Save定 又喺時候要去揾下我搵咗好耐嘅舊漫畫

祝你搵到🫶🏼

我細個都係，用得嘅零用錢都去晒漫畫度

有買有租
後嚟去漫畫cafe

而家諗返細個用咗咁多錢響漫畫覺得有啲罪過

童年回憶😆能夠將錢變成鐘意嘅嘢都係一種幸福嘅

我07嘅 幾個月之前去這過漫畫 然後超可惜彩虹邨要拆了🥀

真係好可惜，彩虹邨真係好有特色。仲有兩年左右就折，且看且珍惜🥲

不過租漫畫香港仲有少量店，睇吓你果區有冇：
https://zbfghk.org/map/ 。

乜香港仲有得租漫畫，我印象最深係旺角十大書房🤕

仲有，但得返好少，呢個list有介紹仲有邊度有：https://zbfghk.org/map/

THX

原來仲有鋪， 真係兒時回憶，估唔到老細頂到咁多年

睇過幾個訪問，老闆都諗好多方法想繼續做，甚至車d書去其他區租俾舊客，好有心。

我記得25年前調景嶺店
個店員姐姐同其中一個會員(樓下街市凍肉舖哥哥)搞大左個肚🫰🏻
應該有結婚掛😂

去過

以前竹園同黃大仙都有漫畫世界

記得喺竹園邨買本柯南25蚊，我當時比一張二十蚊，兩個兩蚊同兩個五毫子，個惡女人用兩個五毫子掟我⋯

我對上果次租漫畫係紅磡廣場，成套借返屋企，最尾果日趕deadline咁睇晒拎去還
依家唔慣要準時還書😅😅😅

中學時期已經係用手機app睇漫畫，個陣屋企附近都有租漫畫嘅鋪頭，但未畢業已經執咗

會唔會有零之使魔、旋風管家既漫畫賣🥹🙏🏻

昨天去購買的時候，仍有很多不同的漫畫，但書太多沒留意到你說的那2套。如果真的想了解可以回主post看看店的資料，打電話或WhatsApp給店主查詢

好奇伊家中學生係咪冇咗借漫畫呢個興趣？🫠

中學生連睇實體漫畫都少咗好多，轉晒玩手機

以前漫畫世界連鎖店黎
單單將軍澳區都兩間定三間
ONLINE GAME興嗰時佢地都有賣包賣點卡
嗰時應該佢地賺最多
後來ONLINE GAME死先大舖搬細舖，漫畫都唔掂就直接執埋淨番一間

順利邨90年代有分店

謝，明天去

大約有什麼漫畫小說，要用whatsapp 問？

今天去購買的時候，仍有很多不同的漫畫，小說我不太熟，所以也不清楚，但小說佔了大約三份一間店。如果真的想了解可以回主post看看店的資料，打電話或WhatsApp給店主查詢

買左乜？平幾多

買了套聖傳（$18@）及戰國（$2x@)，較出名/較新的作品會折舊計算，一些較沒名氣的少女漫畫$5@

以前成日經過冇乜點入去 最多都係陪fd去 因為慣左出信和買書
之前聽到彩虹邨要拆 心血來潮去咗漫畫世界買左套魔都精兵 結果到依家都未睇完
不過租漫畫舖嗰種黃黃地既包膠書 舊木書柜 瓷磚地板 白光燈 電風扇 真係一個回憶

好奇佢廿幾年前係咪喺匯景L5果層有分店？

遲D去，唔知仲有冇平野執

都仲有好多有名嘅仲有得賣，不過真係要睇吓你啱唔啱睇，始終間店都做咗三十幾年，唔同年代都有。如果有心水漫畫或者可以打電話or WhatsApp問吓有冇貨&價錢先。

okthx

算啦， 佢果d海鮮價

@tommy0617_