一直都認為同事就係同事，同朋友有分別，大家保持距離，無謂講太多自己事。
假期前，同事問我放假去邊，我隨口講句：返澳門。嗰一刻，我知講錯說話，同事好精靈咁話：你澳門有屋。
結果去到假期第3日，同事問我係唔係屋企，話去探我。嗰一刻只可以搵理由推，換來係同事回應：有屋都唔招呼人。
天啊！我點解要招呼你？酒店貴可以住珠海又或者即日來回囉。
我點融入呢間公司嘅同事呢？
或者我嘅同事認為係乜嘢大宅
其實只係無電梯、幾十年嘅舊樓
係你個同事冇邊界感姐
有屋就要招呼你🙄🙄🙄你乜水啊，特手啊
立即自然回應：下，我返澳門探老人家(阿爺，阿公，阿婆)，即日來回，你探邊個？
得自己一個都唔需要照顧佢啦 佢咪周圍唱我囉 睇下其他人笑佢柒定笑我小氣
🥴係你同事既問題，唔通係香港有屋，佢經過就可以上黎🙄？你早啲認清佢都好事，第日hea答
我認知：探人通常有事（生b/病得犀利）/有寶（四大長老、阿爺阿嫲）先會探 點都唔好俾佢上你澳門屋企，條友好鍾意比較、搵人笨，一定會令你更唔舒服
我認知都係人地屋企有喜事或者唔係好事先會去人地屋企探人，仲要係熟而又識人地屋企人先會去。唔係熟，無啦啦去人屋企做乜呢？住得唔差嘅又會覺得係度晒命，一般爺爺嫲嫲嘅屋企又覺得寒酸，無謂啦！
我同事話自己住村屋，另一個同事即刻話去佢屋企bbq, 好熟咩。。。
你話你屋企有老人家唔方便咪得咯，佢應該明白唔會打搞你啦
話說我有一次口多多跟同事講星期日去深圳玩，點知個同事隔兩日話佢又去深圳玩，仲話有冇興趣一齊，聽到都覺得驚😣
返澳門唔代表自己有屋，可以係住屋企人果度呀。而且朋友之間都好少會上門吧？你可以話近排親戚朋友上門多，唔方便招呼。
我啲同事都好鍾意成日話上嚟我屋企，知我一個人住就
我唔明點解要畀唔熟嘅人上嚟，尤其同事
屋企呢啲咁私人嘅地方
除咗好fd,否則絕對唔可以
你反問佢： 我返到香港，方唔方便去你屋企住兩日？
你睇佢點答。
你誤會左了，我曾經向澳門住過，唔係有屋，只係再去覺得係番去咁解啫..（but 要gaslight 你嘅人你講咩都會gaslight 你，所以呢啲小人都係唔好理咁多）
我以前有個同事又係咁，見親人放假即使係半日，都要問人去邊
你話間屋係年老親戚住緊，你去探親，佢唔鍾意有陌生人
厚面皮既人通常你比佢一次上來，佢下次會叫當你屋企酒店，再下次就帶埋朋友來你屋企過夜。 拿拿聲斷佢連結。
我都係去探老人家，返去老家住下。有屋住，但唔代表我有間屋
佢香港都有屋嫁喎
你又突然間話要去探吓佢 等佢招呼吓你囉
依啲人要屌 你問佢你香港都有屋啦唔見你話招呼我住幾晚 佢唔客氣你都唔洗同佢客氣架
咁你啲應變能力都好差吓喎。除非你係想話比人知你澳門有屋哂命，但你又唔似吖。