世界末日了
Apartment冇左熱水🥲
立即報左上system同email左俾agent
希望聽日可以沖個好熱既熱水涼

今年落雪嗰幾日我都試過壞咗熱水，結果要自己煲水沖涼😭

Btw，可以試吓附近有冇gym，可能幫到手

唔駛驚。 我heat wave 嗰排，因為租約期滿而搬入香港裝修師傅delay 曬進度而未裝修好既新屋嗰陣，班香港師傅搞到個喺loft 既boiler 要重新reset 先出到熱水用，而撞正佢地要放連續幾日假而唔肯過黎搞個爐，而我地又買唔到長梯上到去loft 去自己reset 部boiler，我地全家都好似有4至5日（？！）冇涼沖到。 不過就算用到熱水沖涼，佢地都未整企缸個牆磚，都驚沖涼會整到水入夾板入邊，用到又係仆街

但點捱到咁多日唔沖涼，佢地有冇俾賠償你？

冇。仲未計佢地唔搵煤氣管公司移管同計錯加長距離長度，鑽爆入屋主電纜兩次同挫開煤氣管一次，同其他訂野訂錯色同款又delay 曬工程加要硬食埋退貨費用。佢地仲夠膽工程係繼續拖，去佢地page 落劣評又被恐嚇返轉頭。
咁law

你個故事仲恐怖過鬼故喎

最恐怖既 係佢地仲喺度瘋狂接到香港人生意

未到末日...令我諗返起 初初離開香港落地 啱啱歐洲冬天 租屋第一日熱水爐就漏水 撞正星期五 結果要用凍水焗沖4日 慘過儲水式 以為自己返咗第三世界 依家都仲活得幾好 有家庭有事業有空間有時間🙂

真係頂唔順，琴日煲左啲熱水再mix啲凍水沖涼都好唔舒服

我嗰時都係咁做 睇字感覺認真唔容易 而妳都有嘗試辦法幫自己 祝福盡快有熱水🫡