今天係我24歲嘅生日
無屋企人、無朋友….
只有我自己一個人過生日
本來book咗自己食buffet
諗住自己生日食好啲 錫下自己
今日同平時一樣都係無乜分別
當我接受咗自己無人陪我慶祝嘅時候
我對面枱嘅一班人幫佢哋其中一個朋友唱生日歌食生日蛋糕兼一齊影相
呢一下 我開始唔知點反應 慢慢開始唔開心 啲眼淚湧上來 我問自己點解人哋有人陪佢過生日我冇嘅？我好唔開心。我好孤獨，平時已經生活緊係惡人谷嘅屋企，不斷被否定同侮辱、詆毁，仲要以往識嘅朋友都係豬朋狗友，冇一個真心對我，仲bully過我，我早已cut off。由細到大身邊冇一個真心又願意愛我同珍惜我嘅人，明明我唔係啲大奸大惡嘅人，點解會咁…
今年嘅生日一點也不快樂呢。
好多謝大家同我講生日快樂
冇諗過咁樣嘅post會引來咁多人comment
亦都見識到原來threads真係有好多唔同嘅人
講嘢冇禮貌又衰格嘅人大有人在💀
佢哋好多只係針對冇朋友呢樣嘢嚟人生攻擊我 但係從來都冇針對過無屋企人呢樣野😹 跟住又會針對我嘅回覆去論斷我 我只係就住件事去反應🥲
不過我唔會放喺心上面，因為佢哋唔了解我，亦都唔知道我人生經歷咗啲咩嘢，所以呢我都係笑吓就算😹
但係都好好彩嘅係warm得嚟又sweet嘅人佔好多🥺真心真意嘅comments我全部都有睇🫶🏻感謝大家
我發現咗一個好得意嘅現象😂，就係通常啲好kam留言，通常樓下回覆嘅人都係好kam同埋extreme；相反，warm同supportive嘅留言伴隨着都係好嘅回覆。🤔 當然啦都有啲唔一定係咁，但係我見到嘅係呢度大部份人都係好好嘅✌🏻
生日快樂❤️希望你嚟緊認識嘅朋友都會好好珍惜你🙆🏻♀️唔好灰心，幸福喺你面前等緊你㗎💪🏻
我同你講happy birthday，祝今年識到岩既朋友
多謝ㅠㅠ 希望今年識到志同道合，而且珍惜我嘅朋友啦！有嘅話我會再返嚟報喜😭
你不會永遠都孤單。
人生很長，有熱鬧亦有孤單的時候。
在熱鬧時享受身邊有人陪伴，在孤單時好好享受一個人的寧靜。
人生到最後，都是一個人走，我們都要學會堅強，你可以的，加油。😊
生日快樂❤️❤️❤️
最衰冇咗錄音功能
我想唱首生日歌嚟聽
生日快樂～
我24歲生日嘅時候都係自己一個過。自己一個去海洋公園玩，仲要係免費添。其實自己一個慶祝生日都可以好盡興
首先,生日快樂!!!!
其次,想同你講,我同你一樣
都係係一個被Completely Bully既環境之下,長大既
當時既我,會好似而家既你咁,選擇逃避
但係30打後,會覺得,自己好似浪費左呢段時間
所以,係呢度,順帶比一條"建議"你行既路,你可以試下
當我昆鳩你又好乜都好
-反正無朋友,打工,儲錢,兩點一線,玩下單機GAME都唔錯
-讀想讀既課程,諗諗自己有咩小目標
-700萬人,就會有700萬個圈子,一定會有同你岩KEY既Group
-有朋友,有好處,一個人,亦都有一個人既快樂
-如果儲到3,4萬左右,建議自己搬出黎住,擁有一個自己既空間,咁係最好
-Respect Yourself,自己爽,係最重要
-Ignore the Asshole,合則來,不合則去,話知佢係家人定朋友(定係同事)
最後一句,You Are Not Alone,We too
Ignore the asshole and block them!!!🤣🤣🤣
生日快樂🎈🎂🤡
希望你快d遇到同你好夾既朋友。
就算有人日日貼相貌似過梗d你過唔到既生活，好多酒肉朋友都未必開心架！
所以你唔好介意有無朋友陪你過生日，雖然係有少少悶，但真正的朋友會係你低谷個陣出現架！好野要時間浸出感情，總會有鍾意你既朋友🧑🤝🧑不用太擔心
所以依家嘅我都寧願暫時冇朋友，都唔想俾一大堆豬朋狗友圍住😹
生日快樂
咁我祝你下年生日有值得同佢過既人同你慶祝😉
24歲好年輕 識得cut off d 豬朋狗友已經好叻
其實我唔明點解生日一定要慶祝 同埋朋友都唔關佢事，要幫你慶祝有咩意思呢？係生日嗰個開心又唔係人哋有冇咩好處 實話實說要人哋幫你慶祝生日，肯定你有乜嘢可以攞到着數
呢個係純粹本人意見。我覺得你應該討論吓自己。 點解會冇朋友？ 冇親人。 可能你自己本身係有好大問題。 純屬我私人意見。
你生日同我生日好接近吖，我多數都係自己一個過生日.因為唔想被傷害，所以我都唔會主動接觸人.
Same same 因為知道好人真係愈嚟愈少 曾經我都好多朋友，但係好多都真係豬朋狗友，或者就係心地真係好差，見你好過佢呢一係就想攞你着數一係就唔抵得你好妒忌你。
所以我依家擺脫晒所有toxic relationship 希望之後我哋大家都會遇到更多好人好事啦🫂🫶🏻
Hello 生日快樂
生日本來就是屬於你自己的，無需別人來襯托，你可以為自己製造浪漫，你想用咩溫度過生日你自己決定。將焦點放在自己身上，與其向外索取愛，倒不如先好好愛自己來得實在。雖然我不認識你，但我感受到你是一個有思想，有愛，善良的人。另外，你好厲害，你摒棄外界對你的評價，一笑置之。別人無經歷過你的經歷，無資格批評你。加油，活出自己想要嘅模樣。要過怎樣的生活，全憑你自己
24 歲嘅你一定仲有好多好日子過，相信自己一定過得很好
By the way 羨慕你青春無敵，我嘅 24 歲.....
生日快樂，祝福你將來的日子俾愛包圍，一個人都可以很快樂。想唱首生日歌俾你聽💓🎂🥳🎉🎊
補生日快樂 放開睇 人一生兜兜轉轉會出現唔同嘅人唔同嘅時光 雖然一個人會有孤獨感 但總好過同一啲無謂人經歷嘅時間
生日快樂💖祝你新一年越嚟越好，你能夠cut off嗰啲充滿傷害嘅關係，已經非常之叻，以後繼續好好對自己❤️🔥support you!!!
生日快樂❤️
小編唔知你經歷過啲咩，亦唔清楚你經歷緊啲咩
小編唯一知道嘅，就係你好努力咁生活，亦好努力咁愛惜緊自己
雖然依家你可能覺得好孤獨，但係小編深信，你總有一日會搵到一個願意同你同生共死嘅人，去一齊面對世界嘅好與壞
記得唔好放棄相信，生命都有變好嘅可能
希望你願意相信，自己都值得幸福快樂
所以......生日快樂啊❤️
這有點像我，anyway happy birthday bro
生日快樂。過多兩星期到我過一人生日。。我明白你☺️☺️
唔好唔開心🫂你身邊的的確確都有啲咁嘅人
話說我都唔知孤獨咗幾多N年
差唔多成個孤獨列表都試過曬咁滯
一個人去旅行都起碼有廿次以上
一個人去睇戲 一個人去食飯 一個人做手術
其實慣咗就冇乜嘢
都唔知幾多年冇真正有人同我慶祝生日
除咗咁啱嗰年有女朋友之外
或者我個人真係好摺
我又唔係唔識點同人溝通
但就係冇朋友 我都已經唔想再深究呢個原因
生日快樂，人大左，祝福你早日搬出惡人谷，遠離一切toxic的人和事
你呢一刻有情緒係可以既，大叔我都係咁樣，雖然可能係我自己攞嚟，但係生日會變得咁唔重要，係需要時間去慢慢沖淡。趁你重有感覺，你值得去搵人戥你開心，恭喜你能夠得到人既祝福，同時俾你見到現世人既各種狀態。但係我唔興同人講生日快樂，因為只係一句隨口既說話，希望你一個人都可以過得好，始終自己一個真係唔易行。
在心中啦，多謝你呀！你已經好過上面嗰條廢佬好多😭 佢又冇禮貌又扮好心咁樣，明明就係企喺度德高地度話我 你都要過得好哦！
Happy birthday from陌生人!!!!
祝你大一歲開開心心 健健康康🫶🏻
認識過啲衰人，慢慢就會識得分辨，咁下次遇到好人嘅時候，就會知道。
最緊要自己覺得自己有價值，值得被關心，被愛錫。要相信自己是值得被愛，咁關心你嘅人就會出現。如果連自己都睇低自己，覺得自己唔值得被好好對待，咁就算遇到好人，自己都唔敢靠近。
生日除左係紀念出生嘅一日，仲係紀念每一年嘅成長，無論今年你幾咁困難，遇到嘅人同事有幾咁差，你都一一撐過去喇，你好叻，真係值得好好獎勵同愛自己。你經歷過嘅嘢，會令你有成長，俾啲信心同希望，相信自己總會遇上好人。