今年係正式開始計劃嘅第一年
我要用藝術去脫離打工仔身份
24歲
無藝術學歷、冇乜人脈、冇家底
講出去嘅時候已經聽到有人話我不切實際、當興趣好啦
「做藝術即係乞食」 - 迷惘嘅我信以為真，所以中學同大學都冇揀到讀art，選擇安穩嘅生活
但而家大學畢業做咗2年半office 有埋AI出現 我反而更加迷惘
其實藝術嘅範疇好廣，機會同以前完全唔同
究竟藝術係咪真係得有錢人先做到？我諗如果我唔試一次真係唔會心息
我鍾意畫 有得畫畫就會開心
想用呢個熱誠去換返我嘅自由
今年目標：
- 而家冇辦法即時脫離全職，所以全職+pt教畫儲住錢先，剩低嘅時間會用嚟畫多啲作品：繼續幫人畫畫設計，同開始畫新嘅系列
- 希望轉行做到畫廊admin/策展assistant，拓展人脈
🌟成個目標5年完成🌟
如果大家有更好嘅建議歡迎cm話我知，萬分感激！
*特別鳴謝一班支持我嘅朋友，我會好好記住❣️
撳入IG睇咗樓主啲作品，同藝術大纜都扯唔埋，只可以話係勉強識畫畫嘅人，香港地才華橫溢嘅人大把，勸樓主冷靜思考吓自己整做緊咩，就算俾你好有才華做到全職藝術家都唔代表自由，香港藝術市場就係一個商品化市場，樓主想像得呢個世界太美好
做畫廊打工唔使識畫畫，返而你識左畫畫走去撈畫廊會愈做愈心噏。 最好做啲大纜都扯唔埋嘅範圍工作，夠食夠住就ok，最好係準時收工就拜拜嘅打工job。其餘留返來做畫畫創作。
唔好諗藝術係美好係治癒，總之畫面夠搶眼好睇搞掂左先再諗其他。
老實講，樓主嘅畫功需要努力再多好多先得。但唔好太過鑽牛角尖入畫藝或者「似唔似」上面，但畫面要好睇。
你講得啱 呢點我真係冇諗過🥲我而家呢份full time就係chur到死 希望搵到份可以準時收工嘅工🥺
多謝你嘅建議🫶🏻✨
小弟為設計人，對藝術只懂皮毛，但如樓上其他人留言，師兄對藝術有啲誤解。如果只講畫工，有套紀錄片係講內地畫畫工廠人員，佢地可以模仿到名畫真跡的畫工，都係搵雞水咁多，然後受訪者受節目組邀請去巴黎見到自己啲畫原來只係賣咁嘅價錢，再去到博物館睇真跡，佢先至開始知咩叫真正嘅藝術。我唔記得套紀錄片叫咩名，但真心試下搵黎睇睇，會獲益良多。
(自high mode)對我黎講藝術背後係一堆哲學，一堆人生哲理，畫畫呢個動作只係一個媒介，將你嘅哲學形象化比觀眾，所以先點解會有行為藝術、多媒體藝術存在。如果真係想搞藝術，多思考呢個世界唔同嘅價值觀，唔同嘅角度，唔同既睇法，形成屬於自己嘅哲學，然後問下自己有冇將自己嘅哲學堅持到底，同埋大聲講比所有人嘅決心，再加上不斷研究用咩技術最有效形象化出黎（畫畫只係其中一個方法），咁先至係藝術
多謝師兄🫶🏻啱啱搵完套紀錄片叫中國梵高🙏🏻
所以而家呢個階段都想搵下自己嘅風格
操畫工係想更加準確咁表達我想表達嘅嘢
藝術同哲學我了解得太淺，確實係要諗深好多
多謝賜教🙌🏻
師兄勁嘢咁都搵到，一講個名就記得返🤣
唔講加油了，要有被人笑嘅決心去做藝術先係好藝術 （梵高就係其中一個例子）
係香港非讀藝術出身但投身做藝術界，有位叫「含蓄」嘅藝術家係一個好好的例子
唔講太多，發現自己已經開始不斷只想講自己嘅嘢🙈
被人笑嘅決心呢句好啱我呢啲玻璃心人士🥹多謝你🫶🏻
如果你想講嘅 我隨時洗耳恭聽🤣🙌🏻
親.....做gallery admin 同curatorial assistant ，都仲係打工呀：0）
賣畫維生要100%努力+100%運氣，唔容易但祝你成功。
利申：藝術行政番工狗
以藝術維生有100萬種方式，畫廊、策展，教畫，插畫，遊戲美術，漫畫…etc ，淨係書籍插畫都可以分到十幾廿個category
建議樓主了解多d藝術相關職業有咩可能性，再決定自己適合或想做咩方向🙌🏼
我覺得你光影用色筆觸都唔錯，只係缺乏鮮明嘅風格（線條慣性、用色同character嘅form有冇獨特性），風格呢樣嘢畫得多同睇得多（睇多啲外國嘅artist同design）會慢慢形成，創作要有記憶點個人風格同內容好重要，好似有啲創作者會用插畫或角色講故事/分享資訊/提供情緒價值，見你都有畫一啲街境，下次試吓分享多啲喺街到即時畫sketch嘅過程同你對於呢種創作模式嘅睇法/對於畫緊嘅事物嘅感受嚟enrich個content，你嘅筆觸同光影處理有啲朦朧，幾適合提供情緒價值同治癒嘅方向嚟做content，可以挑戰畫一百幅街景有同一隻治癒系角色（貓狗兔植物之類萌系）在不同街景裡。每個人起點唔一樣，但能夠繼續留喺行業最重要嘅係努力同堅持，同埋係起步嘅階段可以諗同你受眾互動嘅創作模式/產生共鳴嘅內容，實力需要時間慢慢進步，另一部分用創意去諗未有人做嘅內容，做好自己嘅marketing可以事半功倍，靠畫畫創業有好多種，gallery賣畫/市集或網上客製畫/教畫/出周邊產品/character licensing，一開始由做好咗適合你個人嘅網上內容同營銷方法，達到一定目標再諗需要成本做嘅下一步，加油👏
Baby 可以識下你
但我都會講一些現實野你聽
你願意理解嗎 ？
講真 你啲作品好大陣AI味 另外線條同用色都搞唔掂 一句講晒就係level唔夠
我都認同，所以呢年都真係要進修下我啲畫技🥹🙏🏻多謝你🫶🏻
真 我都係惡補下我啲畫技先🥲 thank u✨🫶🏻
佢地日操夜操 考試機器 畫到要幾似有幾似、色彩用到爐火純青，都會比人刷落黎🫣仲未計有錢個班一早係外國搭通天地線純粹要為出名做名氣啊
我覺得你畫得好好，已經聞得出你自己嘅style, 已經冇咩好挑剔，技術差啲冇咩大礙，繼續做就越嚟越成形，最緊要keep住。
對我嚟講，同埋對好多人嚟講熱誠先係最緊要嘅才華。
多謝你😭✨老土啲講我都覺得堅持最重要 會繼續努力🙌🏻
有志者事竟成，加油！
不過如果要用藝術搞錢，其實去到最尾係一場商業交易，為錢而畫未必會畫得開心。
要揾到(自已畫得開心) 同(如何賺錢)之間的平衡點，才可以繼續下去....
唔理其他人講咩都好，您自己的人生只有自己能決定！不論結局如何，都不做令自己後悔的決定！ 加油！
畫廊admin同策展assistant 如果你無概念,你可以搵藝術行政或文化研究相關的課程了解下先,因為都係專業,都唔少野學+唔係純art路線。
以我目前睇你的理解,應該多少同你想像有出入,我本身傾向fine art and art education, culture 畢業果有因為生計想搵藝術行政(我仲要策過展),都有比同學話過話不如你做返artist,你無必要過來揾飯食。靈魂敲問到我都知,其實嗰邊嗰條路都唔係我想嘅路。
關於拓展人脈唔係唔得,但佢本身已經係一個圈子,你一係就有背景,一係要好早已經行內。前面有人提到100%努力+運氣,我補充一句你仲要識人有方法先可以生存到。
建議多了解少少再探索下自己條路。
多謝你，確實我對藝術行政真係完全唔了解😭我要上網了解多啲先🙏🏻thank u
呢條路唔易行，好睇際遇，不過堅持落去，遇到伯樂嘅機率又會高啲，加油
畫功有待加強😂利申CE AL VA A最後都唔夠膽踏足藝術界 太辛苦 但禾g chi u😁
畫人的部分要再練習一下
骨的位置不對
多睇展覽多讀歷史 再睇藝術 會好啲 唔洗咁急
其實你有冇諗過?當你脫離現在的工作後做一個全職的畫家其實都係一名打工仔呢?
有冇諗過點解有人會讀藝術
你所講嘅藝術又係咩呢 ？
24歲，大把世界，輕鬆看輕鬆試，大膽試搵適合自己嘅畫風。
睇咗你ig 作品，連基本人象同色系嘅運用都未掌握到，如果用5年時間，嚾你積極練習學習
無技巧無背景無人脈就真係唔好諗….
樓主加油👏
希望你可以好好計劃一下自己的時間表。
每日會做什麼練習？看什麼展？要自學定上堂？達到什麼目標？
因為時間會好易虛度了。
這是大學時老師的教導，對於開始剛從事全職藝術的我，實在獲益良多。
樓主的作品剛看了一下，小小建議：
可以首先睇多啲同練多啲，有好多關於人體結構嘅書/找老師進修一下面部/人像繪畫。
會可以有好多進步。
因為人像同人體結構，
都是好多藝術家認為好難掌握的。
村上隆有好多真實的藝術入行資料，
他的書值得參考。
駐藝術村的小薯路過
樓主如果想用藝術搵食，技術唔係最重要，係你啲作品有冇商業價值，有冇個人風格，多唔多人識你。呢個網絡發達年代，要善用推廣自己。
建議可去Art Centre既Intensive Course挑戰吓，你會搵到更多突破和進步空間，要在藝術圈生存你要繼續努力加油🙏🏻