今日去左文武廟🥲第1次入廟拜神佢比左下下簽我，叫我唔好諗多左佛系搵工同埋襯依家運氣未番黎就去休息下先🥲但...我休息左成個月了

我直頭唔係去問事， 係去求佛菩薩去幫助我，而係文武廟真係幫咗我。個時已經運濟咗年幾，去到一個位我係會去個全黑無開燈既廁所走去反白眼好幾秒。即刻知道唔對道啦，但身邊又無人無資源到底可以點做呢？機緣巧合我去到文武廟，同所有神仙、佛菩薩去品自己嘅時辰八字。當時我觀賞自己住喺邊度，然後我同佢哋講如果有機會，而有福報同緣份嘅話，希望我真係有啲咩問題佢哋可以幫到我。一個幾月之後，我真係遇到高人，無償咁幫助我解決同渡過咗呢個難關。自此之後，我深信鬼神之說，而一直都心存善念，感恩佛菩薩當日幫助我既恩惠。而我亦都會同遇到岩傾既朋友推介文武廟，講述親身發生係我身上既故事😊

會唔會有詳細版本？🙂

我移居日本前喺文武廟求簽，嗰陣只係老公想移居而我就想留香港番工搵錢。見完工後覺得見得唔好，於是直接行去文武廟求事業，連續兩次都下下簽，廟祝見我咁慘，佢送我一條彩帶掛上去神壇，然後第三次求岀中簽，簽文意思話「你番屋企啦！要先顧好屋企，你先會幸福。」
番到屋企就開始籌備申請簽證，不出兩個星期，就批左簽證，於是一路幫老公喺日本做生意，就甘過左7年，今年又批左新簽證。
十分感謝神恩😊
下下簽都係一個啟示，希望大家都搵到自己嘅路🙏

路過，師兄唔好咁擔心住先。我通常都睇下古人係邊個同籤詩對應緊古人既邊個時期既典故。似乎你依家係孔明出山前幾年前既狀態，可能係叫你可以學習下孔明係等到明君賞識之前點做，可能多啲留意依家局勢(當時打仗要知軍閥實力如何)，建立自己既一套見解(小說叫隆中對，其實姐係大局觀&軍事+政治方針)，可以利用係未來既職業發展既路上。如果你係搵繪畫相關既工，可能可以試下研究下依家個市場同未來趨勢係點？

謝謝你🙏籤文都叫我唔好急，慢慢等運番黎就可以，所以我求完都無咁焦慮了
繪畫既工暫時都唔考慮了，都係搵普通文職👍

岩啊，順應天意，慢慢黎就會得到。加油啊師兄💪🏻

基本上入廟拜神，我嘅經驗與其淨係求簽，還不如懺悔己罪、發心積德、感恩神明係你人生冥冥中嘅庇佑、甚至乎祈求神明鞭策教化等等。唔係話人要無欲無求，只係與其單方面去問去求，不如用善業化解一切不順？

好似你依家咁嘅情況，可以試吓有冇咩義工活動又得，平時見到應幫則幫，可能到時候工自己嚟搵你呢😉

雖然唔係專業解籤，但係就咁睇文中所指，似係勸喻喺見工或者send CV嘅時候不妨降低自己嘅要求，唔可以期望太高，有工返就照返住先，到運氣嚟嘅時候自然可以慢慢升上去，不論係人工定係職位
利申，解籤唔係專業，純粹個人嘅理解🤭

我問移民後事業
都係下下簽 係元清閣
我唔信 落地後搵工 對手太強 見左一份見唔成就放棄
因另一半搵到工
就咁過左幾年 都係家庭主婦
仲生多左個湊3件
有時 停落黎 轉個念 未必唔好

好彩見唔成 見得成 家庭冇咁和諧

恭喜你揀岩左適合既道路👍我依家都隨緣，唔得就搵下pt

有時命運唔到我地諗咁多
大環境唔到我地控制
其實都唔係我揀…我都唔信自己會搵唔到工
不過 命運係咁安排

雖然係下下簽 但我都有努力下
初初都兩手準備 決定左移民
自己唔得 都仲有另一半 起碼有plan B 都繼續去
到真係不似預期轉下諗法 發掘另一條路

難行既路 用另一種玩法
信自己有能力 可以原本唔好都變好呢

文武廟真係好堅…
有次有對外國夫婦去求，求咗唔係幾好，大約係話兩公婆要分開
出到廟，個老婆話今次嚟香港旅行就係想睇下有冇得救呢個婚姻，點知有神答咗佢
之後成個旅程勁尷尬….
無咩事唔好亂問…

我會咁理解下下簽，就好似搭飛機機師話前方有氣流請各位乘客扣好安全帶，係chok d 有啲唔舒服無得離開位，但都係會過去的，繼續好好食飯運動瞓覺，運氣真係可以養返黎㗎，祝福你越黎越好🍀🍀

謝謝祝福🥹🙏個籤都有叫我等運番黎，都係正面既建議

我求到中平籤，話我今年春天好黑仔，但去到秋天會有轉機
勁準，我馬年開始真係黑到仆街😂 每個月都受傷，有兩次仲要去醫院🥲
希望去到秋天真係會開始行運

哇你咁黑仔🙏希望你秋天行大運

見到「諸葛孔明」典故同籤詩最後一句「百歲歲安閒得幾年」就覺得支籤唔係咁差（擺咗去Claude解籤詩）
🫂不過可以理解安定唔到落嚟嗰種不安，辛苦啦

謝謝🥹🥹

我問工作人員，點樣求籤（咁大個人未求過籤）
佢有教我成個流程，不過最後同我講，唔好亂咁求啦⋯求得好就開心，求得唔好就會記成世🥹🥹

其實都係求神比個答案或者建議你，又唔需要求得唔好記成世唔開心既🤔我日本次次求籤都係凶🤣叫我睇實個銀包咁我咪聽話睇實銀包

間間公司都cut budget😮‍💨🙂‍↔️ offer 都未必符合～將就自己學歷經驗，對career path幫助不大呢🥹 不過好明白，每月穩定收入係安心得多

真，仲要好多係假招聘🙂‍↔️

我而家善用待業嘅身份，報多d 進修course🤣 呢d 呃唔到我

根據我求籤多年經驗~
上中下籤都唔緊要
籤文先係重點
個天都想你唔好太擔憂，或者可以利用難得空閒嘅時間去relax下~
一切隨緣~~

收到~謝謝👍

我都係呀，我求完之後佢叫我返去讀書，但係我啱啱收到我想做嗰份工嘅Offer我都唔知點決定好🤯🤯🤯🤣

笑左，咁係咪要問多次點選擇好🤣🤣🤣

佢意思即係叫你，經濟唔許可嘅話求其做住part-time先，經濟許可就休息吓放鬆吓個人，去學吓其他有用嘅嘢

姐姐休息左差唔多半年
成個月仲係好短
唔好太緊張
做下兼職或者其他一路想做但未做嘅野 享受下生活先

時機未成熟。
一世人流流長，有排你做，休一個月唔多，趁有時間做啲一直想做既嘢啦。

好的🙏呢個月都有去旅行出街周圍見識下咁

我失業咗幾年都已經冇揾工好耐，近排send cv試下揾part time工做，碰一碰運氣啦！😮‍💨

有時下下籤唔一定真係下下的 🫂 
你上網睇佢解釋，講講吓你會發覺唔一定咁差！ 

謝謝🥹有即刻去解籤～

簽文的確叫你唔好咁大想頭
亦都唔好覺得自己而家嘅情況好差

你應該保持心境平和先

好的🙏

希望你享受呢個短假期，然後搵到一份筍工👍
想話文武廟啲簽易睇易明，呢樣好貼心

「休息」可以係叫你去學下野，增值下自己咁解，唔好比搵工呢樣野比太大壓力自己

收到🫡

依家時候既工，都幾多係豬頭骨。
休息左半年見一份就請左，份工未到姐，繼續抖

吾應該求籖下下都依賴呢D,求完都係自我安慰，吾好太迷信
我都係拜完就算

我都係第一次去廟拜神🫡其實幾有趣，有d似日本去神社

都係不過一入去就想走😂主要太大煙隻眼吾舒服

煙味還好，因為個職員會勁快收走d香😂😂我插完香1分鐘都無轉個頭已經見佢拎住一大堆香整熄掉落垃圾桶

讀緊書未做野 但想鋪定路搵定機遇
想知學業同準備第日求職求唔求得

我覺得你可以問左學業先🤔不過見到有人可以問兩條問題求兩次籤既，只係我覺得專注問一樣野會無咁亂

Gemini 就咁解～ 其實唔係搵唔到，但係同你想搵嘅可能爭少少距離～

所以無咩唔好求簽， 你係心煩至求， 但求左仲煩
拜下神就算啦

早2日去求轉工，中吉，內容大意叫我做想做既野，唔好睇錢🥲

下下簽唔代表唔好架喎 但簽文有叫你唔好聽 同 諗太多其他野

都幾正面既建議，所以我依家唔諗太多了，隨緣👌

我試過4年去黃大仙求籤，同一個問題，4支唔同的下簽

都叫你盡量休息
先得個一個月就「休息左成個月了」

咪一樣係一個月😂對我無停過番工既人黎講都好長了，但無人打黎就係無，隨緣

這個簽表示妳要好好裝備自己，不要一昧只係搵工。

下下簽未必唔好嘅，話你有𨍭機，有另一條出路

揾工唔好揾死同一個工種，出面大把工都請人，

求籤好似係睇過籤文大過支簽上,中定係下

佢講既野都幾正面既建議，雖然第1次求就下下籤係衝擊左

下下籤未必唔好，可以係一種啟示同警告
同樣道理，上上籤都未必係好
所以睇籤文係好重要

利申：成日係黃大仙求到下下籤既人

未搵到full time可以嚟酒店炒散賺啲外快先！

先搵part-time做啦，收銀保安都七舊水一日。

下下簽係比你警惕防範，唔一定唔好

你往後好忙，趁機好好休養生息

好的會休養下🫡只係本人太黎生，無番一個月工就周身唔聚財

其實黃大仙求準啲定文武廟？

求職應該都係文武廟好d，我覺得文武廟答到你心中既問題。聽聞黃大仙無左主神係到