今日去拜山，咁啱遇着「墳場老鼠」。

事源拜拜下聽到好嘈，有個負責人同一個清潔姐姐捉住咗一個中年阿嬋樣嘅女人，話唔俾佢走。
聽左一輪，大概就係個女人係咁拎人哋拜完之後放喺度嘅生果🍎，用一個環保袋裝住咗一大袋。係當場斷正嗰隻。

負責人就話：你呢個行為其實係盜竊。
女人：我唔知㗎，諗住唔好嘥㗎咋。我第一次嚟。
清潔姐姐：我跟咗你尾好耐，影晒相。睇你咁熟手一定唔係第一次。
然後聽到另一個清潔姐姐就話，墳場唔見野，成日都入晒清潔姐姐數，都賠咗幾次。

最後嗰負責人請示咗個上司放過咗佢。

首先要讚吓個清潔姐姐真係好醒好叻，識得唔打草驚蛇影埋相有證據斷正。

唔知佢拎返去係自己食/送比人/賣返出去。
環保歸環保，偷嘢還偷野。都唔應該係咁做🙂‍↔️

「墳場唔見野，成日都入晒清潔姐姐數，都賠咗幾次」
為甚麼上司可以放人走？
那清潔姐姐賠的錢算甚麼？
當然報警啊！

之前有個大學講師，攞路祭啲芽菜豆腐飯。而家又有誰家墳頭無生果。點解香港人會搞到咁？

依d 報驚都無用 “驚慌”黎到都係放生

我見過最後係清晨姐姐食返!

拜完之後自己執返啲祭品啦
食物係畀人食嘅，一係就畀真.老鼠食
唔係畀鬼食嘅

🥶見過啲片啲人係大陸拎完啲祭品
搵啲透明盒pack六至八件一盒咁賣返出去

墳場老鼠好耐之前已經有 係以前仲恐怖試過係漁民墳場 整爛人地個墳 之後叫人比錢整都有

更恐怖既我都聽過, 大馬有墳場老鼠老笠咗人地先人既骨灰去勒索, 後人搵私家偵探同黑社會扮俾錢, 刮到班仆街出嚟, 當住先人骨灰面前燒到佢地變灰

預咗俾露宿者食埋，有時重得滯唔想帶返落去。

偷咗邊個嘅，當事"人"會做野咖啦~

呢個故事最仆街嘅係墳場負責機構。

想知邊個墳場

平心而論
啲祭品我唔會拎走
清潔姐姐拎去好過當垃圾
問題係，如果注香都未燒完就納走
畀我都嬲

這不能說 “偷” 吧？
如果說成 “撿” 比較恰當。
反正那些後人祭拜了，如果沒有打算要拿回家去吃的話，任置在哪裏也是會腐爛曬乾，引來野狗氾濫環境污染。
有些人若不是處於貧窮的境地，也不會去撿這些祭品拿回去吃吧？當作是為先人，為自己和後代積點福不好嗎？

偷完唔覺佢會食，覺得佢會拎去擺地攤賣比人。始終會有人買貴野比先人。

https://www.facebook.com/share/1DajU47asA/?mibextid=wwXIfr

上左am730

其實呢啲報警都好難入到？
好難搵返受害人出嚟

一直以為啲先人食完再俾啲浪浪食，估唔到有人偷.

呢啲報警警察實做嘅
不過為咗個蘋果就好無謂
就算官判刑都係好輕
呢啲人自然會有先人問佢追返個蘋果架啦

我真係想知道佢食完係咪咩事都冇🤔

邊個場？等我地可以小心啲，樓主功德無量！

係咪又喺中大李教授啊？

點樣處置呢個賊未必最緊要
但點解之前可以叫清潔姐姐賠錢？無證無據
賠錢比邊個？可以報警或勞工處嗎？

香港基層真係慘，成日比人屈🥲

好多呢D人,借花敬佛,執野唔係自己要,係比其他人,以前做超市見唔少,等人以為佢係善心人

昨日去拜山, 見到有個宣傳海報, 叫人將所有祭品拜祭後全部拎走

話說前年我去鑽石山火葬場骨樓拜先人， 因得我一個去拜祭， 好多時要去燒嘢人就要行開行埋嘅話咁啲製品就擺咗喺張枱度（骨樓有提供矮枱仔）， 當我燒晒所有製品準備走嘅時候， 洗完手返轉頭， 見到我比先人嘅兩個麵包同埋生果（共三個）， 淨係得返一個生果喺枱面， 喺我附近其實有個男清潔人員喺度， 極度懷疑係佢攞走， 因為見佢已經成日留意住我枱面上嘅嘢， 同埋佢見住我一個去拜祭， 而我附近當時係冇人嘅！
不過佢精我都唔笨， 我啲麵包係早兩日前已經買定， 啲生果喺屋企拜祭祖先，純粹攞埋去墳場拜祭屋企人， 所以啲生果都係唔係新鮮嘅， 我亦都預咗係會掉嘅， 不過都唔好咁明目張膽， 拜祭嘅人未走就走去攞祭品⋯⋯