今日去澳門玩，同的士司機吹開水，佢話原來澳門樓一房一廳，只係租金$200 。
佢講，澳門有俾失業人士一個特別的租屋優惠，一些政府的居屋，一房一廳，大概月租只需$100到$200，但當然只係比失業人士。
咁如果在職人士呢？佢哋仍然可以租到政府房屋，但係隨着收入增加，租金同樣都會有所調整。
由港珠澳口岸出市區，有一排新起的樓，我問司機，乜嘢樓嚟？佢就話係居屋，價錢係私樓市價三份一左右，大概兩千蚊一尺。
跟住佢就話，但係呢啲樓你買咗，冇得賣去私人市場，只能賣返比政府，確保房住不炒，穩定供應。
好多人仲以為澳門人，每年收$10000，做順民，on99咁。原來人哋係有個好政府，每年派錢，又積極解決房屋問題，人哋睇返你香港樓價同埋居住面積，原來你哋先係on99嗰個…
直頭on9啦 佢地都有呢啲房屋政策 公屋居屋 但佢唔覺得香港好政府 反而黎代表我地澳門
澳門好多政策都係照抄香港，佢覺得香港政策唔好，照抄個位就話人好，啫係佢根本都唔瞭解港澳政策，人鳩吹就信，無腦係唔分地區
係呀，社屋基本上免租，過到資產審查先講嘢啦
好啦咁我申請經屋啦，我所有資格都符合，兩公婆(冇小朋友)想排2房單位？唔好意思係冇可能 因為大部分單位都係1房。
好啦咁我買咗1房先，遲啲生小朋友先再換單位啦。唔好意思都係唔得，層樓綁你16年
呀唔記得同你講 讀完書出嚟好彩搵到嘢做就好申請定個1房單位喇 因為排到你嘅時候應該大約30歲左右。記得期間唔好結婚生仔喎
不過如果你係新移民 拖多一兩個老弱傷殘咁一齊申請 咁你贏 你想要3房都得 你係澳門嘅vip
大家咁話,新移民只要有細路好快上樓,而且人哋隨時喺鄉下大把貨
排到你傻都未上到樓，查好多嘢呀，通常上樓都係年紀大或者殘疾人士，人哋講嘅嘢你都信？我哋物價幾貴你知唔知🤔下次過嚟記得去紅街市行吓，或者去超市睇吓，人哋講嘅嘢你唔好信，某方面係好，但係好係咪水準之中嘅好，總言之一言難盡😮💨
的士佬又無講錯，澳門的確有呢d福利
澳門人申請唔到咁解姐
新移民係澳門無收入米申請到囉
澳門人表示 如果真係有咁好
我即刻回去躺平
仲有 政府樓都未輪到我等底層去平輪到
好多澳門人衝出嚟柒😂
1. 200蚊有得租下面有人答咗唔補充喇。
2. 在職人士想同政府租樓（社屋）係可以嘅，只不過租金好貴，同私人市場租樓差唔多，甚至比私人市場貴。
3. 港珠澳出市區新起嘅樓（A區）澳門應該叫經屋（當然有部分係社屋），呎價應該係3300。2000 v.s. 3300當然係錯嘅，但都顯著低於私樓價格。
4. 澳門政府好過香港政府，呢個論述涉嫌違反囯安法，本人爱囯爱沃絕不同意。在一國兩制下的沃門和香港，行政當局都是為人民伏務的
麻煩同胞們研究吓澳門香港嘅收入中位數同埋兩地嘅經屋/居屋政策先再出嚟講嘢🙏🙏咪撚衝出嚟柒。
你最好有方法block 哂澳門IP, 唔係假野比澳門人知，香港人咁岩唔識AI 唔查信你
社屋當然有部分咁平，問題你申請到嗎？唔係一失業就派俾你。
這政策幾好，好多人失業好徬徨又交唔起租金，如果失業可以幾百元暫住可以減輕好大負擔
我上次澳門坐的士。澳門司機介紹呢度係澳門政府屋，類似公屋。佢話但唔多人租，因為大家會嫌棄太細，但都有4-500尺😅
Yes 400-500 尺for 1人住 正常三人要800尺先夠鬆動
派錢、派消費券只是治標不治本⁉️🇭🇰🇲🇴從香港不派錢、不派消費券看澳門，為何二十萬澳門居民「放棄」每年一萬元⁉️ 《港澳大不同》 第05集
https://youtu.be/4ug4iVi8kgA
你地咪一樣有社屋，輪唔輪到你地申請先😂澳門人咪同理
司機玩9你咋😂港珠澳d樓2房160萬，對面岸舊樓200幾萬，點3分之一
我呀媽同呀爸老人家住社屋就試過免費，是住左幾十年，兩個都無收入來源，但鄰居品流復雜，好多罪案發生。
我曾住過澳門，D醫療完全五掂的，五好同香港比，只看冰山一角！D年輕人大學生大量失業，因為好多外勞及專才！
嗰啲叫社屋，計平均收入及人頭計分，水電石油氣都特別平，簡單講係窮，會保持一般生活質素。如果夠60歲，真係退休政府養，醫療福利都好好，澳門唔會有人籌錢醫癌症。