今晚有段好搞笑嘅奇遇😂
收工返到屋見到門口地下有袋foodpanda外賣
袋上面又冇單 打開嚟睇發現係兩支酒
喺門口等咗一陣都唔見有人嚟我就拎咗入屋
諗住影相比foodpanda同佢哋講送錯地址
跟住諗住send嗰陣就有個男仔走嚟我門口
同我講話佢喺隔籬樓同一層同一室 foodpanda送錯咗😣
我就同佢講返我啱啱想send比foodpanda你就嚟咗😂
係咁同我講唔好意思 唔該曬～
最巧合嘅係我屋有一支未飲完清酒係同佢嗌一模一樣！！（3粒米清酒）
一度以為有frd知我鍾意飲靜靜雞送比我 siu4😂
漏咗同個ching講 你哋好識飲 嗌3粒米😋

其實呢類情況要小心，怕係啲人想試探你是一人住還是同屋企人住，真的要小心啊

知道🙏🏻🙏🏻

我覺得三粒米麻麻哋

我地唔少客人唔鍾意三粒🤣

Pandamart 都幾多酒揀, 復活節都叫左幾支返屋企同朋友聚聚

三粒米真係好飲嘅👍🏻

請問，”個ching “係咩意思？

最初係C Hing→師兄, 而家一般寫ching

明白😄😄

對方真係好彩！如果你唔開門佢就蝕！多得你心地好🤣

好小事姐🤣比返人哋好正常

因為pandamart 買得落手就係得三粒米

原來係咁！我冇喺pandamart買過所以零知🤣

我都收過啦掛喺門口成大袋食物
但係係半夜十二點幾返屋企先見到
問管理處佢話好似四五點送嚟
管理處就同送foodpanda嚟嗰個人講話我冇訂外賣
但係佢照成一大袋袋食物掛喺我門口 又有飲品又有食品
最搞笑係7仔熱狗呀跟住仲有啲唔知咩我都唔記得喇
我成袋抌咗喺垃圾房

個袋有單嘅
7仔啲單嘅
應該有落單人資料
應該冇電話嘅
但我唔理啦半夜十二點幾
抌咗垃圾房算啦

咁啱個外賣袋冇單？
住隔離樓可以走過黎你幢樓？
仲自出自入冇看更？
又咁啱「部」到你入屋，跟手有個男仔走黎同你講「送錯貨」？
樣樣野咁巧合，你又咁心地善良真係當呢d 係奇遇？
樓主真係小心d 呢d 可能係踩線wor