以前啲戲好睇，因為真係亂嚟。畀在而家想拍呢幾個鏡頭，淨係要日景拍個尖沙咀地鐵站出入口，你都有排煩，煩完一輪之後都係做唔撚到。

省港奇兵喎，接近成套都係街頭Roll 機就拍，唔封街、所有路人照入鏡、上車落車位冇視交通工具照去⋯⋯

真係CLS，但係對呢種CLS的包容，而家邊有可能。隨便有個路人入咗鏡已經「小」到你要停機收工。

小範圍一個半個搏懵嘅嘢，都仲會發生嘅，但好似以前呢種大規模亂嚟，而家根本唔可能，亦都唔應該咁做，但係換嚟嘅就係而家拍出嚟啲鏡頭冇乜膽色、唔夠力水、唔夠真實，冇咁好睇囉。而家要做到呢啲效果，金錢同時間成本太高了，導演講人個idea出嚟都俾crew。

力水=要錢去做既。

以你上述片段，俾你封到街，全部請臨記，剩係飯盒錢都搞唔掂啦

都唔使講到封街，淨係同地鐵傾，日頭俾個真嘅地鐵站出入口你拍動作戲，應該由籌備開始傾到煞科都未撚傾完。

所以《掃毒2》咪直接重建一個中環地鐵站去拍，剩係個景都過千萬。

所有嘢都係錢，而錢亦都係呢一刻香港電影最欠缺的。