仲有3日就考中文，但我已經決定咗要中文攞U，曾經喺2019年欺凌我嘅中文老師令我徹底把中文成為最敵對嘅一科。而家嘅我雖然係「擺爛」同「躺平」，而且係Band 3C中學，但我已經對現實嘅殘酷冇乜感覺。只希望數學有4同物理有3。我只會選擇我想選擇嘅路，冇人可以阻止我。

明白你以前因爲個老師而好唔開心。
不過敵對呢一科係會影響你之後行嘅路就算唔打算入大學
好多工中英文合格都係最低要求

睇到你唔係完全唔打算考DSE
仍然會去俾心機考埋數學同物理
即係唔係讀唔到書
唔好用自己前途去對抗
就算拎左U , 都唔會令你開心返
對個老師都冇損失

我中四有個chem老師由brand 3學校轉左過黎教女校，仲要做埋班主任
佢嘅當眾鬧同誣蔑我， 我被佢鬧到喊都話我係扮野， 話我做俾同學睇，等其他人唔鍾意佢 （仲要其實我係乖乖女個批…. 只係手字真係寫得唔靚， 佢要求上堂跟足佢黑板啲notes 抄）
佢都令我驚左呢科， 不過我都會去考埋佢
考好個試係學生個責任
我最多以後繼續讀書就唔再揀Chem
其實都令我可以選擇嘅職業少左架
諗返起 ， 為左呢個人影響自己未來抵唔抵

不過你中文呢科影響真係好大
我鄧你唔抵咋🥹
乖， 好好地考 ，起碼考返個合格返黎

在這個年紀被某些無良的老師欺凌，導致自身對相應科目升起仇怨不滿，進而自身放棄學習該門科目——這種心態很合理和正常，沒有人能責怪你在這科目「擺爛」

但，我不知道你對未來的規劃如何，你只是想拿math lv4 來證明自己有能力讀書，卻被人迫害？還是其他理由？可能你對未來沒有想法，不知道自己歸屬何處，沒有想法。如果你其實想讀書，想考入大學，想盡力擺脫這不如意，令人痛苦的生活，我還是建議你在將到的考試做好你能做到的，拿lv2，讓自己在數學科的付出不白費。始終，因為過往的傷害，而損害自己的未來並不是件好事。不過，若你真的下定決心，選擇「擺爛」，便做你想做的事吧！

梗係要叻畀佢睇啦！！
我小學個時都遇到幾個pk老師，例如會當住全班面掉我書包落垃圾桶再罰我係垃圾桶隔離企，話我要去返我應該去嘅地方，仲話我呢啲人中三未讀完已經畀學校趕出嚟。
我升中時都好頹，信左啲pk老師，覺得自己冇用，考分班試亂填，但好彩中學遇到好老師，之後一路讀上去，考埋獎學金讀碩士。
而家班pk都退哂休，我記得十幾年前撞到其中一個，佢已經唔認得我，但我衝上去講，真係多謝你當年對我咁，如果唔係你，可能我都冇今日。然後佢黑面唔出聲，我笑得好燦爛咁樣同佢講88~
作為過來人，我可以好肯定咁樣同你講，活得自信、精彩先係最好嘅報復方式！

N年前考A level, UE writing mock前我好神心咁作文比英文miss, 但佢因為我冇用佢好想我哋同學個個都用佢教嘅Pattern落去，結果佢夾硬黎比左個D我。人生第一次writing拎D, 仲要係mock前，如果心臟唔夠強大就俾佢打擊到。之所以我唔用唔係因為我唔識/為反而反，而係我有自己judgement, 我知我想用咩野；而到左考mock（隔離班miss改）同真正考UE writing, 我都係拎A。到拎成績表時佢行埋嚟同我握手扮fd，我完全冇理過佢。呢啲咁鍾意打擊人嘅人，你正正就要用自己嘅方法證明自己可以做到，亦要活得比佢好。同時我亦都係因為呢件事，提醒自己唔好成為自己討厭嘅大人，例如佢咁。

我覺得喺呢度留言嘲諷呢個中學生嘅人，全部都係賤種。

先唔好講佢畀先生針對或者欺凌呢一件事有冇發生過，一個即將要迎接人生一次大事嘅小朋友，講得出一句咁自毀嘅說話，你可以唔安慰佢，但係我諗一個正常有道德嘅人都唔會去踐踏佢。如果佢好似你咁識諗，佢根本唔會咁樣揀。

樓主，你做人係為咗自己，如果一個人傷害你，你應該做嘅係即刻用真正會傷害到佢嘅方法報復，或者即刻離開，而唔係傷害自己。

你先係你宇宙嘅中心，而家收拾心情，集中精神，為自己做到最好，唔係畀人睇你做得幾好，係唔需要去為一件你心目中嘅垃圾浪費精神。

我不知該留言甚麼，只好貼下剛看到的笑話
英國老人在海關翻找護照，動作很慢找了很久，女海關尖酸的問：你來過法國？
英國老頭說：我只來過一次。
女海關更尖酸的問：你來過怎麼不知道提前拿護照？
老頭：我上次來時沒檢查護照。
女海關高聲叫道：不可能！英國佬來法國我們永遠都要檢查護照！
老頭：44年登陸時候，海灘上可一個法國人沒見著...
旁邊德國老頭說：是的，這個我能證明，當時灘頭確實一個法國人都沒有...

你U左

佢只係你中一嘅老師，最後學校百幾個學生只係多你一個衰左，平均分數接近冇影響，全部老師繼續出糧繼續跳point，傷害=0，馬照跑舞照跳，大概1-2個月已經冇人記得你乜水

你就要起碼晒多一年重考，副學士可能要兩年先入得返U，仲要冇保證。其他科有星有5有4都=白考，咁就浪費左自己幾年最寶貴嘅後生人生。

呢啲唔叫復仇，想復仇就考好佢，以後成功左之後返去當面串鳩佢。君子報仇 十年未晚

全對，最好嘅復仇就係考好中文叻俾佢睇，而不是衰俾佢睇吧！？🤔

中文攞U對你老師人生毫無影響
但你U咗科主科，只會為自己人生加咗一個極大嘅難關
1/ 根本上所有升學之路斷哂
2/ 稍為要啲學識嘅工唔會請你，成世只可以做啲勞力為主、比較低層嘅工種
3/ 你會後悔，然後重讀重考，但浪費時間浪費金錢，聽你口吻咁唔成熟，最後應該都會因為各種原因放棄

直接講，你好幼稚，唔好為咗啖氣嚟玩9自己，有咩要做嘅，認認真真考完個試先講

認真讀都好難攞2，我從2015年小一嘅考試到而家從來都冇試過合格，學校Mock試盡咗力都只係32分。

校內成績又唔等於公開試result, 有好多可能㗎，我以前校內試／測驗唔好，但公開考係出乎預期好。你唔好用自己成績玩，老師唔會有任何傷害㗎，仲會笑你on x

Threads 派畀我見到你呢個post, 有緣講兩句
先當你講嘅係真事唔係派膠
你爛grade 係你嘅事, 我唔打算勸你唔好咁做
只係覺得你為咗個nobody 而自殘就戇居咗d
我親戚就算唔鍾意讀書明知零分, 都行入試場撩兩隻字

正如你所講, 呢個世界就係咁殘酷荒謬
唔需要改變世界, 做好自己就夠
反正你唔打算温書, 有時間睇下卡繆嘅<異鄉人>
我覺得佢嘅書會啱你口味
啱睇嘅睇埋佢其他作品

中英數係入大學必需合格嘅主科，其他科就算讀得幾好，如果主科唔合格都會影響你將來入學以及工作路向。
讀書唔係為家人唔係為老師，係為咗裝備自己成就未來，成績好唔代表一定搵到好工，成績唔好就一定連搵到好工嘅競爭力都冇，當你有心儀嘅工作但係人哋首先考慮睇你成績，你就會後悔呢種報復對方唔知唔痛，到頭來 累咗自己一世嘅不知所謂。

咁我可以用過來人經驗同你講，我英文U 左。
就算總分係人地收生分數2.5 倍，指定科目拎B 都好(重要係兩科都B)，中英數呢啲主科真係判死左比唔比你讀，啲學校係跟規則做事，先睇主科，後睇次科，跟住睇分數。
因為肥左科主科，我條路行多左五年以上。
但對於個老師黎講，你啲野關佢L 事咩，佢都係準時出糧。

希望樓主睇到大家留言，唔好擺爛，大家係以現實情況勸你唔值得

語文唔合格，係嚴重影響升學，就算你數學考得好，但語文唔合格，之後都要你重考中文 /強制讀某d課程等於中文合格，其實你只係浪費時間同金錢，行多左冤枉路，而你中文老師根本唔受任何影響，呢個復仇無意義，做唔到你想要既效果

你不如想下我吧？
關我咩事？
係囉，關我咩事？對你我有咩影響？

咁你成績差對嗰渣老師有咩影響？

其實你是拿不到好成續，才揀條容易的路吧。
你攞左A之後，大大聲開咪話你自己靠自修才有A先威。

一條豬狗不如老師能這樣影響你， 之後 路邊有隻老鼠也能影響你。

你？你對你自己賤過隻豬。

少年，要鬥氣就要活得比你好，
咁先係不傷自己之餘又串到佢無聲出。
我中學中史阿sir教過我中文同中史，
日日上堂只識鬧人，佢都睇死我會考升
唔到原校，結果我閉關苦讀，成績出嚟
中文有B，中史有C，
中國文學仲唔覺意攞左A......
佢見到我只有苦笑，因為佢嘅得意門生
入唔番原校......

如果 DSE 科目攞 U（Unclassified，不予評級），係唔會喺證書（Certificate）上面顯示嘅。
考試及評核局

老實講。。我後生有一個睇唔起我既中文呀sir...最後佢好驚訝我係教育局中文科交流會到見面。佢勁老尷🤣🤣
呢個世界。。睇吓邊個笑到最後。。你無須為你呢件中文老師既問題去陪葬。

你唔好同自己鬥氣，當年我都試過喺模擬考試嘅時候，竟然中文科唔合格，當時嘅中文老師大大聲聲鬧我地，我完全覺得匪夷所思，冇可能自己嘅能力會咁差！最後我冇俾呢位老師影響到!因為我知道要堅強，要對自己有信心，唔可以俾人打沉✌🏻
會考最後中文攞B🙏🙏

如你中文老師想摧毀你，你拎U，他就成功了。

如果他真係做過欺凌你既行為，
你應該在一個公開場合，越多其他老師家長同學既情況下。
用最冷靜、最理性態度，簡短有力而情理兼備去勸喻這一位老師改邪歸正。
免得以後有其他學弟妹慘遭毒手。
但認真希望他真的有欺凌過嗎？

作為比學校老師恰9嘅人
我做過嘅報復有：
1. 唔返學校睇dse成績
2. 入asso
3. 入hku
佢哋覺得我不成器 但我要用行動話佢知
我係有能力 係呢間中學唔適合我
換過個環境（=asso）之後可以入u 仲要係hku
如果你想繼續升學 建議中英有2
咁先可以讀asso/hd或者其他院校 繼續升讀

講返件會考年代嘅陳年舊事
當年有個同學好憎個中文老師，於是中文堂永遠唔聽書，功課永遠唔交，測驗考試全部唔合格，完全係對着幹
最後會考中文A
呢啲先係型

人生係你嘅，你想點真係無人可以阻你，
只不過，如果因為人哋嘅錯而令你放棄自己，
真係好可惜

當年呢，我中文老師成日鳩改我啲文
寫得好地能能，都可以比個「丙」我
搞到我炆炆地唔L交佢啲功課

卒之有一日，佢當住全班面前D7我
當眾咒我4A1F，肥中文，冇U讀

到放榜果日，我搭住佢膊頭，拎住呢張野比佢睇
佢好老尷咁騎騎騎笑

P.S. 我擺酒有請佢嚟飲嫁~

師兄，睇得出你好硬頸。得返幾日其實都唔太可能救得返，盡力就好。

想同你講人生好長，你第時會認識更多既人，去唔同既地方，可能下年你就都已經覺得你心中個位教畜係你人生入面無關緊要。諗真d個選擇係為人定為自己。加油🫡

根據你嘅idea，你要真係報到仇，就只有第一年攞U
然後第二年retake 5**(冇SBA影響)，再返中學串佢

但點都要浪費自己人生一年，而且中文U應該咩書都讀唔到

同埋對於一個唔care 你嘅人，你做咩自殘行為佢都係唔會有感覺

你真係咁憎呢個人，你要做既係令你既人生唔再同佢有關係
而唔係俾佢繼續影響你既決定

你u中文呢件事對佢零傷害呢點好多人講左
而我想提一提你語文科考u 唔只影響考大學，你以後搵工都會有影響

建議你再諗諗

令我諗返當年😬唔妥個中史阿sir, 中史讀到一pat屎咁😂真係年少輕狂

千祈唔好咁做，唔好，思考+寫字有2，肯做一兩份past paper再改正，有3，你做多呢少少，係唔會阻止你條路，但係你嘅機會會大好多，真心，我都係應屆，老土都要講，一齊行過去啦

唔值得啊
當年我中學隔離班有隻中文魯屍
hea改我份作文 我於是問佢拎comment想改善
點知佢用極冷門嘅異體字寫咗句嘢串鳩我冇文化😍😍
最後我dse中文作文考得雖然唔算頂尖 但都叫問心無愧

你有冇諗過條濕鳩阿sir根本doesn't fucking care你攞咩grade，佢人工已袋教又教齊，你擺爛躺平對佢冇任何影響，唔係話要幫你選擇你要行嘅路，只係想你選擇啱嘅路同一條將來冇咁辛苦嘅路咋。

人哋可能對過好多個人差，你成績好唔好佢亦都唔在乎
如果真係想落佢面，不如你好好地考，入到鍾意嘅大學、鍾意嘅科，然後對嗰個老師同冇幫過你嘅中學不屑一顧，咁樣唔係仲爽咩？

拎U傷害嘅只有自己 要知道基本大學都要求你中英文有3 中文U就算係asso都唔知入唔入到 只可以選擇基礎文憑 要令佢痛苦應該考慮投訴 再唔係出post唱衰佢 唔好故意拎U啊啊啊啊🥲🥲

回應那個對你不好的老師，最好的方法是盡自己的能力考好這一科，而不是犧牲自己的成績及前途。對於一個不關心你的人來說，你考爛了，他沒有感覺，但後果卻要讓你來承受。

咩logic?😂
你中文老師欺凌你，同你自毀前程，自己欺凌自己有咩關係？
耶穌話人哋打自己塊右面，要俾人打埋左面啫
你係耶穌咩？人哋蝦你，你就順攤地毀滅自己前途🤷‍♂️

唔好攞自己的前途同教畜鬥，佢無痕無痛。最好考到高分la，有機會反小學揾返個位教畜，係多人地方，大大聲講:多謝當年俾你bully, 令我內心更强大，成就今天的我。加油吧！

我以前都好憎我嘅中文老師，但我唔會攞自己成績嚟博，當年中一第一次考試，我嘅中文作文全級第一，望住佢啤住我嘅樣心都舒服晒😃與其攞U不如攞個好成績返嚟威俾佢睇

我希望這不是潮文。

呢科係好典型羅馬不是一天建成嘅科目。但其實不用浪費時間，你想嘅，唔去應考中文科，或者入到去貼完label就走都可以。只係你老師的確很poor guy。

咁你同攞自己嘅錢去掟你嘅仇人有乜分別？你有成績先有機會去上位同變成有權力過佢嘅存在，咁你先有能力覆桌啊。你死咗，你連掂都掂唔到佢，有撚用？佢笑到最後添呀

唔係批評你啲咩，我知道你一直都唔好受
但就算你真係U咗佢都唔會扣人工，根本0損失仲有免費花生食🥲
既然你都決定好，咁不如直接嗰日abs留翻啲時間溫數學同物理好過

為自己的弱點找借口，下次你就會話，就左激死拒絕我的女神，我就同隻豬扒結婚，激死你！完全一撚樣的低能邏輯，相信你幾年後腦荀再發育好d都會後悔今日所講的道理

心態決定境界 當年有個脾氣勁差 日日發癲嘅老師 分享佢平時係突登比U比佢唔鍾意嘅學生 點知佢AL考到A 唔記得係中史定中化定中文 只能夠講 類似故事 完全不同的意義

中文攞U對你攻擊同傷害力大啲⋯
揾工中英文最少要合格先
依啲老師人生唔會再見到佢
唔會因為依啲垃圾係你人生上再加一滴污點
你值得攞到你原有實力嘅成績㗎！

我每次中文作文個老師都係俾唔合格我嘅，到會考嘅時候佢話我一定係u。
但我嘅文學老師和我作文好好叫我俾心機，結果我係攞a㗎。
所以其實真係好多垃圾老師。

中學六年，中文作文一次都冇入過文集，仲成日俾老師話字體醜、錯別字多，唔會攞到靚grade
最後DSE中文作文卷5**
我特登買返份卷返嚟，返中學放喺老師枱頭😉

師主，見你文筆順暢，思路清晰，用詞恰當。估計你正常發揮，中文成績都會唔錯。
正如樓上有位師主講，你攞U對個賤人零傷害，但就浪費咗你一年中文時間。

以前讀英文都遇著個誤人子弟既，格衰都算，仲要唔識教。正一教畜，最慘ce捱過兩年，又係佢教ale，人都崩潰了，但科還是要考的，勉強合格就算，抹一額汗。

話說英國有間pub 叫JD Whetherspoon, 呢個並唔係老闆個名， 而係曾經睇死佢一事無成既老師個名。

你放棄唔會對老師有影響， 你努力成功咗先可以諷刺佢。

2019年欺凌你既老師係不對的
但中文科個科目本身無得罪你
而其他中文老師本身
亦無對你做過任何事既話
我覺得你要考好個DSE佢
為自己將來好好想一想

梗係拎個靚成績再大大聲講靠自己同個教畜無關啦，你U佢仲開心啊
畢咗業咪寫投訴信再搞鳩佢，大把時間同佢玩（再安全啲就拎到學位開學先再報仇

客觀上，中文合格係基本要求。
實際上，中文肥咗點樣升學，點樣
求職呀？
事實上，冇心機學唔學賴咗老師。
正如你話，想，冇人可以阻止你。