📌 借post 警世文
共 42 條紀錄
借post
警世文
男人千萬唔好結婚 特別同啲搵得多過自己嘅女人
我結婚第10年 已經好後悔
明明拍拖個陣佢好善解人意 乜都AA
個陣覺得自己搵到個可以一齊行落去嘅女人
一切去到結婚個陣都嚟了
我就主張唔搞馬騮戲 又嘥錢又嘥心力
但對方話一世人一次
得！搞！
點知啲咩過大禮 禮金8萬8 乜77就嚟
最後嘈咗好耐
我只係出場地錢 其他乜師乜師我一切唔俾
以為大龍鳳完就完 你太天真
之後就係為住屋問題嘈
我原意佢搬嚟我屋企住
因為佢同我屋企人關係好好
我阿爸阿媽都好鍾意佢
點知佢死都唔肯
最終佢自己買樓 我已經同佢講係香港地買樓係世紀大笨7
我點都唔會供唔會落搭
再嚟就係相見好同住難
成日話我唔幫手做家務
屌 個個翻完工都攰 邊會有人想收工仲做家務
佢話請工人 （以前係有請 但疫情個陣我無得撈 無錢 所以無再請
我一個男人有幾多嘢 乜一，兩件衫 ，一，兩隻碗 我就覺得可以唔洗請
之後再嚟就有咗件化骨龍
佢乜都要用最好 咁當然貴 一早講唔聽 我細個咪又係老豆老母窮養
話要買車 方便細路出入 我拒絕落搭
最後佢又自己買咗
再嚟就係惡性循環 佢覺得我無為家庭付出 我覺得佢個啲係on9 無謂開支 自我感動
依家連我想係屋企擺個打機陣都無權
賤過地底泥
一唔高興就趕我走，沒收我車匙
有陣時終於明點解啲男人鍾意搵大陸妹
未經他人苦莫勸他人善
佢大女人
趕我走個陣
你哋體驗過 你估佢好好頂？
你哋試吓日日俾另一半話搵得少錢啊
係男人都要尊嚴
仲有屋企啲消耗品係我俾 利申翻
𨳒，冇試過咁希望上網睇到假嘢，係真嘅真係好𨶙慘，我指你太太
你太太搵錢多過你（咁睇法搵多好多），都睇得上你，拍拖肯AA，仲同你結婚生仔，你執到寶啦
結婚擺酒、買樓供樓、買車養車、生仔養仔，基本上佢一手包辦
冇錢唔緊要，手有一對（總唔會又窮又殘廢呀），都唔願幫手做家務，頭家你有份㗎
好啦，你唔做，咪請工人幫輕吓囉，佢咁本事都唔駛你俾啦（雖然頭家咁多駛費，連嗰少少工人錢都唔願俾，cheap到），仲阻止人請
你淨係返工同俾嗰少少消耗品錢咋，叫你做家務就呻攰，佢養起成頭家點計呀
其實佢仲要你嚟做咩？錢又唔俾、力又唔出，仲喺度𠵱𠵱哦哦，莫非你條嘢識轉彎？你咁廢，條嘢識變大伸縮都搞唔掂啦！屋企啲垃圾廢都唔會製作更多垃圾/阻埞啦，你仲好意思話冇得擺打機嘢
睇完你篇嘢，只會令人覺得佢勁叻好掂，賺到錢養到家不單止，仲有情有義
咁都同你結婚，捱足10年，仲生埋小朋友（個仔跟你姓㗎，你唔係諗住淨係努力嗰幾分鐘呀），最多都係趕你出門口、收返條車匙
俾著第個，離咗婚十世啦，佢笨𨳍在呢樣，仲留你嚟托咩，男人老狗一啲承擔都冇
你冇樓冇車，公屋又冇，北姑都叫你慳啲啦
你返你阿爸阿媽度打一世飛機吧啦
睇完你篇警世文，其實我更想警世
男人最窮嘅唔係戶口，係個心態，你由頭到尾強調自己唔落搭，其實係將自私包裝成低慾望。
婚姻係合夥經營，唔係寄生關係，你覺得買樓買車係老婆自我感動，但對一個家嚟講，嗰啲係基本。你唔出一分力、唔供一毫子，仲喺旁邊冷嘲熱諷，其實你唔係唔想做大龍鳳，你只係想食免費餐。
做家務係責任，唔係幫手，兩隻碗可以唔洗係你嘅標準，唔代表係個家嘅標準。老婆搵錢多過你，返到屋企仲要對住你呢種收工就係大少爺嘅心態，佢嘅怨氣唔係來自你搵得少，係來自你冇承擔。
尊嚴係靠擔當賺返嚟嘅，你話男人要尊嚴，但一個喺家庭嘅決策買樓、養小朋友上完全缺席，只肯畀消耗品錢嘅男人，憑咩要人尊重？你喺屋企連擺打機陣嘅權都冇，係因為你喺呢個家嘅貢獻度係零。
你幻想大陸妹覺得人哋溫柔體貼，係因為你幻想可以搵個權力不對等嘅人嚟容忍你嘅不作為。現實係邊度嘅女人都要生活，冇一個女人會鍾意一個唔想付出、唔願意承擔、仲要覺得全世界欠咗佢嘅男人。
最後你唔係結錯婚，你根本係未準備結婚嘅人。你想搵嘅唔係老婆，係想搵個可以比你繼續心安理得做廢青嘅長期飯票。
前面唔洗打「借POST」扮係「朋友」啦
你朋友就係你
如果唔係唔洗咁真心打完又打句句覆
其實由一開始就唔應該結婚啦
睇嚟睇去
你老婆賺得多過你之餘都係洗自己錢
而你仲話：
「屌 個個翻完工都攰 邊會有人想收工仲做家務」
即係你老婆賺得多過你
仲要佢做家務?？？？？？？？？？？？
你有冇撚試過包辦全屋家務?？
你知唔知隨時攰撚過返工?
你仲好意思管你老婆點洗?
你仲好意思話打吓機都唔得 冇男人「尊嚴」？
你畀人唔尊重 完全你心態有問題
最後仲有搵大陸妹嘅心態?
你估你搵個仲廢過你嘅大陸妹
拎到你所謂嘅「尊嚴」有曬主導權
你有依家嘅生活質素？
你咁樣 大陸妹都睇你唔起啦🙂
我太太都係搵得多過我
但同你最大唔同係我知我太太返工都辛苦
所以我都包攬湊仔同所有家務
其餘有時間再繼續在家工作
而佢點洗錢基本上我都唔會理或者畀咩意見（佢主動問我例外）
所以我太太都好體諒我同尊重我意見
有需要幫忙佢仲會主動幫我
有冇諗過點解差咁遠?
因為你從來冇諗過你自己有咩問題
一係你主內做曬家務湊仔嘢
一係你爭氣啲賺多啲拎返主導權
係咁
佢最好笑係話自己用得一、兩隻碗，一兩件衫🌚
食飯自己隻碗係一隻，但得碗飯咋咩？
一兩件衫係咪唔洗
重有老婆，仔女就係6隻碗→重耍買餸，洗菜，煮钣。
2件衫x 3人就6件衫，
屋企吾使打掃，拖地，執屋既。。。。。。
個女人搵得多，又買樓又買車，搵得少嘅，好好享受，畀下情緒價值，家用畀得幾多就幾多，幫手洗下碗。一齊分擔下家務，兩個人返工都攰㗎，淨係女人一個人就要做家務？。己所不欲，勿施於人。如果兩個都唔想執屋，做家務，請工人冇問題。有咩好呻？一係家務都AA囉。各自為政。唔好煩到對方。
呢D野，婚前就應該要傾好。就算同父家屋企人關係幾好，唔同老公屋企人住，好正常。婆媳衝突，唔係男人諗嘅咁簡單。
相處容易同住難，何況，同你屋企人住，只會情況更加嚴重。
男人可以窮，但窮到咁大男人，又咁有原則，這性價可以高點嗎？
衰啲講句，打工嚟講，受老世氣系份人工包埋。
作為老公，一個咁高質嘅女人，入人工都包埋，什麼尊嚴不尊嚴的，有人同你養仲想點呀。
生左仔女，要畀老婆睇到，你付出的誠意。你唔識安排，請默默付出有限金錢，聽佢枝笛就可以，女方一睇就知道，會同你包底嘅人。仲有啲咩好投訴。
你有錢包底，咪你話事。對方不接受低成本，包容對方，由對方話事，也不是什麼大問題。
你都識講相見好同住難啦
佢做咩一定要同你屋企人一齊住先？
你調返轉諗 佢要你同佢阿爸阿媽一齊住 你肯唔肯？
佢自己買樓自己供樓 你有得一齊住
佢自己買車 你仲有得揸車 你執到啦
做家務
兩個人一齊生活就係兩個人一齊分擔家務㗎啦
咁唔係點呀？你返工攰 佢返工就唔攰啊？睇嚟你都唔係啲識得體諒老婆嗰啲人嚟㗎喎 佢仲要搵得多過你 你搵得少啲又不思進取 返到嚟覺得打個機都有罪
你細個嗰陣你爸媽窮養你 養到你咁嘅心態
所以你老婆對住小朋友咪要富養囉 唔想養咗第二個你出嚟
咁樣睇落你淨係出咗場地錢同埋禮金88,000咋喎 仲有冇其他請問？定係你淨係出咗場地錢？
我有聽過大陸妹係 個零月又會嘈要去旅行 去旅行係你俾晒錢㗎喎 結婚都係你俾晒錢 買樓都係你俾晒錢仲要落埋佢名
其實你都幾自我中心啊 反而我覺得你老婆嫁咗俾你 佢好慘 佢都已經咩都承擔晒啦你仲咁多嘢講 一係你放生佢去搵個大陸妹啦 不過你要記得搵多啲錢先囉 
一句：個男人太廢！
有另一例子，女方是公務員父母中產，男方當年係研究生來自基層！
拍拖到結婚，大致上AA，婚禮從簡，女方婚前由父母資助買了樓，女方供！婚後女方從薪金，男方從student ship 各撥一部份入家庭開支戶口養家，女方繼續供樓！
家務分擔！但有用part-time清潔！因二人日間上班、上學忙！男方未畢業，一直未有小朋友！
後來男方工作，家庭經濟戶口貢獻比例增加，女方繼續供樓！
到有小朋友，要菲傭，假日合力揍！
最近見他倆慶祝結婚卅週年了！兒子亦快大學畢業！
雙方搵多少不是重點，重點是，在自己有的資源（包括金錢、時間、心力）上，共同付出差不多的百份比去建立/維持二人的家庭！
你打呢篇嘢既既時間有無覺得羞恥？樓唔洗你買，車唔洗你買，連做家務你都要係到嫌唔肯做，你老婆真係做埋你果份，請問你除咗貢獻粒精子出嚟仲做咗啲乜？
你都幾搞笑架喎，你自己窮要逼人同你過窮生活，咁人地揾咁多錢點解唔可以用嚟提升自己生活水平？
咩叫拒絕落搭，你咩都無負出點解你好意思覺得係你喺落搭果個呢？“落搭”用嚟形容返你老婆就啱，你自己廢又懶乜都唔肯做仲好意思出嚟數你老婆，可惜大家眼睛都係雪亮嘅，建議你盡早放過你老婆，你老婆絕對有能力照顧自己同小朋友，無咗你呢個負累佢仲舒服，可以少啲勞氣
最後你記得俾返呢個post你老婆睇，你唔撐你老婆但呢到大把人撐佢
其實講到尾你啲價值觀都幾有問題，所有你上述講既事，你竟然覺得問題係出自於你另一半對自己生活負責，自愛，搵得多？點解唔係自己唔夠努力，太懦弱？？？會唔會你每日努力少少，做多少少嘢，學下投資，進修下，你都可以幫到件事，而唔係抱怨自己淨係可以住係老婆層樓入面冇話語權。
其實都理解，結婚前各自努力，自己對自己財務負責，咁梗係善解人意。結婚後佢鞭策下你都好正常吧，仲要你話佢結婚前咩都AA就覺得自己搵到命中注定，佢依家唔洗你AA，佢自己買車買樓又唔得？唔係更加善解人意嗎？😂😂😂 同埋佢自己名下財產，你講唔化踢唔郁嘅，沒收你車匙，趕你走你都吹佢唔漲。
佢嫁錯你～
你只愛你自己～
你放過你老婆啦⋯⋯
你老婆唔想同老爺奶奶住，自己買埋樓，你都唔去理解下佢有幾唔想～
調返轉，你可唔可以同外母外父住呀？
「相見好，同住難」，咁大個人都唔明～on 79
你依家嬲係因為你自己太廢，你老婆自己根本可以自己好好生活，自己唔洗靠你都可以自己買樓買車…問你其實係尊重你，叫你夾都係俾d「自尊」你～你其實係佢負累～廢柴！
出嚟一齊生活，就係要做家務㗎la~
你點解咁想同你老豆老母住唔係因為你孝順，
你係想你老母繼續照顧你，乜柒都唔洗做～
做人個仔又不孝，做人老公又廢柴～
我好想識你老婆，叫佢同你離婚！垃圾
真心為讚嘆女子女強人 肯為廢男埋單
你結婚到生活零共識
你唔捨得花錢在對方身上
而女不介意自己出錢承受晒唔緊要
住： 女自己買樓供完全無問題 而你零付出
女人為你生埋仔
作為一個唔上進男人 唔努力搵錢 就唔好生仔
你要工作養家 ？
女人不用工作？ 一齊賺錢養家？
家務：你零付出，沒有輪流分擔 ，
只有女人承擔，她負荷不到，
你也無解決方法，比如一星期兩日外賣/ 請工人/鐘點
小朋友：又女人負責照顧
一個男人家務不做，碗不洗，飯不煮，地不拖唔幫手分擔家務，為何唔一個人生活？
點解她要活到咁累？養自己養小朋友仲要養你
何必要跟你一齊？
一句講晒 你100%自私撚就是自私撚
你要尊嚴 就努力工作搵高薪水
車、屋： 女人自己
你無情緒價值、無合作分工，無家務、無幫手湊小朋友、無付錢。
你要大男人好簡單
不如倒轉:
你負責 養晒整個家庭、車，比到生活質素比小朋友
她負責 做全職家庭主婦及照顧小朋友
倒轉角色，你入贇 住女人父母家 試下囉
小朋友跟她姓。
不論當事人又好借post又好
睇完成篇野
結婚個part根本都唔係你簡佢 係佢簡你
你唔好以為係佢執到 其實係你執到
香港地下下都講錢
如果佢唔係有能力 佢會簡你？
你又唔諗下你老婆其實係想你上盡啲
激勵你？
我相信在座各位正常人都會諗
有個有能力既老婆 你執到
先唔講你地兩個生活點點點
至少小朋友既將來可以安穩成長
靠你唔到都仲有個有能力既老母
唔洗16歲出黎做野幫補
中途啜學養家
唔洗好似上一代所謂既窮養
一日三餐都未搞得店仲要養個小朋友
不過我睇完成篇都想問下
除左屋企消耗品之外
你仲付出左啲咩
愛？咪kai玩笑啦師兄🤣🤣🤣
Bro
其實 所有野 都無對錯之分
要怪只怪 你地 價值觀唔啱
心情真係好唔掂
就 好好學識錫自己 好好抖下氣
拎半打啤酒 去海邊吹下風 聽住歌
當感受人生百味嘅過程啦
佢無錯 你都啱嘅～
但你都要明下佢
生個bb 十月懷胎 真係好唔容易
仲要慶幸 佢願意 有能力付出咁多
但講真 當一段關係 再都睇唔到對方嘅好
Feel唔到對方嘅付出
感恩對方嘅存在
而得番 不斷嘅埋怨、內耗、負面情緒
呢段關係 就真心Toxic了🥲愛⋯唔係咁架
要好好正視呢段關係、呢段感情
有時 試吓先改變自己心態
真係唔Ok就 改變一下環境啦
人一世 物一世⋯搞到咁Sad 其實⋯真係無必要
你思想好貧窮，老婆有能力用最好比最好將來個小朋友，你就話自己以前都係窮養，不思進取，同啲人成日話天生天養一樣，有能力邊個仲天生天養？
所以養到你冇出息無能又自私，仲想老婆同你一齊不思進取，生活冇提升，嫁比你真心慘。
離婚啦，你咁多怨言，咁計較，第時老婆買左既野都唔應該比你享受，
阿爸阿媽like 老婆，係因為老婆有努力維繫良好關係，你就一啲都唔respect，又唔想洗錢，洗左又怨三怨四，又不思進取，希望你老婆唔好同你生小朋友。佢真係值得更好，仲要佢自己有學識，點解仲要簡你條唔想付出既廢柴。
聽住啦喎，你老婆嘅版本喺人哋眼中就係 無論老公幾廢都好都冇影響到自己 一個女人自己獨立買屋買車 女強人 喺唔影響事業嘅情況下，仲要生咗小朋友 因為你呢個老公嘅存在完全就係拖佢後腿 88,000都好意思講出嚟係禮金 你估佢撐你嗰$88000？你知唔知道你自己話鍾意返大陸搵大陸妹？你有冇諗過大陸嗰啲男人？如果遇到你老婆嘅話佢哋8,800,000都會俾佢 唔係好似你咁俾咗$88,000就好似好多咁 如果可以同你老婆做朋友嘅話我都願意俾呢個錢出黎 同佢認識一下 你老婆遇到你真係陰公淨係識得喺自己角度出發完全冇諗過佢 …..
你老婆真係叻：結婚洗費要自費出，樓自己供；車自己買；小朋友自己富養。
家務叫唔郁你做，明明你有責任做
你老婆唔貪你錢，仲要冇人關心同愛護。love language入面幾樣嘢⋯⋯佢都冇被滿足。咩都自己頂，跟守寡冇分別。
同你離婚，佢都生活到，仲做少你嗰份家務添
你唔識珍惜你老婆，鍾意揾大陸妹，建議你快啲去。有版你睇，河馬幾嗲何伯，又會煲湯水，又温柔嗲佢。不過前提係何伯送幾萬首飾、錶。都淨係維持到初期咋。你冇幾百萬比人，又點留得住大陸妹？大陸女人好現實，好快現形啦🤭
你由頭到尾企咗係你自己立場睇，
冇企係你太太角度睇「家庭」需要承擔的責任，
一開首 你都因為你知自己搵得唔多，
太太冇厭你搵得少過佢 ，
但你有自卑感作祟，
開始會同佢計較為頭家付出多少，
一句話自己工作攰而逃避家務責任。
簡單講，你有錢多可以搵鐘點做家務，但冇錢就冇選擇，要自己做。
由你地已經變成一頭家
付出方面係沒有AA，金錢其實都冇AA，
因為已經變成命運共同體，
一頭家幸福美滿 必須 真誠理解的溝通 加 合作無條件支持，共甘共苦的解難能力，當然包括愛 與 開心。
啲男人仆街死呀！
咁唔滿意就唔好結婚唔好拍拖 ，唔好一有問題就話個女人！
你哋男人心目中永遠出面個女人就好撚過自己個老婆㗎啦，個老母日日喺屋企廢柴咁樣坐喺度。
人哋個女做乜嘢？要同你屋企人住呀？
你同佢係自己一個家庭，點解要同你屋企人住？
如果要同你屋企人住，點解你要同人哋結婚啊？
唔好買樓啦，你連租樓都冇本事你學咩人結婚啊？

你哋啲男人永遠就係係咁㗎啦個女人想要嘅時候候你唔俾出面個女人想要嘅時候你哋乜都會俾呀嘛！你咁唔滿意你唔好結婚啦！
雖然禮金傳統喺現令社會真係有啲多餘 ，但係住喺男家屋企就好易有爭執，好出名個啲婆媳糾紛，我媽都叫我同細佬結婚之後出去住…
家務呢啲仲有洗廁所抹地吸家俬煮飯洗碗，如果二個人住又真係唔多，買個掃地機械人又可以方便啲，家務呢啲大家都有返工咪平分囉（一係就weekend）做
佢自己買車咁俾返佢自己揸，小朋友搭校巴都ok la
你都供下層樓，寫返你個名，咁佢就無權趕你走
大陸妹？河馬？拎身份證咋喎，見你無錢叫你出街瞓添😂😂
咁多問題做咩仲生仔，生咗就返唔到轉頭喎😂
師兄 似係你求其 無為對方考慮
唔同你父母住 減低磨擦風險
你太太唔洗係你屋企人做戲
買樓 我同意你架 但最後都係入火海
但睇咩年 咩日子 2014-2016買 而家仲未輸
租樓 對想生小朋友黎講係不穩定
又係果句應付得起咪請工人
無工人 就要自己做
兩公婆返工 咪分工合作 買幫到手電器 有D清潔要讓步
而家哩個世代養小朋友係用最好 唔知你小朋友幾大
到學野果陣先無打大佬 學下琴 學下劍擊 整靚個portfolio
師兄 你搵左個好老婆
你只需要配合 唔需要點用腦
舒服
問題都唔係老唔老婆
係你唔識愛人。
今日放假你都無嘢做㗎啦？（唔好坐係屋企、畀你老婆抖吓啦）
入戲院睇《我們不是甚麼》
當你發現自己開飯都成問題時、自己又噏耷；但買2個雙餸飯都只係想諗對方鍾意食咩、咩工都返因為想有收入。因為你知個世界唔係得你一個、你仲有頭家；果下你就真係識點去愛同照顧對方（你老婆）。
無人一生出嚟識照顧人同被照顧
佢樣樣自己嚟？
你估佢好想？
年中有幾多男人衰喺自己要面
然後親手整散頭家？
大個啦。
其實你份人都幾自私，你有無諗過你個女人搵錢多，其實可以自己袋袋平安，自己洗輕輕鬆鬆享受自己，吾一定要付出咁多錢在這頭家！如果女人不愛家，不會付出，相反著眼點你計較錢！
因為你無本事，自專心大，你自己睇小自己，就怪女人賺錢多過你！女人賺錢多，幾時變成罪人？
個女人付出時，有無數你窮鬼睇少你，食好為細路付出最好，最終都是為你家付出！
一頭家除了愛，試問不是用錢來建立？會石頭爆錢出來？
我覺得最大問題係你個腦！
結婚你又唔撚想付出花心機，一世人一次佢冇講錯喎，你窮係你嘅事。
之後幾千字其實你都係冇喺你老婆角度諗過。你老婆脾氣好同你老豆老母相處得到，係畀面你，幫你搞好婆媳關係。
你條戇鳩仔真係以為人哋想同你老豆老母住咩，有邊個鍾意睇人面色呀，你都唔鍾意啦撚樣。何況你老婆搵錢仲多過你你憑乜嘢咁撚多嘢講？
其實你不如自己一個躝返老豆老母屋企打飛機啦，你呢啲永遠淨係識得諗自己嘅人真係好撚恐怖
樓主果句覺得唔洗請工人真係好賤，真心自私 覺得成屋無野有佢份，講到個小朋友都無佢份甘，你老婆甘叻 甘女強人都係你逼出黎🙂一個女人番完成日工唔攰？得你攰？人地番黎仲要教小朋友湊小朋友 你仲話覺得唔洗請 平時你湊？ 小朋友痴爸爸多既？ 怕蝕底唔願付出既男人 唔要好過！
係你身上連情緒價值都無 你老婆仲唔將精力擺係個小朋友到？佢都係自己呃緊自己，有d精力係第度，唔想個小朋友第時成個老豆甘廢
嘩，你都好撚庹縮孤寒㗎喎，自己搵唔到錢，你啲仔係需要自己養㗎啦，唔通又窮咩？依家咩時代？
應該你出post就話窮真係唔好結婚。依家係你拖累咗你老婆你老婆有能力撐起成頭家。你身為個男人變成配角係會覺得肉酸，甚至乎你做好好地照顧小朋友，買個洗碗機有幾辛苦？
兩個都要返工。兩個共同出錢去養個小朋友係咪合理？
窮真係唔好結婚 拖累個人，窮唔緊要三觀仲要唔正確。你連累 咗你老婆之後嘅人生。
唔好諗住借post就唔關你事
好明顯你認同個第一身視角
警世嘅係睇唔到你付出咗啲乜
唔講多只係講你做家務
你唔做家務嘅程度係你自己講咁
一兩件衫，一兩隻碗
咁少嘢你都唔做
工人又唔想請又話貴
自己又唔做想做個老婆做哂
疫情你無嘢撈係好慘
你老婆嗰陣應該有返工？
佢慘啲喎，得一個返工仲要俾個老公expect做哂啲家務
個老公呢？好慘呀…無工開呀…家務又無心情做？
你就嚟咩都無做都有哂所有嘢
仲要呻？
樓主不如你反省下
你淨係話你個老婆點樣
唔理你嘅角度
咁你有冇嘗試過面對
佢嘅角度
佢畀人富養你畀人窮養
佢唔一定要跟住你個套
如果你係為你個屋企提供
經濟來源嘅你話事
如果唔係嘅麻煩你收一收嗲
完全唔撚識做人你幾歲呀
畀個靚仔鬧你哋反醒下啦
跟住你嗰支係香港
買樓係天大嘅騙案
你嘅知識唔夠腦又唔夠好
越蠢嘅人就覺得自己越叻就越自大
講真我建議離婚你繼續做返
你嘅窮撚放生你老婆
睇完我唔知你哋全部背景所以冇得話究竟啱定啱。但係睇落你地價值觀有偏差。同埋好似你哋好多嘢未諗好就實行咗。有好多野做咗就係會有好面同要付出既一面。如果冇諗過付唔付出到唔建議咁快作出決定。但係你而家已經有半隻腳落左水仲有細路，你要諗下你而家咁樣如果你係細路你會點諗同埋大個咗點睇，你接唔接受到。如果你接收到你可以繼續無人阻止到你。但係如果接受唔到你只能改變。
誰的另一半都有所圖
要麼圖錢，要麼圖感情，要麼圖你對她好，
你總得給個她為你留下的理由吧。
愛不到位就算了，錢也不到位，
時間不到位就算了，關懷也不到位，
但惡語相向的時候卻句句到位。
那請問你老婆到底圖你什麼呢？
換句話說，
她經濟獨立、精神獨立、思想獨立，
如果你讓她不開心，
那你的存在就沒有任何意義了。
她不會因為窮而離開你，
但一定會因為你對她不好而離開。
即係咁
樓主都明知你老婆搵錢搵得多過你
係財政上,你老婆發言權比你大係正常嫁喎
好似買樓咁,對窮撚嚟講咪世紀大笨柒
但係對有錢嘅嚟講,係錢搵錢唔會蝕嫁喎🤨
甚至如果有足夠資金full pay層樓,會選擇按7成俾銀行,拎住按揭個低息貸款錢搵錢
隨時你老婆呢到搵嘅錢多過你出去打份牛工嫁🤣
講生仔又係,而家2026年啦
仲覺得香港可以窮養細路？
而家社會競爭大到乜咁,人地起跑線係你終點之後吖
睇完得苦笑，見你做左十年丈夫/幾年爸爸的結論係咁樣，你想做你爸媽永遠的孩子多過做一頭家的男人。
一頭家有幾多隱形家務？真係得1-2件衫同碗筷？年代唔同，但我相信每個年代嘅父母都努力俾自己最好的資源自己仔女，點解你覺得自己係被’窮養‘？
你另一半咁努力搵錢同生活，都係想一家人越過越好。
你自己都識講相見好同住難，你又想你另一半同你父母住，好雙標喎
拍拖嗰陣時你就識享受，而家乜嘢就人哋俾晒都好意思講，仲想人哋仲要搬去你屋企照顧埋你老竇老母啊，家務又唔做你咁講肯定又係人做晒啦，架車佢買嘅收匙又點，既要又要，你自己做咗啲乜嘢激嬲人，人哋仲要無限量包容你？你老婆搵到你啲咁嘅人過日子都真係慘到唔知點講，咁鍾意大陸妹咁你一開始又唔搵，到時候搵咗又嫌三嫌四，求吓你哋啲咁自私嘅人唔好拍拖啦
真係警世文
一開始AA既女人就會落得如此下場
佢翻工唔攰？得你翻工攰？你咁中意AA你有無執返起自己啲衫同碗洗返？拖返乾淨自己踩過既地？
有咗小朋友之後你老婆自己買既車點解仲要俾車匙俾你？咩叫沒收你車匙？佢呢啲叫做拎返自己架車條車匙
你用你老婆架車有冇俾返油費同計返車保雜費供款俾返你老婆呀？
大陸妹？大陸妹唔會同你AA架喎，你得咩？
其實係價值觀有太大落差
結婚唔結婚、搵錢多少、買唔買樓、對生活物質/質素嘅標準⋯⋯
你覺得你慘嘅同時，其實你老婆都係覺得自己好慘的。
你兩個嘅價值觀係兩邊極端，所以大家先咁辛苦，並唔關結唔結婚，搵幾多錢事。
價值觀呢家嘢由細到大養成，要有轉變唔係易事，當中要花唔少力氣。
睇你哋有冇力氣去維繫，希望你哋一齊/各自過到呢關～