其實一路都有好多唔開心。
唔知點講。
都唔知可以同邊個講。
收收埋埋，只可以自己慢慢食落肚。

計一計，除咗返工同人傾公事，近一個月幾乎都未同人講過嘢。如果點餐/外賣講多謝唔計。

我都好明，人大個咗都係咁樣嘅。亦都好努力做個成熟嘅人。凡事不求人，自己搞掂或者食落肚。

但有時候食得多真係想嘔。

可能係我自己出咗事。自己收埋自己。早出晚歸扮得好似好忙，除咗Office，大部分時候都係圖書館或者海傍，唔想讀書，成日發牛痘。夜深先會返棺材房。日復一日，都唔知點算。

寫出來都偷唔到氣。做人40幾年，仍然唔化。好彩未有伴侶亦沒有小朋友，唔使影響人哋。

我明，我都有呢方面煩惱

Give you a hug🥹🥹🥹

🫂

唔開心應該係去食餐好，揾人安慰有就有無就不能勉強

多謝你。我唔係想尋求安慰，只是覺得透唔到氣，又唔知點做先可以令到自己冇咁唔開心。可能食餐好會好少少。

個人睇法：適應唔開心。
環境、經濟、生活，樣樣都不太如意既話，唔開心先係正常既反應。唔需要覺得係問題。
就好似仆親受傷會痛咁，係好自然。
窮就會辛苦，攰就會無力。
每個人都有困境，解決能力上解決到既問題。
解唔到就放埋一邊先，儲備更大既能力。

多謝你深夜鼓勵🥹🥹🥹