📌 其實唔主動就係唔鍾
共 43 條紀錄
其實
唔主動就係唔鍾意
呢句嘢究竟啱唔啱 可摸以一齊討論下
好多謝大家咁積極咁討論 個個cm我都有睇晒的🤍
我覺得呢句嘢係唔同情況下 或者男同女嘅睇法都唔一樣
甚至大家對主動同鍾意嘅定義都唔同
點都好 希望大家都搵到你地嘅幸福 唔使因為呢句嘢煩惱🗣️🤍
唔同意
因為有時你鍾意嘅人 未必鍾意你
作為男人嘅我表示 人地唔鍾意你 你又主動嘅話 好容易把握唔到節奏 變成死chur 爛chur
搞到人地反感 又Kam 又0尊 做乜🤷♂️
不如等人地比signal我 我先主動行前多一步 睇睇咩環境 穩陣d
我主張100%true 唔主動=對方唔肯為你去take the risk of可能被拒絕=你未值得佢去冒險住=唔鍾意 這是我的邏輯
覺得對方對依件事冇興趣？
覺得自己對對方依個人冇興趣？
我理解係咁
我理解係，覺得對方無興
指唔開口嘅人認為對方對自己無興趣
對對方無興就同你理解一樣
你問「覺得對方無興定對對方無興」
「覺得對方對自己無興趣」同「自己對對方無興趣」係兩回事
覺得「對方對呢件事無興趣」，同覺得「對方對自己無興趣」，都係兩回事
前者理性啲，後者當事人有自卑唔開心
主動只係代表佢夠大膽，唔代表佢最鍾意。 唔好將勇氣同愛意混為一談
講緊男仔？
我覺得大部份（人生體驗九成左右）男仔唔鍾意就真係唔會主動，如果女仔主動男仔被動而一齊，男仔好有可能係「擺喺面前有得食，唔係唔食呀嘛？」而接受，所以其實係唔鍾意；
男仔鍾意佢哋本能自然驅使會主動
女仔就好難講，女仔諗嘢太複雜會令到佢哋唔主動
女仔咪覺得主動會畀人當送上門以唔主動
男仔主動都會畀人當係兵，但係都有人照做
都唔只係心理計算嘅，我覺得係天性
男人天性係對自己比較自信，女仔真係鍾意對自己挑毛病
另外一個分別，單身女仔真係唔鍾意，男仔好主動去追，拒絕嘅女仔亦都唔少
但我覺得單身而會拒絕自己唔係真心鍾意但自動走上門嘅男仔真係好少
關咩事？
鍾意一定要主動？
我鍾意花，行過望下就開心，
係咪唔主動摘等於唔鍾意？
同意
其實對於我黎講 唔鍾意=唔夠鍾意
因為我鍾意一個人就係會想同佢拍拖
擺佢喺1st priority，會抽時間同佢date
生日/紀念日會買禮物送俾佢
肯為左見佢一面特登出黎
會計劃同佢嘅未來，一齊奮鬥
如果做唔到以上嘅野，就唔好話自己鍾意
只係有好感 或者鍾意程度未到想拍拖/將我擺喺佢嘅未來入面
咁學咩人講鍾意⋯
勸無擔當 唔想commit嘅人唔好浪費大家時間🙃
唔同意 人哋唔主動可能因為人哋自卑 好多例子都係覺得自己配唔上對方
唔主動唔代表唔鍾意
係代表「唔識點表達鍾意」
講真，唔主動既，真係靠feel，令人覺得你鍾意佢咩？！feel錯又勁Kam🙄
只需要問自己一個問題：你鍾唔鍾意d唔會主動搵crush既人？例如，你會認為呢d人冇膽識，所以唔會鍾意上佢地，咁成件事就完。只需要考慮「對方是否自己喜歡的人」，便足矣。因為「鍾意」呢樣野，你永遠冇一個100%既真相，即使有人口口聲聲話，佢鍾意你，都可以係大話，有人比好多錢你洗，都未必係鍾意你。所以人地心入邊諗咩，完全唔重要，重要既係佢既behavior起你眼中係咩。
係
但係主動嘅方法有好多
你眼中嘅主動行為喺人地眼中可能係唔夠主動
你覺得好平常嘅動作人地都可能覺得你好aggressive
所以有誤會都唔出奇
我偏向 唔主動就係唔鍾意 呢句係提醒我哋唔好沉迷喺一段冇回應嘅感情入面 嗰啲唔主動嘅人 內心可能係鍾意 但佢哋通常唔識得點樣去愛人 與其估嚟估去不如直接當佢唔主動就等於唔鍾意？
唔主動可以係好多原因,但所有關係都係相向嘅,總有一方會做主動先。但當其中一方主動,另一方依然被動、繼續唔郁,咁就肯定係唔鍾意,就算鍾意都係未夠鍾意
我覺得係喎😂應該話反過來講鍾意就一定會主動 爭在係主動到咩地步
唔完全啱。
有一種人係當自己察覺到自己鍾意對方嘅時候，控制自己唔去揾對方，因為佢哋好容易會失控，所以會喺自己控制唔到之前就壓制自己防止太早沉落去。
唔同意
你喺條街度見到一朵好靚嘅花
都唔代表你會急不及待咁摘返屋企
有啲人直頭係每日行過見到朵花
已經好開心好心足
人性好複雜
絕對唔係咁一刀切
同樣地講呢句說話嘅人
用意係安慰自己 警示自己定或說服自己
都已經三種心態
咁點解唔主動同唔鍾意就劃上等號呢？
唔太同意。
鍾意都唔一定會主動。
太多因素影響一個人行為。
邊關事？例如有時侯因為太在乎所以驚主動/表白會破壞大家嘅關係。
I人可能做少少暗示對佢地來講已經主動咗又計唔計？接下來佢希望對方發現並主動返了😂
似乎大家對主動同鍾意嘅定義都唔同
不過我係唔同意，有啲人真係細膽同怕kam
點解呢啲問題仲有得探討, 假設你唔鍾意Chiikawa你仲會唔會主動去睇佢啲野
唔啱，你諗下，一開始三唔識七果時又點可能會中意到主動
肯定係帶有目的性主動
如果抱住"唔主動就姐係唔中意"就只會得到一群呃蝦條嘅同渣男