📌 其實愛回家每集啲故仔
共 70 條紀錄
其實愛回家每集啲故仔寫成咁, 真係浪費哂啲演員既時間同青春, 不如俾佢地接多啲其他既劇集增加暴光率好過啦!
拍處境劇不知幾好，固定有工開，長期有曝光，工時穩定過拍其他劇，幾多人恨都恨唔到😂
而家拍愛回家嗰啲演員就好似返緊regular工一樣，你keep住有集出就有錢收，但係如果你真係對演戲有熱誠嘅話，我諗你就唔使諗喇🫠拍得處境劇都好少有機會去拍正劇，除非你係金城安朱ling嗰啲小生
呢套嘢由金城安20歲拍到30歲, 長腳蟹有錢養個仔都係靠佢咋
philip仔應該都大學畢業喇😑
大吉利是講句, 可能要等到劉丹瓜咗, 套劇先至完
張景淳好underrated 💔 啲人淨係識家明同埋龔燁 cls大台俾其他機會佢啦
而家咁少開劇，有得拍愛回家已經好好，至少每週收視唔係頭三位都頭五位，劇本差但暴光率已經算高
後生唔知，但好顯老嗰班想要嘅係穩定，夠膽講問劉丹同長腳蟹嘅話，佢哋寧願留響愛回家就算。你估班演員唔知啲劇情膠咩？班後生一定知，但講出嚟肯定俾珍姐雪。
同埋而家TVB開劇少到一個點，你唔係拍開嗰個馬房嘅監製（除非係世界仔或有後台），根本就輪唔到你。以前啲處景劇，後生嘅只會拍拍吓走咗出去拍正劇，邊會周嘉洛咁要返轉頭。
之前睇過個訪問，唔記得邊個
話拍處景劇好搵到你唔信
爆哂show
其實係大家都愛拍處境劇，固定工，長期曝光，劇情輕鬆冇乜稿背。TVB 嘅話長約藝人，電視劇同處境劇 “人工一樣”，湊夠 30 騷就 full quota，藝員部就會優先讓俾其他未夠 quota 嘅人。
即係一小時不論咩劇，都係計 2 騷。愛回家求其出一鏡都 0.25-0.5。做背景做夠 120 集都夠數。即係 6 個禮拜就搞掂。拍電視劇 6 個禮拜都未必得。
處境劇碎片騷，拍攝時間穩定，嗰排冇你嘅 scene 就可以出去登台賺錢搞生意。呢個先係正職。
電視劇萬一 touch wood 唔收得慘過冇工開。😕
梗係啦，好似「侯賽因」呢啲主線演員，你當佢一個星期有三晚有份出鏡，即係有3個shows，一個月就12個shows，一年就144個shows。照咁計爆shows已經爆到九彩，加埋佢喺TVB嘅年資，份糧隨時重好pay過台慶企C位嗰班男一
入面嗰啲couple 懷疑朝夕相對仲多過自己現實生活嘅伴侶
佢哋好搵, 咁觀眾呢? 都唔可以拍啲垃圾hea我哋啲觀眾
呢幾日睇到好似係滕麗明話
佢真係就係靠拍「愛回家」開飯
所以呢套劇嘅主要作用
就係養活演員...
舖頭收工後冇人陪我會開住愛回家聽聲一路執貨清潔，但我從來都唔會開其他劇🙂↔️
我老豆老母唔睇電視都記得佢地個角色叫咩名
點會冇曝光率
意思係佢會係我唯一既選擇，唔係代表好似其他劇咁眼尾都唔望😑
一套戲令好多演員你唔知佢真名 但喺街見到佢唔使諗就嗡得出咗戲名
送水輝 食屎陳師奶 陳生 Rebecca 鐵面陳 朱淩淩
潮生 Andy 風少 二太 雷公 賈名媛 Terry
少年你太年輕了，以前寫得好啲編劇炒曬/走曬啦，有時間可以google 返以前嘅新聞。
據說需要穩定收入嘅演員，就會安排入愛回家劇組。
要抱不平之前你不如睇睇每年TVB 仲有幾多劇開先。
會睇佢嘅受眾未必care質素
而追求劇情內涵嘅人唔會對套劇有興趣
呢個係惡性循環嚟 睇唔到有挽救嘅空間😇
6，7年前嗰陣好睇好多，大小姐、Jenny、供水線、曹總、譚道德、Terry同舅父。
你掉轉來講，應該係俾其他無乜工作嘅演員入愛回家增加曝光率
愛回家一直都咁垃圾都有人睇，咁證明左目標觀眾就係睇呢啲
外來媳婦本地郎我細個已經睇，去到依家做緊嘢仲播緊🤣
希望收視下跌的情況，比TBB高層知道而家嘅愛回家真係好唔得，受歡迎嘅演員角色又調走，都10年啦，係時候開過第二套處境劇
造作中女被飛出愛回家之後，打曬開口牌話想拍返，啲粉死講爛講都一樣無得拍
最可惜係好多情侣檔冇晒
洪三魚直頭冇做無線家不成家
最唔明做乜要島大班人畢業
反正個世界同銀魂一樣永不向前
你見我見大家都見到呢啲問題，但係呢啲都係某國下達指令吧，否則點會搞到咁，你睇吓之後嘅時段不斷咁播大陸劇，播吾夠同整埋Ai 劇、大陸短劇⋯⋯咁邊度仲有錢拍本土劇，仲邊度有新人接班、不斷的拍攝訓練機會？你睇吓韓劇就會見到他們能夠劇接劇同埋好多新演員人才濟濟，彈甩香港吾係無原因嘅，呢啲問題亦唔擴散到香港的其他行業上
成個台路徑依賴好嚴重，呢套嘢自己都有一集經呀編劇大家姐把口講一味拍續集會拍到個IP爛晒，不過而家電視又係愈來愈難做，連Netflix嗰類曾經好hit嘅網上平台都有啲熄火
好多好恨拍！之後出下show，登台！唔知幾和味
你睇吓成日出鏡嗰啲幾容光煥發
好多人話唔睇，但係仍然有一班人睇。
如果冇咗呢套戲，好多演員會冇飯開。
所以電視台繼續拍落去，形成咗呢個怪圈。