📌 其實我有陣時會唔明點
共 43 條紀錄
其實我有陣時會唔明點解小朋友係街到/地鐵大喊 （特別係真係BB個啲）成日都比人鬧/比人啤 甚至擺上網公審
雖然我明可能係會吵到人 但佢地只不過係唔識表達 對佢地來講 喊先表達到自己嘅心情 佢地都控制唔到 同埋唔識 佢地又唔係特登嘅😢 講真大家都係咁大
如果話係個家長問題 咁家長都要慢慢教小朋友先識架嘛 唔係一教就識㗎嘛 🥲 咁唔通真係要佢地完全唔喊先出得街咩 （誇張啲咁講：唔通連去醫院複診嘅路都唔去得？）😔 同埋諗返自己 當初自己都可能係咁 而如果就係因為咁 自己父母比人咁對待 你地會係咩感受 將心比己嘛😭
希望香港個個都可以多啲同情心 多啲將心比己 😭🙏🏻 越來越好
其實你唔使唔開心，因為 threads 本來就係畀失敗者傻西用嚟發洩嘅途徑，班死傻閪自己人生差，就咩都怨，小朋友同BB就最無反擊力，加上佢哋又憎父母，覺得父母本來無幾千萬身家畀佢哋用，所以先至極大化公審
無視佢哋就得
☺️☺️☺️
香港社會風氣仇童得好緊要，其實第二啲地方包容小朋友既限度好高，只要見到有家長制止一般都唔會出聲😓係香港先會教都唔比人教，什至嗌你返屋企教教好先出街
班人根本無接觸同理解過BB生長過程
永遠覺得BB會嘈就係父母唔識教
同佢哋講乜都晒氣
落車處理
遠離引致哭鬧之環境
唔好要其他人埋單
thanks🙏
冇錯，如果小朋友已經識講嘢溝通到都可以教。但係BB根本冇辦法🥲一個成年人，要一個出世可能只係幾個月嘅BB去遷就佢哋，其實我覺得都幾搞笑
好多做父母嘅都唔肯承認，大部分人根本就唔係仇童，而係討厭嗰啲橋埋手企係隔離咩都唔做嘅無牌父母，大部分父母仲要將「仇童」嘅標籤貼落人哋度，將自己嘅罪孽加於自己嘅小朋友身上，要小朋友承受「被仇恨」嘅罪名。
我哋擔心嘅只係呢班唔肯認自己有問題嘅家長養出嚟嘅會係咩好人？
其實我真係好有同情心，好同情嗰班要接受你哋自私思想嘅小朋友😭
覺得好多時threads / fb都有一班人鳩up ，例如厭童同仇老，久而久之總有人會認同，比呢啲概念洗腦
佢哋係expect你個BB一出世嗰吓你就要好好教好佢，
例如bb已經三個月大，點解你唔教好bb佢喺巴士度喊係會嘈到人㗎，覺得唔舒服都唔應該喊，係你啲父母冇教識佢
又例如2歲既小朋友係應該去邊都要坐定定成座佛咁，係唔應該比bb有好奇心好動/有問題嘅情況俾佢發生，而且兩歲已經識聽指令㗎啦，所以佢必定會好似狗仔一樣，你講一句佢即刻會聽，佢唔聽一定係你冇同佢講道理，因為兩歲係一定已經明白哂世間嘅道理同規矩
最好每個月收入6萬以下嘅家庭應該立法唔可以生小朋友，因為你哋冇錢出入搭的士，會阻到搭公共交通工具嘅人
你講緊都係碎料，仲有一班Sen,ADHD 小朋友嘅家長真係唔知點算，佢哋個樣同普通小朋友一樣，但係情緒特別難搞，冇人知道背後父母出咗幾多努力，但只要佢哋一情緒失控，就被人標籤冇家教
好多人懶醒，成日教人教仔，其實真係出少句聲已經可以當幫忙，少啲歧視，多啲包容，唔好成日咁屎窟痕走去公審人哋，損人不利己 ，人哋既好事唔分享，令個社會嗰個負面情緒爆燈
平時係街，地鐵，巴士見到bb喊都無乜野，最多自己行開。但我體驗過搭飛機附近有bb斷斷續續喊咗3個幾鐘，有時仲要尖叫音，真心好影響，最慘無位調，無得避。bb真係非飛不可？
人地係唔係非飛不可 你唔會知 。咪即係啲人問唔帶bb出街唔得架咩一樣 。
仲有好多㗎 大肚婆又唔係我攪大個肚 點解要我讓位
廢老點解要出街 死返係屋企啦
小朋友係車跳左一下/叫左一聲 都會覺得係無家教
簡單講呢啲人有反社會人格
唔洗理咁多
出街9成呢班社會垃圾係唔會敢出聲
敢出聲嘅一野車返埋去就可以
係北歐冇人會影細路啲相/片放係soical media,因為佢哋好著重私穩，係出面大家只會影自己小朋友，盡量唔會影到其他小朋友，呢個係佢哋社會啲共識，學校更加明確話比你知，唔可以影大group細路相，所有event 都係學校自己影翻，post上app比家長，佢哋好少會post上網公審，就算有都幫細路打哂格仔。家長都唔會太post自己仔女啲相上media,除非啲KOL.另外大部份人由teen到老人家都對細路好包容，係外面啲細路大叫又好，訓地都好佢哋只會静靜行過，望下就算，有時候仲會出手幫你去氹小朋友。香港真係唔知，啲人真係甘憎小朋友定係為咗流量去做啲甘啲野。最好個個細路出到街最好啞咗甘，坐定定好似機械人🤷🏻♀️
由得呢d人..作為父母我盡咗責任就算
人地講咩諗咩我又阻止唔到
就係唔鳩明啲人點諗，寵物智商都係4~6歲小朋友
但就係包容唔到4~6歲以下嘅小朋友，仲話生仔要考牌，講呢句野嘅人個老豆老母都係無牌
如果父母有安撫BB就應該包容，但無作為（唔理BB，自己碌手機之類）嗰啲俾人話就好正常。有時可能負面印象比較深刻，我覺得香港家長一半做得幾好，另一半就做得麻麻。
係落車處理please🙏
十幾蚊一程好平架咋
相對養到十八歲嘅開支
好多人父母無同佢講佢細個都係咁
佢以為自己係好文靜，1歲就識靜靜地咁長大
教育水平+同理心問題，同啲前額葉未生埋嘅BB計較。
加上香港人普遍都係被呼喝打罵長大，佢地以為咁樣叫乖、有禮貌、守規矩，係美德😂
換個角度睇 啲人話生仔要考牌 啲人冇能力湊又要生 點解要就佢地
因為小朋友大腦控制情緒嗰部分未成熟，科學研究證明嗰部分6歲自開始有效運作
而且其實大部分人嘅情緒控制中樞要去到廿歲先完全成熟
所以有好多1x歲都成日情緒爆發做白痴嘢，少部分有缺陷嘅人成世都唔能夠控制情緒
得你一個仲講人話 另外兩個獨醒撚我block左算數
我帶住bb搭巴士地鐵都好大壓力⋯
我都預料唔到bb會唔會突然扭計/喊
就算我係bb車抱起佢，都唔係100%肯定佢係會立即收聲
我自己都好驚嘈到各位乘客🥲
你可以落車處理thanks🙏
遇到司機集中唔到而真係停駛，入邊個數？
喺香港，做乜都可以比人話。
有時唔一定係比話果個有乜問題。
香港做父母真係唔易，你睇Jayden 媽畀人批鬥到體無完膚就知
BB就無計，但盡量帶件玩具氹吓佢，諗辦法要佢收，或者一上車就(暗）佢瞓，唔好由佢係咁喊，通常引吓佢佢都會收，老實講我條𡃁從來未試過喺交通工具度喊多過2分鐘，都係不停同佢講嘢，擰佢望吓𥦬，一係就暗佢瞓，嚟嚟去去都係嗰幾招，到大咗佢會安安定定乘搭交通工具。（有感而發）最緊要從細教，唔似得有啲一上車又嘈又嗌不停發出聲音，但個家長都唔出聲教佢叫佢靜啲，所以啲人成日話生仔要考牌係真，而家啲怪獸太自我中心，公眾地方影響到人不特止，仲要惡返你轉頭，一句小朋友嚟啫就以為自己啱哂，車廂飲食又係，咁小朋友肚餓吖嘛，食兩啖都唔得咩，實在聽／睇太多，小朋友之嘛，咁不如叫個小朋友去打荷包，捉到就話小朋友玩吓之嘛，捉唔到就有錢攞，大人責任係教導佢做正確嘅事，教佢唔好影響別人，唔係教佢小朋友之嘛就為所欲為
因為真係帶比別人不便，人地係冇責任受的。可以帶佢坐巴士，窗口位。或帶些小玩具，分散下注意力，或者帶本簿，比佢畫
睇下小朋友幾大
同埋父母有冇去氹返個細路仔
有啲細路仔喺度嘈影響人哋父母喺度撳電話咁呢啲真係冇家教
細路仔聽唔聽教係一回事
起碼阿爸阿媽都在場扮吓嘢 教吓佢控制唔到都冇計
🙈台灣超多，勁癲，吊到好似佢地自己5 歲前未出過街咁。
我都同意，其實自己無小朋友，但對人地果d多包容真係好重要，見到有父母關注唔係碌電話就好心唔好chur人
我諗主要係睇父母嘅態度，如果父母有盡力處理，啲人唔會咁反感
任何人小BB時期都試過 坐車喊 原因係BB第一次坐車 感到十分驚 👉佢諗點解會識動😁
我都為人父母，小朋友確係容易鬧情緒，但我覺得關鍵在於喺發生問題時，父母嘅處理態度？如果父母真係有想改善嘅行為做出嚟，旁人嘅反應未必咁大，最令人反感係漠視個事情，仲表現出……小朋友係咁㗎啦……
其實一定由佢喊，其實用膠紙封嘴 米無聲，不過無人會咁做
香港地， 你放個屁都會比人影上網批鬥， 習慣就好， 平常心