📌 其實男仔如果出街同個
共 71 條紀錄
其實男仔如果出街同個女仔AA係咪姐係無興趣？
通常我同男仔出去都會講話pay返一半
9成男仔都會收
但反而其他女仔唔問，佢哋就會請埋佢哋
搞到我好懷疑，啲男仔同我出街/發展係咪因為成本低，而唔係對我有興趣
啦，我係女，主動aa 係我對男無興趣，，當朋友，如果之後對方無講面話唔洗你夾，一係都對你無興趣，一係佢cheap 唔大方😗
我覺得男仔只有溝你嗰陣先會付出比較多 如果一開始發現你係一個唔使點使錢就可以得到嘅人佢哋之後更加只會更加多AA 甚至覺得同你AA係理所當然 我覺得有時候女仔唔使扮大方佢真係鍾意你對你有興趣唔會因為你唔俾返錢佢而唔繼續同你發展 反而我覺得咁樣可以篩選一啲本來就好孤寒嘅人
當然啦我覺得女仔都唔可以認為男仔俾晒錢係理所當然 有時候請返對方食飯或者食甜品 因為你問得呢個問題我覺得你都care 反正最緊要知道你自己想要啲咩就自然會吸引啲咩人喺你身邊
係呀 你下次試吓啦 同埋我都唔建議你一餐我一餐咁 反正我上一個男朋友就係咁樣 之後你會越嚟越內耗 有時候我覺得拍拖係如果令到你個生活比單身更差嘅話咁不如唔好拍 即係如果拍拖要計住計住好辛苦㗎 同你AA我不如搵friend食 咁一係你做我朋友唔好諗住我做你女朋友咁咪OK囉😂
好明白🥹
有時當單身都過得好好，拍拖嘅時候好易內耗
覺得做朋友好似仲開心過做女朋友
所以我一直都覺得男朋友除咗係伴侶之外，更加要成為一個好閨蜜😂😂😂不過我發現好難哈哈
男仔請女仔食飯，係good gesture
但女仔覺得男仔一定要請食飯呢種mindset 好功利同市儈
感情係互相建立，成日諗住經濟上take advantage of其他人（男/女），好toxic
男人請女人食飯，係toxic masculinity ，係睇唔起女人，以為女人搵唔到錢，sorry.
1）唔係追你，當然AA，最好一班人出嚟，以免誤會
2）想追你，無經濟能力，事業基礎，想請你都勉為其難，你話AA，梗係好啦，免得月尾手緊
3）想追你，又事業又成，搵到錢，自然會請，你話AA, 佢會話唔好；如果話好，咁份人都好mean，唔駛考慮即飛
呢個point我無諗過喎，成本低真係一個point 👍🏻
yesss呀，成日驚俾人話港女
最後就俾人低成本「追」
作為男仔嘅我表示 想拍拖 多數都會A埋你個份
但係你話 可以AA 咁緊係尊重女性意願啦 🫣
yesyess但個個男仔都話希望女仔做樣都拎個銀包出嚟ma🤣
我覺得 係唔想會錯意 最後比人當兵咁點姐
如果兩個都有付出 唔係男嘅單方面
例如食完飯之後 甜品/飲野/睇戲零食 你比嘅話
會即刻爽哂
咳。 根據江湖規矩 一係AA一係AB （想拍長拖嘅另計）
exactlyyyy
但有啲又真係會問我可唔可以發展落去…
連食飯都同我計到足嘅話，我點感覺到佢哋對我有興趣
我同老婆13 年都係 AA，我地好恩愛，你覺得aa就唔可以一起，係憑旨左
我覺得一唔一齊係睇鍾唔鍾意同對方有冇表白
但中間起碼要develop吓先會去到一齊ga ma
如果連有興趣都sense唔到就唔會去到嗰個位
講緊果a a觀念唔代表有冇興趣同將來會唔會幸福，如果對方唔請你食飯就develop唔到感情，咁我同你講依家有好多男人會用肯唔肯AA黎試個女人可唔可以共患難。
簡單講用AA去衡量有冇發展機會或興趣係不明智
感情是要培養，別學一餐飯定生死呢d濕鳩HR見工方法
其實沒有掛勾，起碼以自己為例沒有關係，重點可以看食飯付款以外細節，例如行程安排，日常交流是怎樣，有時對方主動提就不拒絕，沒提就全付沒所謂，這點其實對朋友也會這樣
exactlyyy, 我明白
但當同一個男仔會請其他女仔，但就同我AA
我就會懷疑佢地係咪因為我低成本先對我有興趣🫣
我係女！
主動AA: 沒興趣/沒期望/想做住朋友了解多d 先
我覺得接受妳AA冇乜嘢但如果佢好斤斤計較就真係差d (不過其實我都唔鐘意會斤斤計較嘅女仔，平時都會避開同呢啲人做朋友)
咁係你好姐，一陣開聲問女拳轉頭又俾人公審話cheap又盛
先唔講A唔A出得街你都會feel到佢對你有冇嘢先，冇既就好明顯既
正常預定咗男俾 但如果女仔主動提AA會心入面加分 覺得唔係一直拎著數
如果你都有feel其實用請下次或者下場飲嘢食甜品你請呢啲代替”pay返一半”件事會soft and有情調，AA到足嘅男女都係冇乜情調日後都係好計較相處不快居多。
如果女性AA完又背後諗好多嘢（如自己唔值，因為低成本etc)不如唔好A。
講真話：男仔心底裡會加你分，至於奉旨個堆女會扣分，識講多謝個班持平唔加唔減。
就算俾同唔俾，都個個人理由唔同
或者你訪問返佢地😆
你肯AA不知係幾多人夢寐以求嘅女性，但可能你表達個陣唔好係「我同你冇得發展落去嘅AA」就沒問題架嗌，比啲自信師姐
睇埋佢下次有冇約你，如果佢再約，你又對佢有興趣，就唔好再AA,問使唔使俾翻錢佢係基本禮貌，如果佢仍然收嘅話就冇下次。
唔想AA嘅話
我會好開心咁衷心多謝佢請我食飯
佢願意嘅話
自然會繼續約我出街
AA:
女仔對你冇興趣 vs 女仔唔想你破費
請客:
女仔想呃你一餐飯 vs 女仔鍾意你想同你發展
媽啊我好亂.jpg
視乎你經濟能力，如果係有錢仔，根本唔會斤斤計較，煩惱個女仔係咪要俾返錢，會有西方騎士精神、紳士風度，還要係自己心儀嘅女仔、追求嘅對象
其實我覺得好睇個人，因為我無論對條仔有冇興趣我都會AA
其實真係要知道，食飯要比錢係正常嘅事🙄個世界變到太奇怪😂但拍得拖，認定咗就唔會計太多，好有共識咁通常都係一人比一次，佢請食飯我請睇戲咁
呢個年頭仲有男仔會主動幫女畀錢嘅咩
呢代男性拍拖都AA基本 多數女仔養㗎啦
其實肯比錢應該係超級有興趣
唔比應該唔代表無興趣
我嘅諗法係如果我約「食正餐」作為一個重點活動，咁我請，如果即興啲，例如去甜品舖或者街邊買嘢飲，就aa，可能每個人對請食飯嘅價值觀唔同
有個例子係，我朋友同佢個男仔Fd 出街，我朋友有主動俾返錢佢，跟住個男仔收咗2次錢，我朋友開始對佢冷淡，就冇再輕易應承同佢出去，但個男仔其實係想溝佢，個男仔都feel到唔對路，所以之後再出去嗰次，佢就主動請晒我fd
重點係你要俾佢知道你好忙，你好多人溝，咁佢鍾意你嘅話，就會緊張你，亦都會快啲知道你想要嘅答案。假設佢真係Fd zone左就唔會再嘥時間，因為始終唔可以排除佢淨係想搵個人陪/低成本得到你
一個係兩個獨立自主嘅人約食飯
一個係有主客體，陪人食飯
一個對你有興趣既人你會感覺到，但當你知佢對你有興趣又會抗拒佢，結果你就會痴住D對你無興趣既人
我覺得大家都aa真係好基本。
但如果你話俾返一半我，然後我對你有意，我會選擇話，不如今餐我既？我地下次約會到你出，你點睇？
當然下一餐我會揀平啲。
咁樣大家都有心又尊重。
唔好諗得咁複雜，初相識嘅AA係好合理嘅事, 反而係點樣AA先重要, 究竟係大家好認真咁夾返$35.7 定係佢請你食飯，而你又請返佢食甜品當打和呢。 如果個男仔對你有興趣就自然會有下次㗎啦。
邊個男人咁無聊因為成本低同你出街？
成本最低就係喺屋企打機
我會睇下對方有無主動買單。如果有，我話下次我請。
如果無，我就話pay返