到醫院探病接近一個月了 每日都聽到唔同故事

隔離床有位婆婆差唔多90歲住了差唔多2星期(頭腦尚算清醒) 佢個仔每晚都探佢 佢個仔講嘢基本上成間房都聽到話自己有好多個兄弟姊妹 個個都有樓有車 但冇一個黎探佢地媽媽(應該兄弟姊妹之間冇緣份)
有位助護同佢媽媽講 : 你個仔好孝順喎 好好人
佢媽媽有啲氣冲冲即刻話 : 佢鬧我你唔知啫…

其實婆婆咁答應該好hurt佢個仔 人哋已經日日黎探佢 日日又煲湯又煲粥 點解要咁講?😌
其實都真係好多人唔知道咩叫知足?
“鬧”可能只係為你好?
都最後一段路應該要感恩同放下

真係不解

其實真係好多呢啲人，做嗰個佢又睇唔順眼又嫌三嫌四，唔做嗰啲打個電話嚟已經心都甜曬

真係好多…
我婆婆以前就係咁對我細舅父 供書教學個大舅父到外國 反而細舅父係最錫婆婆 亦對我好好 以前細個成日帶我周圍去
不過細舅父有病已經走咗 唉…人生…

因為老一輩人一般偏心讀得書嘅仔女或錫曬最大/最細嘅，所以排中間嘅係最易被忽略

老一輩就係慣咗責備
其實言語暴力係好大傷害

非常認同
日日嘈日日鬧 一個本身正面樂觀嘅人 成長中都會變得負面…
其實只會累積住到某一日會爆發 鬧走埋最好果個

：咁佢都唔嚟 你咪無人探囉？
：一定係唔嚟果啲孝順啲喇🤡

我都覺得好多人都係咁
唔珍惜成日見果啲人
反而覺得耐唔耐出現嘅係最好

係我就真係會好唔開心 不過可能咁樣就唔會唔捨得…

一個家庭入面，通常最孝順個個都最唔受寵，聽過好多案例😅

呢個阿婆九成好難頂.
其他仔女有樓有車, 多數已婚. 另一半同奶奶/外母反晒面. 自然唔到.
得呢個仔單身. 但個阿媽又嫌佢無兄弟姐妹本事

因為呢個唔係婆婆最錫嘅仔

我之前住幾日私院，對面一個阿婆應該久不久就入來，佢老公你諗下都係幾廿歲，日日同姐姐來留好耐，有一晚仲過夜，日日都有唔同人來睇佢，又係姑娘來姑娘去，但好多野怨，仲同人講係度慘過住屯門醫院，我真係想鬧佢咁不如你轉去屯門醫院住下。

好多人唔識珍惜 一直怨天怨地嫌三嫌四 身邊既人會好辛苦 本來可以樂天旣人 都會受好大負面影響變得灰左 無形壓力大左😵‍💫

我個frd好勁。佢同屋企人飲茶。約了下午1時，她和爸媽準時到。其他屋企人大遲到，她的爸爸一直在她面前罵他們遲到，但當這些屋企人到，她的爸爸沒有罵他們，還笑臉迎接他們。
我的frd很嬲。她没有遲到，卻一直聽他罵人令她煩不開心。遲到的人來了，爸爸又不罵他們，沒有叫他們不要再遲到。
最後，她和爸爸說，早到我要聽你罵人，以後我做最遲到達的一個。

係咪老人家嘅思想都係咁