剛剛嘅4.4 同 4.5
就好似發咗場好靚好開心幸福嘅夢
而最幸福嘅原來呢個唔再係夢
係一個夢想成真嘅時刻
呢五年入面發生咗好多好多事
每次都會諗：仲會唔會有下一次呢? 下次又會變成點?
只知道要活在當下
且行且珍惜

什麼sound check 入唔入到場都唔重要
由宣佈有演唱會開始
一直都只祈願佢哋一切順利
由買飛到入會場都仲有嗰種緊張感
成件事好唔真實
直到佢哋升上舞台
好驚喜嘅開場同跳唱
充滿有個人特式嘅solo
充滿感動同回憶嘅合唱
開心溫暖嘅謝幕
好享受亦不捨得呢個show 嘅每一個moment

燈牌都要帶兩份
每一隻歌我哋都識唱
每個時刻都唔想miss
好多謝撈豬最後一日嘅感言話
呢個係屬於我哋自己嘅世界
我哋係一個大家庭
我哋陪住、見證住佢兩個人
兩人一路走來嘅每一個時刻同成長

感恩佢哋知道佢哋記得五年之約
感動佢哋係早已承諾一輩子
而家仲要期待埋下一世 (Lo, 2026)
無論你同我如何解讀又如何不一樣都好
重要嘅係佢哋搵到自己舒服嘅方式呈現喺大家眼前
我知道享受今次呢個party嘅
一定包括佢兩個 🩶🩷

喜歡佢哋獨一無二嘅默契
鍾意佢哋喺對方面前嘅安心同自在
我只想佢哋兩個都能夠自在快樂
繼續做對方嘅best friend for life
繼續陪伴繼續同行
一齊成長、進步、變得越來越好

多謝金主爸爸嘅邀請
更多謝呂爵安同盧瀚霆接受呢個邀請
令五年之約可以成為誠意滿滿嘅live show aka party
同鍾意、欣賞你哋兩個嘅爵屎神徒登神粉
分享你哋專屬嘅舞台
我會繼續期待好快會有下一次
同埋更多更多嘅下一次 🩶🩷

最後一定一定要感謝每一位登神粉
呢兩日見到好多好多有愛嘅你哋
由第一日喺香港碼頭等上船
到第二日回程嘅船上
大家透過衣著透過身上嘅掛飾透過登仔撈仔相認
被你哋包圍住嘅感覺好窩心好溫暖
呢兩日幸福感滿滿除咗因為有登同撈
仲有你哋每一位
包括曾經嘅每一位
同埋仍然留喺度嘅每一位
Love you all 🫶🏻🫶🏻🫶🏻

🩶🩷🫶🏻

🫶🏻🫶🏻🫶🏻