剛才搭地鐵觀塘線（大概係藍田往觀塘），突然發現有個大陸男人用手機偷拍緊附近一個女仔。

我隨即攞手機影低佢做證據，但個女仔好快就落咗車（可能佢都發現自己被偷拍），抱歉我嚟唔切通知佢，而我亦唔知自己有無成功影到相關證據。

跟住我直接同個偷拍男講，我知佢偷拍咗人地，叫佢刪除啲相。理論期間得知佢係拎旅遊簽證嚟香港。我同佢講：「香港唔歡迎你，你今日好走喇！」

之後我翻睇自己拍嘅片，先發現原來我當時係影低咗大陸男偷拍嘅過程。

抱歉我只能眼白白見住嗰位女士匆匆離開車廂，幫唔到嗰位女士報警，我覺得好遺憾。希望呢篇帖文可以俾多d人睇到，讓大家搭車時多加留意四周，保護自己/及時幫助其他人。

首先要搞清楚佢係咪偷拍人裙底？本地影人冇話唔得，正如遊客同本地都拎住部機周圍影。

咪叫佢報警囉，睬呢啲on9都多鳩餘，嘥L氣啦

啱！經一事長一智，不同情況要用不同嘅處理方法。