勁得意…今日搭小巴發生左件勁得意嘅事！
個媽咪：「唔好意思想問一問可唔可以上嚟影張相」
乘客&司機：？？？
個媽咪：「佢有份功課要搭小巴影相…但佢平時唔搭小巴」
司機：「好啊好啊」
大家意識到咩事就開始笑～
個媽咪：Du左八達通…
司機：「唔洗俾錢啦～」

開始影相📸～個媽咪抱左個小朋友上座位
個媽咪：「笑得開心啲！123笑」
個小朋友好合作咁坐定定係到
成件事勁得意😭🥹！

後尾佢地落左車～個媽咪勁有禮貌唔該前唔該后

佢哋落左車…車上面有個姨姨：
「佢下次份功課係搭飛機😂😂😂😂😂😂」

呢個年代細路仔搭飛機可能多過小巴🙈

我搵日都同父母講自己有份功課要搭飛機😂

琴日經過fusion 都見到個mami 捉住Hayden 喺fusion 門口take photo

既然嘟咗八達通
不如同小朋友坐一程小巴遊車河啦！
小朋友又可以親身經歷下
又有開心回憶仲好啦！

我女k1 又係有份功課要影佢搭交通工具😂

有比錢，這就是家教👍🏻

上次有份功課要同貓影相🙄去公園咁岩有人放貓先交到功課...

我覺得佢平時d 公共交通工具淨係搭飛機a!

瞬間笑唔出🤧🥲

人地出入坐私家車...
真係公共交通工具可能得飛機會坐...

的確，而家好多都係咁…所以咁多港孩

其實，點解唔安排特意搭一次小巴來回呢？雖然成本係高左，但至少誠實。

有禮貌嘅人真係去邊都受歡迎

再下次要去Nasa 😍搭火箭

我都想有份功課係搭火箭😂

🤣🤣🤣

我小朋友又係有份功課要影佢做家務，佢扮嘢幫我吸塵同晾衫😂

呢個勁好笑😆個畫面一定好搞笑🤣

點解唔真搭? 學校整呢個assignment 都係想個小朋友搭下唔同交通工具啫。
搭一個站行返去又得
叫屋企個司機(if that’s the reason they don’t take minibuses) 去下個站接返都得
個阿媽雖然有禮貌，但好奇怪。

其實要帶佢坐一次小巴有幾難？

無聊，影張相交功課無用架。學校真正係想小朋友有多d生活體驗，抽時間出黎搭一程小巴其實唔係好難。

其實呢啲功課好好 就係想個小朋友學識生活上嘅野嘛 其實搭一程小巴 就一個站落車有幾難
可能以前就係冇呢啲功課 所以有個唔識用八達通嘅前（唔講啦 唔想見張敬軒）

我仔份功課係由元朗mtr去屯門站
要影低拍卡入閘＞排隊上車＞車廂坐低＞出閘嘅相😂
冇得懶，同佢打完卡又番番去元朗🤣

同老師講
黨鐵係禁止影相

唔係好明，點解而家啲家長連抽少少時間，同小朋友真實體驗下都做唔到⋯

飛機就真係唔大問題，最怕係背景係地球🤣🤣🤣🤣

到時就考各位家長嘅P圖功力👍

我個仔之前都有份功課去坐電車
跟住我地約咗佢個同班同學一齊去坐電車
我地落車果陣喺對面嗰架電車見到佢另一個同學
笑死 懷疑果日電車上面啲小朋友全部都係佢學校嘅同學😂😂😂

唔好意思媽媽，我決定下年改課程，出份功課係上太空😏

而家D功課好興係咁😆

錢都比咗，坐返一轉先嘛

佢應該成日搭飛機啦！

媽媽好有禮貌，身教做得好好

鐘培生之後個仔女如果要影都要專登扮搭咁影，平時由阿媽、司機車開無機會影。😄

美好回憶

佢份功課其實係媽咪份功課

真係打卡交功課😂

香港人情味🥰

呢啲功課根本就係比家長做🤣

平時Jayden 有driver 接送

飛機相可能有一大堆

有啲小朋友父母有車，細細個就坐私家車出入，中學之前都未坐過巴士小巴地鐵。聽過有啲小朋友仲以為人人屋企都有私家車添🤪⋯⋯

讀中學時，有錢仔同學出世到中學未搭過巴士

咁就唔夠接地氣啦😂
識人同啲細路一路搭一路叫司機跟尾
呢啲起碼真係坐下體驗下

又唔係富豪級嗰種有錢仔。不過日日的士出入。一係老豆老母車。大咗之後都係唔使捱，去埋美國移民

咁咪好似林鄭咁
唔識用八達通

態度良好，家教修養好

本身屯門牛，份功課要同電車 纜車 山頂 影相，真係要特登出城🥲

睇住邊啦
以前我住嗰度一係坐巴士一係坐地鐵
真係可以幾年都唔坐一次小巴

嗱
呢啲咪唔會俾人話囉
好心其實慘怪獸家長做好自己先好話人厭童啦