📌 十六歲個仔「嘭」一聲
共 57 條紀錄
十六歲個仔「嘭」一聲關門話我管佢。想關心佢哋就嫌我囉嗦，俾意見就話我說教。俾佢補習但未見用功，做爸爸嘅痛苦，就係明明想去有平坦的路可行，偏偏佢自己未開竅，但再痛，都係守喺後面，等佢哋肯面對自己的前途。
咁緊張做乜 做朋友好過做仇人 我仔佢由細到大只怕佢唔夠開心 佢從小到大我只會教佢玩 行山 游水 晒太陽 打機 吃喝玩樂 玩到佢驚 依家連點係學校點溝女 頭髮要點都要請教我🤣 我從來同佢講讀書係佢自己責任 唔係我的 我先唔會埋鳩你 麻撚煩你唔讀就早早出嚟做嘢🤣 或者去公司幫手 咪撚做蛀米大蟲就得🤣🤣佢就會話老閪都要大學畢業 嘥鳩我啲錢🤣🤣
你果句想佢去平坦既路，偏偏佢未開竅，呢種思維，正正就係佢唔想同你講野既原因，因為你都唔尊重佢既意願，唔尊重佢中意既野
佢16歲已當自己係大人，佢都想你尊重佢係有獨立思想既人
你睇threads幾多10幾歲po文鬧父母，又話唔識欣賞佢，又話情緒勒索
父母關心仔女係冇錯，但呢個時代唔同晒架喇
其實你可以唔駛痛苦, 重點係你需要學識放手, 我仔21歲, 佢嘅青少年時代同我不知幾fd, 一齊出街玩冇人估到我地係兩仔爺
I can maintain a good relationship with my elder daughter
每一個細路仔都係獨立個體，個女得唔等於個仔得，咁簡單嘅道理唔會唔明吧
為人父母嘅辛苦其他人的確唔係咁容易理解，鬼可憐天下父母心係真嘅，所以唔好期望仔女會體諒我地，一定要對自己好d呀
去到最尾佢有佢既人生同選擇
放低多少“父親”既心態去陪佢行啦
16歲就由佢啦，有供書教學有比飯佢食有屋住，尊重別人命運。
我大嗰個讀緊大學啦，岩岩升上中學個幾年激到飛起，機不離手，頭髮唔剪，叫唔應，講多句嫌我煩，我喊過無數次，後黎開始識諗，升左大學仲拎埋獎學金，而家到細佬開始作反，可能大部份青少年都會經過呢啲時間。
老實講，小學要管，始終仲細。到中學就要放手比佢承擔後果，底線係有返學唔犯法，其他由佢喇，睇開啲。
讀到書就照供佢，唔使佢哋咩學貸，讀唔到書就早啲出嚟做嘢，普通人家冇能力送去外國。
父母同仔女就係一場注定漸行漸遠嘅旅程 ，每個人都有自己嘅因果，要學識放手，而家可以做嘅係留意吓佢鍾意啲咩，了解吓佢哋嘅Generation流行嘅嘢，俾佢覺得你係明佢嘅世界而唔係入侵佢嘅世界， 16歲仲咁細，而家讀唔到遲啲讀囉，我中四嗰年父母離婚我離家出走成年冇讀書，群嗰一堆吸毒嘅人（我自己無吸），之後自己反思覺得唔讀書冇前途，結果自己發憤搵返書讀最後做咗幼稚園老師，所以唔係一帆風順先會有好結果嘅，而家嘅小朋友好脆弱，自殺率亦見上升，所以留得青山在哪怕冇柴燒，搞好關係比起搞好成績我覺得係重要一千倍
爸爸，辛苦啦！
你自己都識得講…
- 佢「未開竅」
- 佢要「面對自己的前途」
咁佢知唔知道，自己嘅「前途」係乜？ 你又知唔知，其實佢想行一條點嘅路？
如果佢自己都唔知，會唔會因為根本冇諗過？ 冇諗過，會唔會係因為，你一直好努力咁幫佢諗晒，所以佢唔需要諗？ 但係當佢嘗試跟住你幫佢諗嘅去行，又好似達唔到你嘅期望？
抑或係佢有諗過，但係覺得係一啲永遠唔會做到、或者你永遠唔會俾佢做嘅嘢？
16歲嘅年輕人，其實比我地想像嘅世界，複雜好多…
做父母嘅好容易會將佢地嘅世界過度簡化，之後感覺「搞佢地唔掂」，我地就會焦急、焦慮。
試下唔好用指示、俾意見去表達你嘅關心。
試下俾佢講多啲佢嘅世界、佢嘅諗法。
試下喺佢講完之後，唔好俾評論，唔好俾意見，唔好做任何嘢幫佢修正…
試下好簡單咁講…
- 嗯，其實你都有諗過㗎噃，幾好啊！
- 噢，原來你呢段時間咁辛苦，下次試下早啲話俾我知啦！
- 嗯，睇嚟你都覺得好大壓力，有乜嘢我可以幫到你？
- 噢，原來你班Friend鍾意玩呢啲，老豆真係唔識…
換一個角度，用另外一種方式去溝通、表達關心，你可能會發覺唔同咗呢…
為人父母甚艱難，養兒100歲長憂99。而家唔喺担心細路食唔飽，穿唔暖，會學壞，而喺担心佢哋一時睇唔開。父母要學習默默守護，等待子女開竅既日子到來。加油吖
有房門可以 嘭 比我那一代幸福，我那裏有房門😅我16歲時，係會考那年代。16歲係反叛期，聽朋友多過家人嘅。我不是教育家，只知道：路係佢自己選，您只可以幫，但代唔到佢行
點解你認為佢係未開竅？可能你個仔唔係讀書嘅材料呢。
或許承認咗呢點，你兩父子便會輕鬆好多。
試吓講小小實際例子，咁我哋先知咩事。
例如我細個，數學勁差，叫我去補習根本連老師都教我唔明，表面上係我懶唔溫習，實際上完全睇唔明。係我阿媽非常耐心逐條數慢慢教慢慢解釋先明，有時阿媽仲要幫我做數學功課，等阿媽放假先解釋返畀我知條數點做。最後因為我阿媽，公開試都叫合格。當年學校Miss 事前仲寸我冇可能合格！
想同任何人溝通，切忌「否定」別人。可以睇吓相關書藉。
當年我得阿媽鼓勵、給我信心、教我，才可以合格的。
有需要可以搵啲專業社工機構有家庭輔導服務！兩父子可以係平靜氣氛下互相講出心底說話
我以前就好似你個仔咁，你唯一可以做嘅就係當佢係朋友. 同佢玩下佢玩嘅嘢.
啲細路唔係要偉大嘅父母，而係陪伴佢哋嘅父母。可能你自己係撞住板大唔想自己個仔都係咁，但如果你都唔肯接受同放手俾個仔撞板，仲講咩等佢肯面對自己嘅前途，佢連面對你都做唔到啦。
個仔話你管、囉嗦同說教嘅說法，係因為有啲意見，喺被請教同冇被邀請下俾嘅分別。好心有時真係唔係大晒，對乜人都係。
when he comes to his senses he may have already been a father himself.
人生掌握喺佢自己手上，勸過氹過話過，問心無愧就放手啦
宜家你企緊個上帝角度睇件事
你16歲果陣會唔會為左比心機返學早啲訓？😂
可以諗返岩岩有左個仔嘅情景，同個仔出世嘅情景，其實生小朋友都係想佢健康快樂成長。佢嘅人生，等佢自己決定啦。爸爸。
你不如講下，你同佢的打算係咩
兩個目的都一樣，其實完全可以溝通
同埋，如果你個仔真係100%聽曬你話，無自己思考同分析
咁先係問題
佢出世都係一個自己來，做父母的擔心我都正在經歷中，只能默默守護🤐🤐
呢個年紀,唔係反叛期,而係社會學習期
有好多野,都係跌跌碰碰去成長
就算我地後生果個年紀個陣,都係一樣
你越去幫,佢就越唔想聽,因為佢未體驗過"錯誤"
好多野,先等佢錯,然後再慢慢教
等佢明白"其實老豆講既野,不無道理"個陣
咁你先插手加入,咁先係正確既做法
放手！自己責任自負責！叫他千祈不要為父母讀書！告訴他人生自己責任！不想讀書，早點出來工作，還有兩年！（成年）後，你說若不喜歡，他可以搬出住。不要太保護，前路是他去闖！
關心、俾意見…你好多輸出不過唔係人地想要喎。仔想要乜你比時間耐性慢慢聽啦，唔好成日以為你最醒最有經驗我為你好。咁樣實撞牆的
以為出發點啱
就覺得自己方法冇問題
係細路難教
淨係呢點就表明你自己都唔開竅
講咗後果佢聽，佢要做嘅，你都無辦法，佢要食屎，唔通唔俾佢食咩，男仔搵老母教好過老竇教
個老母面對呢啲冇壓力嘅， 我就係老母身份， 夾係2個中間， 日日唞唔到氣🙁
你問問自己16歲會唔會聽你屋企人講
個個年紀，都係覺得自己諗ge做ge都係岩
有時要瀨嘢先學識，咁當然前提係唔犯法，早d瀨好過遲瀨，容易翻身
睇到你所講既俾經驗（說教）同補習， 我已經覺得跟你依條路做已經好崎嶇， 都唔好講將來
佢應該都忍左你好耐先爆 9 你。你都做過人地個仔，試下將心比心，唔好下下老豆款高高在上咁。而家呢代唔 L D 你嫁啦。
是但啦
好過逼自己讀書，格梗做你想要嘅模樣而感到壓力
你眼中嘅佢全部都係負面，你只係想睇到成果，但無陪伴同欣賞過佢咁過以嚟嘅過程，亦無真係聽過佢想點，你只係自我偉大，你去見吓輔導，了解吓你自己係個咩人，點樣嘅爸爸先啦.
我形容呢種做自以為是既好意，自大到以為自己做既決定一定岩，仔仔得16歲同我做唔一樣既野就係佢錯，你養寵物咪算囉，你控制唔到人架。
男人老狗個仔都16歲仲成條八婆咁打上threads圍爐，我係你個仔都唔想理你啦，放手比你個仔自己探索啦，佢講到明拒絕你so called既”好意”，不過其實你都冇野做到，你唔改變自己心態你只會傷害自己同仔仔既關係。
乜撚野叫平坦嘅路
今時今日AI時代
憑乜撚覺得自己個劇本平坦過阿仔自己想行嗰條路😅
AI 也需要proof read or verify, 用AI 也要學用來apply 不同area