又估唔到幾好睇wo
完全冇睇預告就入場，淨係知香港呢邊嘅口碑唔錯
大陸平台上就好多差評

一開場💥一聲巨響，馬上進入主題
老實說，真係有被嚇到🤯或者好似導演想喺電影中帶出嘅message一樣，咁嘅震撼先會令社會上大部分人注意平時忽略嘅事情或者人。
之後透過警察蒐證，以倒敘、插敘嘅手法引出主角和配角嘅故事，佢地各有自己嘅困境，又互相交集。通過蒐證同故事發展，引人入勝，觀眾也能挖出事件嘅「真相」
入場前以為主要講同性戀嘅困境同愛情，但係其實愛情嘅著墨唔多，更多嘅係講底層人士嘅壓抑。
全片內容好壓抑，播片尾字幕嘅時候，我一直諗我可以從呢部戲得到咩？其實無，就算導演話「以惡見善」，由始至終，主角都無得到救贖🥺真實世界同主角嘅處境一樣絕望😞

戲中最令我印象深刻嘅場面，唔洗血腥暴力，亦唔係床戲，而係男主角之一嘅姊姊都係爆炸案嘅受害者⋯⋯呢個世界真係殘酷

另外，雖然著墨不多，男主角之間嘅初遇&相處好好jap。好榮幸睇到導演+主角謝票場，不過冇機會問，到底兩位主角其實有冇見到過未來&希望？由初遇到同居跳躍有d快，AK飾演嘅暉仔係點鍾意上Bean飾演嘅Ike？

最後，龍sir呢一條線完全係畫龍點睛

希望大家趁假期尾聲，或者黎緊星期六日入場支持
絕對係今年年頭以黎最好睇嘅港產片💪💪💪
@_kisang_ @ansonbean @we.re.nothing.at.all_movie

唔記得po埋電影場景之一
日日都經過

每日放工都會經過佢哋屋企樓下😁

嗰度又係每個禮拜都會經過嘅地方

我估大陸平台差評多，可能係：
香港人睇呢齣好多細節都心領神會，導演根本唔需要花時間及篇幅去講明，成件事對我地嚟講就好似睇一幅乜都有嘅低下層哀歌式清明上河圖
但大陸人就算係成日睇西片個批都唔會領會到呢齣極本土嘅細節，佢哋應該睇到黑人問號，一係嫌敍事不深入無build-up，一係嫌有啲位好突兀，佢哋可能連條大橋都嫌唔合理
同埋香港演員嘅演技同佢哋個啲乜影物影學院派唔同，佢哋個啲睇開戲嘅會嫌香港演員演出唔扎實；而根本唔係睇開戲個批，就更加無可能俾呢齣好評
以上純個人忖測
Btw, 點解要理會大陸嘅差評？大陸都唔會上到

覺得熙暉最後的情人節晚餐係幾開心，唔止係結婚戒指，佢哋好似係第一次收到其他人嘅祝福（唔記得龍sir講嘅係咪白頭到老……）

我認為熙暉係有見過未來同希望既，就係慶生果一刻，佢哋係開心既
雖然只得卷蛋同藍妹，但佢哋自拍係笑得好開心
但推返佢哋落去既，係俗世既歧視，同埋周邊花生友既冷漠。

我都覺得係呢段，唯一一次有開心嘅感覺
btw大家開始稱呼佢地做熙暉啦

大陸平台好多差評，你知我知單眼佬都知點解啦😂

「熙暉有冇見到過未來&希望」呢條問題很好，希望你有答案後可以分享一下🙏🏼
關於暉仔點鐘意上Ike，我腦補係佢感受到Ike嘅關心同著緊而開始，呢點可見於Ike換佢飲筒同匙羹，暉仔笑得溫柔
AK訪問有提過因為暉仔未感受過愛，Ike係第一個，而剛好Ike係男仔
同意龍sir呢一條線，對比熙暉故事又好，令觀眾覺得呢個世界仲有人記得熙暉又好，保存一點光同希望

回覆你嗰個關於救贖嘅問題，我個人認為齣戲唔係用主角俾救贖或答案大家。
龍Sir嘅角色某程度上係反映咗主角可以有另一種選擇。龍Sir都係歧視嘅受害者，但佢選擇咗和愛佢嘅人一齊（我唔肯定佢有幾愛老婆，但起碼佢願意繼續同佢生活），做一啲普通嘅工作維持生活，但真係要佢出山幫手佢願意以佢嘅專業嚟搵答案。
事實係可能好多人心中都會曾經有想一了百了或者將世界炸個稀巴爛嘅瘋狂想法，但最後唔做，一方面可能係怕死，但另一方面可能係世上仲有嘢係佢記掛（所以暉仔臨引爆前都問Ike有無嘢放唔低，但戀愛腦又覺得自己已經俾埋成副身家家姐嘅佢嗰刻只係諗住要同暉仔一齊）
另外我覺得導演都係身體力行緊佢對現實嘅態度，一方面為搵食都要拍啲商業片，但當有能力嘅時候就盡量為弱者發聲。
天祐我們嘅重點唔係摩西，而係誰都可以係其他人和自己的天使，只要夠堅持。

暉仔點樣鍾意上Ike?
簡單嘅藥引：暉仔一直都係冇人在意，而忽然有個人留意佢，知道佢嘅存在
暉仔覺得可以依靠，咁就鍾意咗
人同人之間嘅愛情，好多都係咁開始

而以現今愛情嘅節奏，有人可以今日表白確認關係，後日已經喺人哋屋企住嘅情況，佢哋應該算係慢㗎喇

請問介唔介意，如果我黎緊謝票場可以問到問題幫你問呢？

唔介意啊

當然，這套電影不是拍給大陸市場的，是特別送給香港人的禮物。

豆瓣嗰邊差評，主要係唔明點解戲裡面有啲位會笑，同埋多數睇電影節首映極多 AK / ANSONBEAN fans 入場看，文化唔同都冇辦法。
https://www.douban.com/movie/subject/37421915/

我想問吓大陸嘅差評係圍繞邊一方面 （純粹想知道吓）

豆瓣差評唔代表乜嘢，唔少其實唔入流或者已經落伍嘅書佢哋都畀高分，嗰啲評論同以前天涯論壇嘅討論質素比已經有分別